Qazaqstandyq delegasııanyń quramynda Qazaqstan Respýblıkasynyń Densaýlyq saqtaý mınıstrliginiń, jetekshi medısınalyq ortalyqtardyń, memlekettik jáne jeke densaýlyq saqtaý uıymdarynyń, JOO-lardyń, farmasevtıkalyq ónimderdi óndirýshilerdiń, medısınalyq qoǵamdardyń jetekshi mamandary bar. Qazaqstandyq delegasııanyń basshysy — Qazaqstan Respýblıkasynyń Densaýlyq saqtaý mınıstri Eljan Birtanov.
A.N.Syzǵanov atyndaǵy Ulttyq ǵylymı hırýrgııa ortalyǵyn basqarma tóraǵasynyń mindetin atqarýshy Baımahanov Bolatbek Bımendeuly tanystyrdy. Bolatbek Beımendeuly joǵary deńgeıdegi osy sessııada «Qazaqstan Respýblıkasyndaǵy organdyq transplantasııa» taqyrybynda baıandama jasady.
Sondaı-aq A.N.Syzǵanov atyndaǵy Ulttyq ǵylymı hırýrgııa ortalyǵy Qyrǵyz Respýblıkasy Densaýlyq saqtaý mınıstrliginiń Ulttyq hırýrgııa ortalyǵymen, Qyrǵyzstan gepatologtar qaýymdastyǵymen, Qyrǵyz Respýblıkasynyń Ana men balany qorǵaý ulttyq ortalyǵymen seriktestik týraly memorandýmǵa qol qoıdy.
Osy eki jaqty seriktestik pen yntymaqtastyq týraly memorandým Qazaqstan men Qyrǵyzstan arasyndaǵy áriptestiktiń damýyna, sonymen qatar medısınalyq uıymdardyń ıntellektýaldyq jáne ınnovasııalyq resýrstarynyń artýyna yqpal etedi.
