Qazaqstan • 14 Qarasha, 2019

Sıfrlyq komıssarlardyń usynystary vedomstvoaralyq komıssııaǵa shyǵarylady

11 retkórsetildi

Sıfrlyq komıssarlar Mınıstrlikkke memlekettik kórsetiletin qyzmetter, HQKO jáne mınıstrlikter men vedomstvolardyń sıfrlyq jobalaryna qatysty 50-ge jýyq eskertý men usynys joldady. Usynylǵan bastamalardyń jartysy óz sheshimin tapty. Mysaly, elektrondyq qujat aınalymy júıesine engizilgen ózgeristerge baılanysty memlekettik qyzmetshiler endigi ýaqytta elektrondyq ótinishterdi jaýyp tastaı almaıdy. Azamattardyń ótinishine qaıtarylatyn elektrondyq jaýapqa shyǵys nómiri beriledi, sondaı-aq zańdy tulǵa basshysynyń aýysýy týraly málimetterdi engizý 3 kún ishinde júrgiziletin bolady. Bul týraly Sıfrlyq damý, ınnovasııalar jáne aeroǵarysh ónerkásibi mınıstrliginiń baspasóz qyzmeti habarlady.

Sıfrlyq damý mınıstri kezdesýde atap ótkendeı, sıfrlyq komıssarlardyń basqa memlekettik organdardyń memlekettik qyzmetterine qatysty bergen usynystaryn vedomstvoaralyq komıssııalarda qaraý josparlanǵan.

«Keıbir máselelerdi vedomstvoaralyq komıssııanyń qaraýyna engizemiz, óıtkeni olar basqa memlekettik organdardyń quzyryna jatady. Mysaly, keıbir ata-analar shet elde týǵan jáne týý týraly kýálikti shet elde alǵan  balalary úshin memlekettik qyzmetterdi ala almaıdy. Bul máseleni VAK sheńberinde sheshý qajet»,  dep atap ótti Jumaǵalıev.

Mınıstrmen kezekti kezdesýge sıfrlyq komıssarlar problemalyq máseleler men usynystaryn ázirlep kelgen eken. Negizinen, olar avtokólikti tirkeý, júrgizýshi kýáligin onlaın alý, emhanalarǵa tirkelý, keıbir e-qyzmetter men ınterfeıstegi kemshilikterge qatysty boldy. Mınıstr bulardyń árqaısysy boıynsha jumys júrgiziletinin jetkizdi.

Kezdesýde Jumaǵalıev sondaı-aq Azamattarǵa arnalǵan úkimetpen, Ishki ister mınıstrligimen, «Qazposhta» AQ jáne «UAT» AQ birlesip, avtokólikti tirkeý qyzmetin onlaın alýda tehnıkalyq pasport pen memlekettik nómirdi mamandandyrylǵan HQKO-ǵa barmaı, úıge jetkizip berý múmkindigi qarastyrylyp jatqanyn aıtty.

Kelesi kezdesýlerde naqty salalar boıynsha sheshimin kútken máselelerdi tıisti mınıstrlikter men ókilderdi shaqyra otyryp, talqylaý týraly sheshim qabyldandy.

2019 jylǵy qyrkúıekte Qazaqstan Respýblıkasynyń Sıfrlyq damý, ınnovasııalar jáne aeroǵarysh ónerkásibi mınıstrliginde qoǵamnyń belsendi azamattary, jýrnalıster men blogerler qatarynan «Sıfrlyq komıssarlar» dep atalatyn arnaıy top  qurylǵanyn esterińizge salyp ótkimiz keledi. Sıfrlyq komıssarlar táýelsiz baqylaýshy retinde «Sıfrlyq Qazaqstan» memlekettik baǵdarlamasy aıasynda iske asyrylyp jatqan memlekettik organdardyń jobalary men bastamalaryna qoǵamdyq negizde  monıtorıng júrgizedi.

Sońǵy jańalyqtar

Basylym basshylary - Bernııaz KÚLEEV (1899-1923)

Basylym basshylary • Búgin, 14:55

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Táýelsizdik – tuǵyrym

Aımaqtar • 13 Jeltoqsan, 2019

Arhıv ǵımaratyna eskertkish taqta ornatyldy

Rýhanııat • 13 Jeltoqsan, 2019

Uqsas jańalyqtar