Aımaqtar • 13 Qarasha, 2019

Nurlan Noǵaev: «Kez kelgen jumysty adal nıetpen jáne zań aıasynda isteý kerek»

8 retkórsetildi

Atyraý oblysynyń ákimi Nurlan Noǵaev «NurOtan» partııasynyń oblystyq fılıalynda turǵyndardy jeke máseleleri boıynsha qabyldady.

Aımaq basshysymen kezdesýde óńir turǵyndary negizinen turmystyq máselelerdi kóterdi. Isataı aýdanynyń turǵyny Mánshúk Muhambetova ákimnen oblys ortalyǵynan páter alýǵa kómektesýin surady. Otbasynda 19 jastaǵy múgedek uly bar. Ǵalııa Jalǵasovanyń otbasy jer telimin alý kezeginde 16 jyldan beri tur. Joldasy qaıtys bolǵannan keıin, kezegi avtomatty túrde joıylǵan. Zań boıynsha jer telimin aryz bergen adam ǵana alýǵa quqyly. Osyndaı saýaldy basqa turǵyndar da qoıdy, jalǵa beriletin turǵyn úılerge qatysty da suraqtar boldy. Jaýap bireý: turǵyn úı tek qana zań boıynsha jáne kezekpen beriledi.

Biz kezeksiz úı bere almaımyz. Belgili bir erejeler bar jáne ol barshaǵa ortaq. Sondyqtan  kezekterińizdi kútýge týra keledi. О́zderińizge belgili, qazir turǵyn úı qurylysy qarqyndy júrip jatyr. Talǵaırań, Nursaıa, Bereke yqshamaýdandarynda úıler salynýda. Kezekterińiz kelgende páterlerińizdi alasyzdar, dedi Nurlan Noǵaev.

Oblys ákimine jumysqa ornalasýǵa kómek surap kelgender de boldy. Burǵylaý ınjeneri Zaır Seıdaǵalıev ótken jyly jumysynan shyǵyp ketken, sodan beri mamandyǵy boıynsha jumys tappaı júr. Oǵan eńbek naryǵyndaǵy basqa da usynystardy qabyldaý kerektigi aıtyldy, memlekettik baǵdarlamalar boıynsha qaıta oqytýdan ótip, qosymsha mamandyq alýǵa da bolady.

Turǵyndarmen kezdesýdi qorytyndylaǵan aımaq basshysy azamattardy qabyldaý kezinde kóterilgen máselelerdiń nazardan tys qalmaıtynyn aıtty. Ár másele baqylaýǵa alynady.

-Búgingi áreketterińizge erteń uıalmaý úshin, kez kelgen jumysty adal nıetpen jáne zań aıasynda isteý kerek, - dedi Nurlan Noǵaev.

Sońǵy jańalyqtar

Basylym basshylary - Bernııaz KÚLEEV (1899-1923)

Basylym basshylary • Búgin, 14:55

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Táýelsizdik – tuǵyrym

Aımaqtar • 13 Jeltoqsan, 2019

Arhıv ǵımaratyna eskertkish taqta ornatyldy

Rýhanııat • 13 Jeltoqsan, 2019

Uqsas jańalyqtar