Úkimet • 14 Qarasha, 2019

Elordada Qazaqstan-ıtalıan bıznes-forýmy ótti

18 retkórsetildi

Nur-Sultan qalasynda Italııa Respýblıkasy Syrtqy ister mınıstriniń orynbasary Manlıo Dı Stefanonyń Qazaqstanǵa jumys sapary aıasynda alǵashqy Qazaqstan-ıtalıan bıznes-forýmy ótti. Bul týraly Syrtqy ister mınıstrliginiń baspasóz qyzmeti habarlady.

«Italııa Respýblıkasy Syrtqy ister mınıstriniń orynbasary Manlıo Dı Stefanonyń Qazaqstanǵa jumys sapary aıasynda uıymdastyrylǵan is-sharaǵa eki eldiń isker toptary, ulttyq kompanııalary men memlekettik organdarynyń 200-den astam ókilderi qatysty.

Forým barysynda energetıka, JEK, munaı-hımııa, óńdeý ónerkásibi jáne AО́K salasyndaǵy jobalardy damytý perspektıvalary talqylandy. Qazaqstanda qyzmetin júzege asyratyn ıtalıandyq bıznesmender bizdiń elimizdegi qyzmetten alǵan áserlerimen bólisip, ınvestorlar úshin jasalǵan qolaıly jaǵdaılardy eskere otyryp, Italııanyń iskerlik qaýymdastyǵynyń ókilderine Qazaqstan Respýblıkasyndaǵy iskerlik múmkindikterdi zerdeleýdi usyndy.

О́z sózinde Italııanyń syrtqy saıası vedomstvosy basshysynyń orynbasary Manlıo Dı Stefano Táýelsizdik jáne naryqtyq ekonomıkaǵa ótý jyldary Qazaqstan ekonomıkanyń turaqty damýy men qolaıly ınvestısııalyq ahýaldy qamtamasyz ete otyryp, aıtarlyqtaı tabystarǵa qol jetkizgenin, Qazaqstan men Italııa arasyndaǵy tabysty jáne tıimdi qarym-qatynastardyń joǵary deńgeıine qol jetkizgenin atap ótti. 

«Búgingi bıznes-forým eki el arasyndaǵy ekonomıkalar men iskerlik baılanystardy damytýǵa serpin beretinine senimdimin. Bizde saýda-ekonomıkalyq jáne ınvestısııalyq yntymaqtastyqty keńeıtý úshin úlken múmkindikter bar», dedi M. Dı Stefano myrza.

О́z kezeginde, SIM Erekshe tapsyrmalar jónindegi elshisi Erlan Haırov eki eldiń bıznesmenderin iskerlik baılanystardy belsendi jolǵa qoıýǵa jáne ınvestısııalyq jobalardy júzege asyrýǵa shaqyra otyryp, Qazaqstan men Italııa ınvestısııalyq yntymaqtastyqty arttyrý úshin úlken áleýetke ıe ekenin atap ótti. 

«Bizdiń elderimiz arasynda ekonomıkalyq salada, ásirese balamaly energetıka, aýyl sharýashylyǵy jáne sıfrlandyrý sııaqty úsh basym sektorlarda ekijaqty áriptestikti keńeıtý men tereńdetý úshin aıtarlyqtaı áleýet bar. Bizdiń elimizde «KAZAKH INVEST» ulttyq kompanııasy jumys isteıdi, ol aǵymdaǵy jáne áleýetti sheteldik ınvestorlar úshin «bir tereze» qaǵıdaty boıynsha jumys isteıdi, ınvestısııalyq jobalardy ıdeıadan ony iske asyrýǵa deıin súıemeldeýdi qamtamasyz etedi. Jalpy, sheteldik jáne ulttyq ınvestorlarǵa jan-jaqty qoldaý kórsetýge daıyn ekenimdi bildiremin», - dedi spıker.

Forým barysynda mashına jasaý jáne tamaq ónimderi jobalaryn júzege asyrýdaǵy yntymaqtastyq máseleleri talqylandy. Sonymen qatar qazaqstandyq tarap forým alańynda ózderiniń múmkindikterin tanystyrýmen qatar, B2B formatynda ıtalıandyq seriktestermen birqatar jumys kezdesýlerin ótkizdi.

Mysaly, «Pavlodar «Áleýmettik-kásipkerlik korporasııasy» AQ ókilderi «Naba Carni» kompanııasynyń basshylyǵymen Pavlodar óńiri aýmaǵynda jylqy etin qaıta óńdeý boıynsha birlesken jobany júzege asyrý týraly kelissózder júrgizdi. Sondaı-aq, Pavlodar ÁKK delegasııasy men «Rota Guido» kompanııasy arasynda agro-ónerkásiptik keshendi damytý salasyndaǵy ınvestısııalyq jobany qaraý týraly kelisimge qol jetkizildi.

Birinshi qazaqstandyq-ıtalıandyq bıznes forýmdy Qazaqstan Respýblıkasyndaǵy Italııa Respýblıkasynyń Elshiligi, «KAZAKH INVEST» UK» AQ, «Samuryq-Qazyna UÁQ» AQ jáne «ITA italian trade agency» kompanııasy. uıymdastyrdy.

Esterińizge sala keteıik, Italııa Eýropa Odaǵy elderi arasynda Qazaqstannyń iri saýda áriptesi jáne elimizdiń ekonomıkasyna jetekshi ınvestorlardyń biri bolyp tabylady.

Búginde Qazaqstan ekonomıkasyna quıylǵan ıtalıandyq ınvestısııalardyń kólemi 6,6 mlrd. AQSh dollaryn qurady.

Qazaqstannyń Italııamen syrtqy saýda aınalymy 2019 jyldyń 8 aıynda 6,7 mlrd AQSh dollaryn qurady. Jalpy, Qazaqstanda ıtalıandyq kapıtaldyń qatysýymen 270-ke jýyq kompanııa jumys isteıdi.

Forým barysynda taraptar qol jetkizilgen kelisimder men qabyldanǵan sheshimder ekijaqty ekonomıkalyq yntymaqtastyqty jandandyrý úshin serpin bergenin, sondaı-aq eki memlekettiń isker toptarynyń áriptestiginiń jańa múmkindikteri men perspektıvalaryn belgilegenin atap ótti», delingen habarlamada.

Sońǵy jańalyqtar

Aýyr atletter Katarǵa attanady

Aýyr atletıka • Keshe

Kópbalalylarǵa kómek

Aımaqtar • Keshe

Kúlki kerýeni № 22

Rýhanııat • Keshe

Farıza aqynnyń ustazy

Rýhanııat • Keshe

Uqsas jańalyqtar