Kásipqoı boks • 14 Qarasha, 2019

Qanat Islam Haıme Mýngııamen judyryqtasýy múmkin

328 retkórsetildi

Áıgili Boxingnews24.com saıtynda kelesi jyldyń 11 qańtarynda AQSh-tyń San-Antonıo qalasynda ótetin boks keshinde WBO nusqasy boıynsha birinshi orta salmaqtaǵy álem chempıony, meksıkalyq Haıme Mýngııanyń kimmen judyryqtasýy múmkin ekeni jaıynda aqparat jarııalandy.

Úmitkerler qatarynda segiz boksshynyń esimi atalǵan eken. Solardyń qatarynda bizdiń Qanat Islam da bar. Jýyrda ǵana qandasymyz Almatyda ótken jarysta Nıgerııanyń myqtysy Ýolter Kaýtondokvany 10 raýndtyq básekede upaı sanymen utqany esimizde. Qazaq jigitinen bólek, avstralııalyq Djeff Horn, Ýolter Kaýtondokva, ýelstik Lıam Ýılıams, aǵylshyn Entonı Faýler, amerıkalyq Immanývel Alım, Ýgo Senteno jáne Brendon Adams ta aıtýly boksshyǵa qarsylas atanýy múmkin.

Al Haıme Mýngııa jaıynda aıtar bolsaq, ol 23 jasta. Meksıkanyń týmasy kezinde birneshe beldi nusqalar boıynsha álem chempıony atanǵan áıgili Antonıo Margarıtomen bir zalda jattyǵyp, saqa sportshydan kóp tálim aldy. Qazirgi kezde Noe Alvares pen Robert Alkasar syndy bilikti bapkerlerdiń qol astynda jattyǵýda. Sonymen qatar Haımeniń ákesi de osy sport túrin serik etip, asa aýyr salmaqta óner kórsetkenin de aıta ketken abzal.

Kásipqoılar arasynda óziniń tusaýkeser kezdesýin Mýngııa 2013 jyldyń 13 shildesinde ótkizdi. Ol kezde Haıme nebary 16 jasta edi. Osy kúnge deıin ol barlyǵy 37 márte rıngke kóterilip, barlyq qarsylasynan basym tústi. 27 básekeni merziminen buryn aıaqtady. 2018 jyldyń mamyr aıynda ótken jarysta AQSh-tyń ókili Sadam Álıdi tórtinshi raýnda uryp jyqqan Meksıkanyń jas perisi birinshi orta salmaqta WBO nusqasy boıynsha álem chempıony atandy. Sol ataǵyn ol ulybrıtanııalyq Lıam Smıt, kanadalyq Brendon Kýk, japonııalyq Takeshı Inoýe, ırlandııalyq Denıs Hogan jáne ganalyq Patrık Allotıge qarsy aıqastarda sátti qorǵady. 

Bul kúnderi barsha qazaqstandyq jankúıerler Haıme Mýngııanyń tańdaýy Qanat Islamǵa tússe eken dep tilep otyr. Sebebi, qandasymyzdyń kásipqoı rıngte kúsh synasyp júrgenine jeti jyldan asty. Sol aralyqta 27 jekpe-jek ótkizgen ol barlyǵyn jeńispen aıaqtady. 21 qarsylasyn esinen tandyrdy. Soǵan qaramastan 35 jastaǵy qazaq boksshysy úshin beldi nusqalardyń altyn belbeýi úshin talasýdyń oraıy bir kelmedi. Árıne, bul kóńil qulazytatyndaı jaǵdaı. Al eger joǵaryda jospar júzege assa, kásipqoılar arasynda ózin túbegeıli moıyndatýǵa Qanat baýyrymyz úshin tamasha múmkindik týyndaıdy. 

Sońǵy jańalyqtar

Qazaq kúresi jańa kezeńge aıaq basty

Ulttyq sport • Búgin, 19:28

Basylym basshylary - Júsipbek AIMAÝYTOV (1889-1931)

Basylym basshylary • Búgin, 17:42

Elimizdiń basym bóligin tuman basady

Qazaqstan • Búgin, 17:01

Basylym basshylary - Smaǵul SÁDÝAQASOV (1900-1933)

Basylym basshylary • Búgin, 16:53

Almatyda Abaı klýby ashyldy

Rýhanııat • Búgin, 16:22

Basylym basshylary - Bernııaz KÚLEEV (1899-1923)

Basylym basshylary • Búgin, 14:55

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Uqsas jańalyqtar