Aımaqtar • 14 Qarasha, 2019

Fermerdiń maýsymdyq tabysy qansha?

45 retkórsetildi

Sharýalardyń kooperatıvterge birigip jumys isteýiniń tıimdiligi týrasynda mamandar jıi másele kóterip júr. Ujymdasyp eńbek etýge kúmánmen qarap júrgenderge qaraǵanda, bilek sybana iske kirisip ketken ujymdar qomaqty tabys taba bastady. Sońǵy jyldarda jumys tájirıbesi jaıyn sharýalarmen bólisip júrgen Almaty oblysy Shelek aýdanynyń fermerleri ońtústik astanaǵa at basyn tirep, kókónis ósirý men baptaýdaǵy jetistikterimen bólisti.

Eńbekshiqazaq aýdany Jergilikti qaýymdastyqtar qorynyń dırektory B.Elshibaeva fermerler jetken tabys ujymdyq jumystyń nátıjesi dep atap ótti. Ashyq topyraqta kókónis daqyldaryn óńdeýge arnalǵan aýmaq búginde eki jarym esege artqan. Osydan tórt jyl buryn egistik kólemi 17 gektar bolsa, búginde kókónister 42 gektarda ósiriledi. Fermerler jylyjaıda kókónis ósirýdiń tıimdiligine de kóz jetkizdi. Zamanaýı múmkindikter ónimderdi jyldyń barlyq mezgilinde qoljetimdi etýge múmkindik berip otyr. Bıylǵy jyly fermerler ónim túrlerin kóbeıtip, kókónisterdi qabyldaý jáne suryptaý tirekteriniń jumysyn júıeledi. «Shelek fermerleri» Aýyl sharýashylyǵy óndiristik kooperatıviniń tóraǵasy M.Mansurovtyń aıtýynsha, ósirilgen jáne salqyndatylǵan ónimder arnaıy kóliktermen «Arzan» jáne «METRO Kesh end Kerrı» sýpermarketterine jetkizilip turady. Bul qala turǵyndaryn tabıǵı ónimdermen qamtamasyz etip qana qoımaı, fermerler kirisin ortasha eseppen 30 paıyzǵa arttyryp otyr. Kooperatıv músheleri 2015 jyly 89 tonna ónim óndirse, bıylǵy jyly 32 mln teńgege 227 tonna kókónis ótkizgen. Qazirgi kezde sharýashylyq ónimderi kórshi elderge de eksportqa shyǵaryla bastady. Al osy osy bes jyl ishinde 4 365 aýyl turǵyny Agrobıznes ortalyǵynda bilimin jetildirýge múmkindik alsa, 120-dan astam otbasy músheleri kókónisten paıda taýyp otyr. Naýqan kezinde kókónis alqaptarynda 150-ge jýyq adam jumys isteıdi.

Shelek fermerleriniń bas agronomy P.Kavýnov atap ótkenindeı, kókónis sapasy men ónimdiligin arttyrýǵa baılanysty jıyrmadan astam jobalar men jańa tehnologııalar engizilgen. Agrobıznes ortalyǵyndaǵy jer telimderinde bıogaz  qondyrǵysy, kún panelderi, taspaly jylyjaılar, tamshylatyp sýǵarý, kúnmen sýdy qyzdyrýǵa arnalǵan splıt-júıe sııaqty bes bıotenhologııalyq  júıe bar. Nátıjesinde ónimdilik jekelegen jaǵdaılarda 20-dan júz paıyzǵa jetken. P.Kapýnov sonymen birge aımaqta kókónistiń barlyq túrlerin óndirýge jaǵdaı bar ekendigin jetkizdi. Degenmen fermerlerdiń naqty bir baǵytta jumys isteýi tıimdi. Búginde qyzanaq, baıaldy, burysh, kádi sııaqty kókónisterge mamandanǵan Shelek fermerleri aldaǵy ýaqytta da tájirıbesimen bólisýge daıyn. Bul jobanyń júzege asyp, jaqsy nátıje berýine «Fılıp Morrıs Qazaqstan» kompanııasy qoldaý kórsetip otyr. Kompanııanyń Syrtqy baılanystar boıynsha jetekshisi R.Zaıtov baǵdarlama josparlaý, dándi sebýden bastap, fermerdiń kiris alǵanǵa deıingi sharýashylyǵyna kásibı baǵdar berip otyrady. Al elimizde tomat, salat ónimderimen belgili «Sın-Kaz» JShS bólim basshysy M.Erlan Shelek óńirinde óndirilgen ónimderdiń tabıǵı taza klımatty óńirge tán dámi, ereksheligi bar ekendigin jetkizdi. Kompanııa tarapynan standartqa saı ónimderdi shyǵarýǵa fermerler únemi keńester alyp otyrady. Aımaqtaǵy fermerler jańa tehnologııalyq múmkindikterdi molynan ıgeretin bolsa, onda Qazaqstanǵa Gollandııa, Amerıka, Qytaıdan tasymaldanatyn ónimderimen básekege túse alatyn tabıǵı otandyq kókónister naryǵy damıtyny anyq.

Sońǵy jańalyqtar

75 kúımen rekord jańartty

Rýhanııat • Búgin, 21:32

Abaı murasy máńgilik

Abaı • Búgin, 19:00

Basty aqparat (17.02.2020)

Vıdeo • Búgin, 18:54

Aqmeshitte alaman aıtys ótti

Rýhanııat • Búgin, 18:52

Basylym basshylary - Keńesbaı ÚSEBAEV (1914-1995)

Basylym basshylary • Búgin, 18:12

Basylym basshylary - Ǵumar AQQULOV (1912-1957)

Basylym basshylary • Búgin, 18:05

Basylym basshylary - Qabyl BEKMURATOV (1914-1980)

Basylym basshylary • Búgin, 18:02

Semeılik oqýshylar júldeger atandy

Aımaqtar • Búgin, 17:51

Qaraǵandy oblystyq QAJD bastyǵy taǵaıyndaldy

Taǵaıyndaý • Búgin, 16:21

Qyzyljarda keıýana qyzyl jalyn qushty

Oqıǵa • Búgin, 16:04

Qujattary minsiz, isteri ónimsiz

Aımaqtar • Búgin, 12:47

Erjan Jylqybaev qyzmetinen bosatyldy

Qazaqstan • Búgin, 12:43

Almaty-Mýmbaı áýe reısi ashylady

Qazaqstan • Búgin, 12:06

Abaı ánderi úndi elinde asqaqtady

Abaı • Búgin, 11:20

Dımash Qudaıbergen Krasnodarda konsert berdi

Rýhanııat • Búgin, 10:13

Xiaomi robottar ǵana isteıtin zaýyt salmaqshy

Tehnologııa • Búgin, 09:57

Uqsas jańalyqtar