Qoǵam • 14 Qarasha, 2019

Jataqhana qurylysy bıznes retinde: sarapshylar pikiri

50 retkórsetildi

1

Eraly SAÝRANBAEV,

«Sheber Partners» qurylys kompanııasynyń bas dırektory:

– «Sheber» kompanııalar toby qurylys naryǵynda 12 jyldan astam eńbek etip keledi. Osy ýaqyt ishinde 1 mln sharshy metrden astam turǵyn úı men ónerkásiptik nysandar paıdalanýǵa berildi. Qazir biz JOO úshin jataqhanalar salý boıynsha birneshe jobany daıyndap jatyrmyz.

Bizdiń basty maqsatymyz – qoǵamdy, ekologııany jáne korporatıvtik mádenıetti qosa alǵanda, bizdiń qyzmetimizdiń áleýmettik tıimdiligin arttyrý.

Mysaly, kóptegen elderde ýnıversıtetter stýdentterdiń joǵary oqý oryndarynyń kampýstarynda turýyn talap etedi. Kóptegen sarapshylar «mundaı talapty qoıýǵa ýnıversıtet jataqhanalarynda turatyn stýdentterdiń jataq­hana­da turmaıtyndarmen salystyrǵanda úlgerimi joǵary bolatyn­dyǵy negiz bolǵan» degen pikirdi ustanady. Bul faktige stýdent­terdiń qolaıly ortasy, kommersııalyq alańdarda fıtnes zaldar, basseınder, ashanalar, kitaphanalar jáne t.b. sııaqty qosymsha qyzmetterdiń bolýy yqpal etedi.

Aıta ketý kerek, stýdenttik jataqhanalar qurylysyna jańa kózqaras memlekettik JOO-lardy jekemenshik ınvestor­lar­dyń esebinen zamanaýı áleýmettik ınfraqurylym qurý úshin jekemenshik kásipkerlermen seriktestik qarym-qatynas ornatýǵa yntalandyrady.

Osy rette, memleket barlyq taraptardyń múddelerin eskeretin óte tartymdy tetik oılap shyǵardy. Qazir ınvestorlar úshin, sondaı-aq jataqhanalar qurylysyna ınvestısııa salýǵa nıeti men múmkindigi bar qurylys kompanııalary úshin óte qolaıly jaǵdaı.

 

2

Gúlnar TÚGIBAEVA,

«Best Realty Astana»

jyljymaıtyn múlik agenttiginiń basshysy:

– Bizdiń agenttiktiń qyz­met beıini kommersııa­lyq jyljymaıtyn múlik baǵy­tyn qamtıdy. Sol sebep­ti mem­lekettiń jekemenshik sektor úshin usynyp otyrǵan stý­dent­tik jataq­hanalardy salý teti­giniń qarjy modelin qarastyrý qyzyqty boldy.

Búgingi tańda Qazaqstanda qonaqúı bıznesi kúrdeli kezeńdi ótkerip jatqany belgili. Másele onyń toqyrap qalýynda emes, kerisinshe, bul segmenttegi básekelestik kúnnen kúnge artýda. Sońǵy on jylda jaıǵasý oryndarynyń sany úsh esege, al nómirlik qor 2,4 esege artyp, shamamen 70 myń birlikti quraıdy. Áıtse de, kez kelgen bıznestiń tıimdiligin aıqyndaıtyn ózekti bir uǵym bar, ol – suranys. Bylaısha aıtqanda, qonaqúılerdiń tolymdylyǵy. Shyndyǵyna kelgende, búginde bul san 30%-dan sál ǵana asady. Iаǵnı, 200 orynǵa nómirlik qor bolsa, onyń nebári 60-y ǵana tolatynyna úmittenýge bolady. Bul qyzmet kórsetý deńgeıine de baılanysty.

