Qazaqstan • 14 Qarasha, 2019

Qazaqstan men Eýroodaq arasyndaǵy yntymaqtastyq jańa serpin alýda

17 retkórsetildi

Qazaqstannyń basshylyǵy Eýropalyq Odaqpen yntymaqtastyqty odan ári nyǵaıtýǵa nıetti. Bul yntymaqtastyq Eýropalyq komıssııanyń jańa quramy ókilettik alyp, sondaı-aq Qazaqstan Respýblıkasy men EO arasyndaǵy keń aýqymdy kelisiminiń tolyq kúshine enýimen jańa eleýli serpin alady. Bul týraly Qazaqstannyń Syrtqy ister mınıstriniń orynbasary Roman Vasılenko Brıýsseldegi Euractiv medıa agenttiginiń alańynda 13 qarashada ótken «Qazaqstannyń jańa basshylyǵy:Qazaqstan Respýblıkasy men EO arasyndaǵy qarym-qatynastarǵa qandaı áser bolady?» atty dóńgelek ústel barysynda baıandady. Bul týraly Syrtqy ister mınıstrliginiń baspasóz qyzmeti habarlady.

Qazaqstandyq dıplomatpen birge is-shara barysynda spıkerler retinde Eýropa Parlamentiniń depýtaty Andrıs Amerıks, Ortalyq Azııa elderimen qatynastar boıynsha Eýroparlament delegasııasy basshysynyń orynbasary, «Eýropalyq kórshilik saıasaty jónindegi keńesi» ǵylymı-zertteý ortalyǵynyń basqarýshy dırektory Samýel Vesterbaı, Eýropalyq syrtqy is-áreketter qyzmetiniń Ortalyq Azııa boıynsha basqarmasy basshysynyń orynbasary Fılıpp van Amersfort, sondaı-aq Eýropalyq saýda jónindegi komıssııanyń bas dırektoratynyń Qazaqstan boıynsha úılestirýshisi Joselın Gıtton sóz soıledi. «Dóńgelek ústelge» Eýrokomıssııa qyzmetkerleri, Brıýsseldegi Eýroodaqqa múshe memleketterdiń dıplomatııalyq mıssııalarynyń, eýropalyq sarapshylar qoǵamdastyǵynyń jáne BAQ ókilderi qatysty.

R.Vasılenko aýdıtorııany Qasym-Jomart Toqaevtyń Prezıdent laýazymyndaǵy qyzmetiniń alǵashqy qorytyndylarymen, sondaı-aq onyń Qazaqstan halqyna alǵashqy Joldaýynyń negizgi erejelerimen jáne Prezıdenttiń ishki jáne syrtqy saıasatynyń basymdyqtarymen tanystyrdy. Ol 2019 jyl Ortalyq Azııa boıynsha jańa strategııany qabyldaý jáne 2015 jylǵy 21 jeltoqsanda qol qoıylǵan Qazaqstan Respýblıkasy men EO arasyndaǵy Keńeıtilgen áriptestik pen yntymaqtastyq týraly kelisiminiń (KÁYK) ratıfıkasııalaý prosedýrasynyń aıaqtalýy aıasynda ekijaqty qarym-qatynastar tarıhynda mańyzdy bolǵanyn atap ótti. Qazaqstan basshylyǵynyń Eýropalyq Odaqpen yntymaqtastyqty odan ári nyǵaıtýǵa degen umtylasyn rastaı otyryp, qazaqstandyq dıplomat Eýropalyq Komıssııanyń jańa quramy qyzmetine kirisýi men KÁYK-tiń tolyq kúshine enýi EO-nyń Qazaqstanmen qarym-qatynastaryna aıtarlyqtaı jańa serpin beretinine senim bildirdi.

A.Amerıks Qazaqstan EO-nyń saıası jáne ekonomıkalyq yntymaqtastyq, sondaı-aq óńirlik qaýipsizdik turǵysyndaǵy Ortalyq Azııadaǵy negizgi seriktesteriniń biri bolyp tabylatynyn atap ótti.

О́z kezeginde, F.Amersfort Qazaqstan Respýblıkasyndaǵy quqyq ústemdigin nyǵaıtýǵa baǵyttalǵan reformalary men jaqynda qurylǵan saýda-ekonomıkalyq yntymaqtastyqty arttyrýǵa jáne ártaraptandyrýǵa baǵyttalǵan Qazaqstannyń Premer-Mınıstri qatysatyn Ekonomıkalyq jáne iskerlik máseleler boıynsha Qazaqstan Respýblıkasy-EO dıalogtyq platformasynyń jumysyn qoldady.

J.Gýıtton Qazaqstan EO-nyń Ortalyq Azııa elderi arasyndaǵy eń iri saýda seriktesi bolyp tabylatynyna nazar aýdardy: EO men aımaq arasyndaǵy saýdanyń 86%-y bizdiń elge tıesili. Onyń aıtýynsha, Azııa men Eýropa arasynda ornalasqanyna baılanysty, Qazaqstannyń tranzıttik-kóliktik áleýeti  eldiń ekonomıkalyq ósýiniń qýatty draıveri bolýy múmkin.

2019 jylǵy maýsymda Qazaqstandaǵy prezıdenttik saılaý ótkizilýiniń baıqaýyna qatysqan S.Vesterbaı azamattyq qoǵamynyń eldiń qoǵamdyq-saıası ómirin jańǵyrtý prosessine keńinen qatysýdyń mańyzdylyǵyn atap ótti.

Is-sharaǵa qatysýshylar KÁYK-tiń tıimdi iske asyrylýy Qazaqstan men Eýroodaq arasyndaǵy ekonomıkalyq baılanystardy keńeıtip, saýda ósiminiń, eýropalyq tehnologııalar men ınvestısııalardy tartýdyń jáne jańa jumys oryndaryn qurýdyń kepili bolady degen biryńǵaı pikir bildirdi.

 
Sońǵy jańalyqtar

Elimizdegi eń jas qusbegi

Qoǵam • Búgin, 06:05

Aqqorǵan oqıǵasy

Tanym • Búgin, 05:50

Ulaǵatty ustaz ustyny

Rýhanııat • Búgin, 05:35

Stýdentter durys tamaqtana ma?

Qoǵam • Búgin, 05:30

Qarjy pıramıdasynyń qarmaǵy

Qoǵam • Búgin, 05:05

Saqtandyrý segmenti básekege daıyn ba?

Ekonomıka • Búgin, 05:01

Talpaq tanaý da tabys kózi

Ekonomıka • Búgin, 05:00

Alyp tıin tórge ozdy

Aımaqtar • Keshe

18,6 mıllıonǵa jettik

Qazaqstan • Keshe

KHL: «Barys» jeńiske jetti

Hokkeı • 15 Aqpan, 2020

Qyzylordada eske alý mıtıngisi ótti

Aımaqtar • 15 Aqpan, 2020

Jol qurylysynan tabylǵan aqaý kóp

Aımaqtar • 15 Aqpan, 2020

Aqtóbede avtobýs aýdaryldy

Aımaqtar • 15 Aqpan, 2020

Bıyl BQO-da 1710 páter beriledi

Aımaqtar • 15 Aqpan, 2020

Jer silkindi

Qazaqstan • 15 Aqpan, 2020

Uqsas jańalyqtar