Aımaqtar • 14 Qarasha, 2019

Tarazda tarıh pen taǵylym konferensııasy ótýde

88 retkórsetildi

Búgin Halyqaralyq Túrki Akademııasynyń uıymdastyrýymen M.H.Dýlatı atyndaǵy Taraz Memlekettik ýnıversıtetiniń májilis zalynda «Talas quryltaıy: tarıh pen taǵylym» atty Altyn Ordanyń 750 jyldyǵyna arnalǵan Halyqaralyq ǵylymı-tájirıbelik konferensııa bastaldy.

Aıtýly tarıhı sharaǵa Qazaqstan Respýblıkasy Premer-Mınıstriniń orynbasary Berdibek Saparbaev arnaıy kelip qatysty. Sharany Halyqaralyq Túrki Akademııasynyń Prezıdenti Darhan Qydyráli júrgizip, Talas quryltaıynyń mańyzdylyǵyna toqtaldy. «Prezıdent Qasym-Jomart Toqaev Altyn Ordanyń 750 jyldyǵyn atap ótýdi Úkimetke tapsyrǵan bolatyn. Eki myń jyldan astam tarıhy bar Taraz túrki qaǵanatynyń ortalyǵy bolǵan, qazaq handyǵynyń qazyǵy qaǵylǵan aımaq», dedi óz sózinde.

Al, Úkimet basshysynyń orynbasary Berdibek Saparbaev óz sózinde «Tarıhsyz bolashaq bolmaıdy. Prezıdent Qasym-Jomart Toqaev osy bastamany kóterip, talaı ǵasyrlyq tarıhymyz bar el ekenimizdi dúnıege kórsetý úshin Úkimetke tapsyrma berdi. Qazaq ultynyń tarıhy tereńde jatyr. Taraz qalasynyń 2000 jyldyq, Túrkistan qalasynyń 1500 jyldyq, Qazaq handyǵynyń 550 jyldyq tarıhı toıyn atap óttik. Endi tarıhı Tarazdy damytý kerek. Ulytaýdy týrıstik ortalyqqa aınaldyrý kerek», dedi. Sonymen qatar Berdibek Máshbekuly Jambyl oblysyna jumys sapary aıasynda jańadan salynyp jatqan «Shahrıstan» tarıhı-mádenı kesheninde bolǵanyn, búginde Taraz qalasynyń túrlenip kele jatqanyn, qalany damytý úshin Úkimet tarapynan kómek kórsetiletinin atap ótti. Budan keıin Jambyl oblysynyń ákimi Asqar Myrzahmetov sóz alyp, Jambyl óńiriniń tarıhı meken ekenin atap ótti. «Tarıhy tereń, aýqymdy Taraz shahary týraly Elbasy Nursultan Nazarbaev «Taraz - tarıhymyzdyń temirqazyǵy» degen bolatyn. Endi tarızı Tarazǵa kóńil bólinýi kerek dep esepteımiz. «Shahrıstan» kesheninde salynyp jatqan «Tarıhtaný» ortalyǵynyń maqsaty da baı tarıhymyzdy pash etý. Búgingi konferensııa barysynda tarıh taǵy da jańa málimettermen tolyqqaly otyr», dedi Asqar Myrzahmetov. О́z kezeginde Qyrǵyz Respýblıkasy Jogorký Keneshiniń eks-tóraǵasy Medethan Sherımkýlov Talasqa baılanysty quryltaıǵa ekinshi ret qatysyp otyrǵanyn, alǵashqy jıyn Nur-Sultan qalasynda joǵary deńgeıde ótkenin jetkizdi.

Sonymen qatar ol qazaq dalasynyń tarıhılyǵyna da toqtaldy. Al, jıyndy júrgizip otyrǵan Akademııa basshysy Darhan Qydyráli tarıh ultty biriktirýi kerek ekenin aıtyp, jýyrda Túrki Akademııasynyń uıymdastyrýymen Qyrǵyz eliniń Bishkek qalasynda Talas quryltaıynyń ótetinin jetkizdi. Sonymen qatar qazaq pen qyrǵyz ǵalymdary Moǵolstan tarıhyn zertteýleri kerek ekenin de aıtty. Budan keıin Mońǵolııa Ulttyq mýzeıiniń dırektory, tarıh ǵylymdarynyń doktory Súhbaatar Dagvaadorj Taraz jerinde ótip jatqan tarıhı sharanyń mańyzdylyǵyna toqtalsa, О́zbekstan Ǵylym Akademııasy Arheologııa ınstıtýtynyń dırektory, tarıh ǵylymdarynyń doktory Farhad Maksýdov bir halyqtyń tarıhyn túsiný úshin onyń mádenıetin jaqsy kórý kerek ekenin aıtty. О́z sózinde Tatarstan Ǵylym Akademııasy A.H.Halıkov atyndaǵy arheologııa ınstıtýtynyń dırektory Kaırat Sıtdıkov qazaq dalasynyń tarıhı taǵylymǵa toly ekenin, búgingi shara sonyń bir kórinisi ekenine toqtaldy. Budan keıin ǵalymdar seksııalarǵa bólinip, Shyńǵys han, Joshy, Shaǵataı ulystaryna qatysty, Altyn Orda tarıhyna qatysty óz oılaryn ortaǵa salýda. Shara Taraz jerinde eki kún boıy ótedi.

Sońǵy jańalyqtar

75 kúımen rekord jańartty

Rýhanııat • Búgin, 21:32

Abaı murasy máńgilik

Abaı • Búgin, 19:00

Basty aqparat (17.02.2020)

Vıdeo • Búgin, 18:54

Aqmeshitte alaman aıtys ótti

Rýhanııat • Búgin, 18:52

Basylym basshylary - Keńesbaı ÚSEBAEV (1914-1995)

Basylym basshylary • Búgin, 18:12

Basylym basshylary - Ǵumar AQQULOV (1912-1957)

Basylym basshylary • Búgin, 18:05

Basylym basshylary - Qabyl BEKMURATOV (1914-1980)

Basylym basshylary • Búgin, 18:02

Semeılik oqýshylar júldeger atandy

Aımaqtar • Búgin, 17:51

Qaraǵandy oblystyq QAJD bastyǵy taǵaıyndaldy

Taǵaıyndaý • Búgin, 16:21

Qyzyljarda keıýana qyzyl jalyn qushty

Oqıǵa • Búgin, 16:04

Qujattary minsiz, isteri ónimsiz

Aımaqtar • Búgin, 12:47

Erjan Jylqybaev qyzmetinen bosatyldy

Qazaqstan • Búgin, 12:43

Almaty-Mýmbaı áýe reısi ashylady

Qazaqstan • Búgin, 12:06

Abaı ánderi úndi elinde asqaqtady

Abaı • Búgin, 11:20

Dımash Qudaıbergen Krasnodarda konsert berdi

Rýhanııat • Búgin, 10:13

Xiaomi robottar ǵana isteıtin zaýyt salmaqshy

Tehnologııa • Búgin, 09:57

Uqsas jańalyqtar