Atalǵan sharanyń maqsaty túrik eliniń úzdik kıno týyndylaryn baýyrlas eldiń kórermenine usyna otyryp, eki el arasyndaǵy mádenı baılanystyń damýyna úles qosý. Eki baýyrlas eldi bir-birine jalǵap otyrǵan kópir ispettes túrik kıno ónimderi qazirgi kúni álemde óte tanymal. Qazaq kórermenderi túrik serıaldary men kınofılmderine úlken yqylas tanytýda.
Túrik fılmderi aptasy aıasynda elordalyqtardyń nazaryna segiz túrik kınotýyndysy tegin usynylady. Olardyń arasynda «Uzyn hıkaıa», «Kóbelektiń túsi», «Umytsam sybyrla», «Ertuǵyryl 1890», «Bastyq istiń sátti aıaqtalǵanyn qalaıdy», «Sıqyrshy», «Qyzyl oramaldy shynarym» sııaqty fılmder bar.
Qazirgi kúni mádenıet pen óner ordasyna aınalyp úlgirgen Nur-Sultan qalasy turǵyndary men qonaqtary, túrik fılmderi aptasynda Iýnýs Emre túrik mádenıet ortalyǵy tarapynan kórsetiletin fılmderdiń barlyǵyn aqysyz tamashalaı alady. Shara 18-25 qarasha aralyǵynda «Kerýen» OSO, Kınopark 7 kınoteatrynda ótedi. Kórsetilim ýaqyty saǵat 19.00.
