Aımaqtar • 14 Qarasha, 2019

Bas basylymnyń baıtaq belesi

46 retkórsetildi

Qazaq baspasóziniń qarashańyraǵy sanalatyn «Egemen Qazaqstan» gazetiniń jaryq kórgenine bıyl 100 jyl tolyp otyr. Osynaý bir ǵasyr aralyǵynda qazaq ultynyń tarıhı taǵdyryna kýá bolǵan da osy basylym. Bas basylymnyń ǵasyrlyq mereıtoıy elimizdiń birqatar óńirlerinde atalyp ótýde. El gazetiniń 100 jyldyq jylnamasynan da halqymyzdyń Bernııaz Kúleev, Beıimbet Maılın, Turar Rysqulov, Muhtar Áýezov bastaǵan   kórnekti tulǵalarynyń eńbek etkenin kórýge bolady.

«Egemen Qazaqstan» gazetiniń ǵasyrlyq mereıtoıy Jambyl óńirinde de atalyp ótti. Áýeli oblystyq «Jambyl» telearnasynda el gazetiniń tarıhyna baılanysty habar túsirildi. Arnaıy habarǵa ár jyldary bas basylymda eńbek etken ardagerler qatysyp, óz oılarymen bólisti. Sonymen qatar Taraz Memlekettik pedagogıkalyq ýnıversıtetinde Jambyl oblystyq ishki saıasat basqarmasynyń uıymdastyrýymen «El gazeti «Egemen Qazaqstan» atty arnaıy is-shara uıymdastyryldy. Shara barysynda kópshilikke LED ekrannan bas basylymnyń mol shejiresinen syr shertetin sátter kórsetildi. Jıyndy kezinde bas basylymda qyzmet atqarǵan belgili pýblısıst-jýrnalıst Meırambek Tólepbergen júrgizdi. Al, basylym ardageri, belgili jazýshy-dramatýrg Elen Álimjan bul basylymda 11 jyl boıy Jambyl oblysy boıynsha menshikti tilshi bolyp qyzmet atqarǵanyn, sol jyldarda talaı másele kóterip, báriniń de oń sheshim tapqanyn áńgimeledi. «Jalpy, «Egemen Qazaqstan» bolmysy bólek basylym. Kezinde partııanyń birinshi hatshylarynyń ózi bul gazette jaryq kórgen dúnıelerdi qalt jibermeı oqyp, másele kóterilse, ony sheshýge tapsyrma beretin. Bul gazette talaı azamattar abyroımen eńbek etip, ter tókti. Qazaq baspasóziniń bolashaǵy úshin qyzmet etti», deı kele, jastardyń qoıǵan suraqtaryna jaýap berdi. Kezinde bas basylymnyń eki ret Jambyl oblysy boıynsha menshikti tilshisi qyzmetin atqarǵan, búginde oblystyq «Aq jol» gazetin basqaryp otyrǵan jazýshy Kósemáli Sáttibaıuly «Bul gazetti oqý úshin óre kerek. Oǵan daıyndyq kerek», deı kelip, qazirgi kezdegi óńirdegi jazylym naýqany, jalpy barlyq gazettiń oqylý deńgeıi týraly áńgime qozǵady. Tipti, kásibı jýrnalıst pen blogerdiń de arajigin ajyratyp alý kerektigin aıtty. Qos qalamger de táýelsizdik jyldarynda bas basylymdy basqarǵan Sherhan Murtaza týraly jyly estelikterimen bólisti. Al, bas basylymnyń sol kezdegi Ońtústik Qazaqstan jáne Jambyl oblystaryndaǵy menshikti tilshisi qyzmetin atqarǵan, búginde respýblıkalyq «Jas Alash» gazeti bas redaktorynyń orynbasary bolyp qyzmet atqaryp júrgen Oralhan Dáýit 100 jyldyq tarıhy bar gazettiń búginde jańa arnaǵa bet burǵanyn, gazet betinde kóterilip jatqan máselelerdiń ózektiligin áńgimeledi.

Osy ýaqytqa deıin el gazetinde kóptegen bilikti azamattar basshylyq jasady. Báriniń de bas basylymda qoltańbasy qaldy. Bul basylymda eńbek etken ardagerler sol bir jyldarǵa sheginis jasap, qyzyqty estelikterimen de bólisti. Al, qazirgi kezde «Egemen Qazaqstan» gazetiniń Basqarma tóraǵasy Darhan Qydyráliniń jastarǵa úlken senim artyp, olardy jumysqa qabyldaǵany týraly da aıtyldy. Jalpy, tarıhy tereń basylymda talaı myqtylardyń izi qalǵany tarıqa aıan. Jıyn barysynda «Egemen Qazaqstan» gazetiniń Jambyl oblysy boıynsha menshikti tilshileri bolǵan, búginde ómirden ótip ketken Jaqsylyq Sátibekov, Murat Syzdyqov, Meırambaı Satybaldıev, Maqulbek Rysdáýlet sııaqty azamattardy da ardagerler saǵynyshpen eske aldy.

Sońǵy jańalyqtar

Basylym basshylary - Bernııaz KÚLEEV (1899-1923)

Basylym basshylary • Búgin, 14:55

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Táýelsizdik – tuǵyrym

Aımaqtar • 13 Jeltoqsan, 2019

Arhıv ǵımaratyna eskertkish taqta ornatyldy

Rýhanııat • 13 Jeltoqsan, 2019

Uqsas jańalyqtar