Endeshe, basqa «zert­­telmegen», áıt­se de turǵyn úı na­ry­ǵy­nyń uqsas seg­menti – stýdenttik jataq­hanalardy alyp kóre­ıik. Naryqtyń aýqymyn túsiný úshin birden bir ma­ńyz­dy faktor – jataqhanalar tapshylyǵyn esepke alýǵa bolady. Ol resmı derekkózderge sáıkes 90 myńnan astam oryn jaıdy quraıdy. Iаǵnı, elimizdegi barlyq qonaqúı bólmelerin stýdentterge bergenniń ózinde, 20 myń adam orynsyz qalady. Sondyq­tan kásipkerler men developerge osy turǵyn úı nary­ǵyn ıgerý jóninde oılanýdyń mańyzy bar. Onyń ústine, jobanyń áleýmettik mańyzdylyǵy memleket tarapy­nan qar­jylyq qoldaýǵa úmitker bolýǵa múmkindik beredi.

 3

Talǵat TuRSYNBAEV,

«Qazaqstandyq memleket – jekemenshik áriptestik ortalyǵy» AQ vıse-prezıdenti:

– 2018 jyly stýdentter úshin jataq­hanalarda 75 myń oryn engizý týraly bastama jarııa­lan­ǵan bolatyn. Sońǵy 10 jylda Qazaq­standa mem­lekettik qarjy­lan­dyrý kezinde barlyǵy 10 myń oryn engizilgenin eskere otyryp, bul jobany órshil dep sanaýǵa tolyq negiz bar.

Jobaǵa qatysýdy josparlaı otyryp, biz basqa elderdiń táji­­rı­besin jan-jaqty zerttedik. Nátıjesinde kóptegen jaǵ­daıda eshkim jataqhana salmaıtyny anyqtaldy. Kerisinshe, qajettilik bolǵan jaǵdaıda jumys istep turǵan obektilerdi stýdenttik jataqhanalar etip ózgertedi, sondaı-aq problemalyq aktıvterdi bıznesmenderge senimdi basqarýǵa beredi. Osyǵan baılanysty stýdentterdi jataq­hanamen qamtamasyz etý tetigine rekonstrýksııa jasaý opsııasyn engizý durys dep sanaımyn.

Jańa qurylys salý qashan da eki táýekelmen baılanysty bolady, olar – qurylys qunynyń jáne iske asyrý merzimderiniń ulǵaıýy. Bıznes áleýetin qoldanystaǵy aktıvter túrinde (salynyp bitpegen obektiler, bıznes-ortalyqtar, turǵyn úı keshenderi) paıdalaný, sondaı-aq bankterdiń problemalyq kepil bazasyn tartý qurylysqa baılanysty táýekelderdi boldyrmaıdy jáne osy áleýmettik máseleni sheshý úshin memleket qarajatyn aıtarlyqtaı únemdeıdi.

Turaqsyzdyq ýaqytynda memleketpen tólemderi qarasty­ryl­ǵan jáne qosymsha tabys alý múmkindigi bar segiz jyldyq kel­i­sim­shart jasasý ári qaraı damýǵa nıetti kásipker úshin óte tıimdi.

Sońǵy jańalyqtar

Ýrbanıstik ortalyqqa aınalýdyń bir tutqasy

Aımaqtar • 07 Jeltoqsan, 2019

Qaraǵandyda Antikor Ortalygy mekemesi ashyldy

Aımaqtar • 07 Jeltoqsan, 2019

Qazalyda retro-festıval ótti

Aımaqtar • 07 Jeltoqsan, 2019

Almatylyq dızaınerdiń Stokgolmde kórmesi ashyldy

Rýhanııat • 07 Jeltoqsan, 2019

Almatyda jas órenderdiń jarysy aıaqtaldy

Sport • 07 Jeltoqsan, 2019

Qarqaraly aýdanyna jańa ákim taǵaıyndaldy

Taǵaıyndaý • 07 Jeltoqsan, 2019

«El birligi – 2019» marapattaý saltanaty ótti

Rýhanııat • 07 Jeltoqsan, 2019

Asyq oıyny balalardy ómirlik tájirıbege baýlıdy

Rýhanııat • 07 Jeltoqsan, 2019

Kúlki kerýeni № 20

Rýhanııat • 06 Jeltoqsan, 2019

Uqsas jańalyqtar