Aımaqtar • 14 Qarasha, 2019

Erjan Jylqybaev Jambyl oblysyna is-saparmen bardy

34 retkórsetildi

Qazaqstan Respýblıkasy Premer-Mınıstriniń orynbasary Berdibek Saparbaevtyń Jambyl oblysyna jumys sapary aıasynda Qazaqstan Respýblıkasy Eńbek jáne halyqty áleýmettik qorǵaý birinshi vıse-mınıstri Erjan Jylqybaev Nátıjeli jumyspen qamtýdy jáne jappaı kásipkerlikti damytýdyń «Eńbek» memlekettik baǵdarlamasynyń qatysýshylarymen kezdesti, arnaıy áleýmettik qyzmet kórsetý ortalyǵyna, halyqty jumyspen qamtý ortalyǵyna jáne múgedekterdi ońaltý jáne beıimdeý ortalyǵyna bardy. Kezdesýler barysynda Erjan Jylqybaev Prezıdent Qasym-Jomart Toqaevtyń Qazaqstan halqyna Joldaýynyń negizgi baǵyttaryn túsindirip, múgedekter men jumyssyzdarǵa memlekettik qoldaý sharalary týraly egjeı-tegjeıli aıtyp berdi. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

«Erjan Jylqybaevtyń baǵdarlamasy Taraz qalasyndaǵy №5 arnaıy áleýmettik qyzmet kórsetý ortalyǵynyń jumysymen tanysýdan bastaldy. Uıym qyzmetkerlerimen jáne múgedektermen sóılesý barysynda, vıse-mınıstr arnaýly áleýmettik qyzmetterdi usyný múgedektigi bar azamattardy qoǵam ómirine tartý jónindegi jumystyń negizgi baǵyttarynyń biri bolyp tabylatynyn atap ótti.

«Qazaqstanda múgedektigi bar adamdardy áleýmettik qoldaýdyń belsendi sharalary memlekettik deńgeıde qabyldanýda. Bıyl múgedekterge beriletin járdemaqyǵa 315 mlrd teńge bólindi, bul 2018 jylǵa qaraǵanda 10% – ǵa artyq, ońaltý quraldarymen jáne qyzmetterimen qamtamasyz etýge-85,5 mlrd teńge ol ótken jylǵa qaraǵanda 6% - ǵa artyq. Arnaıy áleýmettik qyzmetterdi usyný múgedekterdi qoǵam ómirine tartý boıynsha jumystyń mańyzdy baǵyttarynyń biri bolyp tabylady», dedi Erjan Jylqybaev.

Ol, sondaı-aq, áleýmettik qyzmet kórsetý júıesin jańǵyrtý, qyzmetter men ońaltý quraldarynyń sapasy men qoljetimdiligin arttyrý maqsatynda 2020 jylǵy 1 qańtardan bastap Qazaqstanda áleýmettik qyzmet kórsetý portaly engiziletinin habarlady.

«Bul tehnıkalyq ońaltý quraldaryn usyný men arnaıy áleýmettik qyzmetterdi kórsetýdiń bıznes-prosesteriniń merzimderin 8 aıdan 1-2 aptaǵa deıin qysqartýǵa múmkindik beredi. Sonymen qatar, portal olardy alýshylardyń jeke qajettilikterine ońaltý quraldary men qyzmetteriniń sáıkessizdigi máselesin sheshedi, sebebi múgedektigi bar adamdar qajetti taýar men qyzmettiń túrin óz betinshe tańdaı alady», – dep túsindirdi vıse-mınıstr.

Jylqybaev baǵdarlamasynyń kelesi nysany qalalyq halyqty jumyspen qamtý ortalyǵy boldy. Onyń qyzmetkerlerimen áńgimelesý barysynda, vıse-mınıstr «Eńbek» memlekettik baǵdarlamasy aıasynda granttar men mıkrokredıtter berý boıynsha jumysty jandandyrýdy usyndy.

«Memleket basshysy Qazaqstan halqyna Joldaýynda kópbalaly jáne tabysy az otbasylaryn kásipkerlikke belsendi túrde tartýdy tapsyrdy. Ol úshin «Eńbek» memlekettik baǵdarlamasynda «Bastaý Bıznes» jobasy aıasynda kásipkerlik negizderine oqytýdan bastap granttar men mıkrokredıtter berýge deıingi barlyq qajetti quraldar bar. Jambyl oblysynda óz bıznes-jobalaryn qorǵaǵan 2 934 adamnyń 1 046-y mıkrokredıt aldy. Josparlanǵan 1 783 granttyń tek 1 314 nemese 73,7%-y ǵana berildi. Josparlanǵan kórsetkishterge jetý úshin olardy mıkrokredıtter men granttar berý boıynsha jumysty jandandyrý qajet dep sanaımyn», – dedi Jylqybaev.

Jumys sapary barysynda vıse-mınıstr «Eńbek» memlekettik baǵdarlamasyn júzege asyrý aıasynda mıkrokredıt alǵannan keıin óz bıznesin tabysty damytyp otyrǵan tarazdyqtarmen kezdesti.

«Tarazda memleket usynatyn múmkindikterdi paıdalanýdyń ońtaıly mysaldary bar. Men áıelderdiń belsendiligin atap ótkim keledi, «Eńbek» baǵdarlamasyna qatysýshylardyń biri sulýlyq salonyn, ekinshisi – oıyn klýbyn, al úshinshisi – trotýar taqtalaryn, qabyrǵa bloktaryn, jol jıekterin, qaptaý materıaldary óndirisin ashqan. Eń bastysy, bul áıelder óz otbasylarynyń materıaldyq jaǵdaıyn jaqsartyp qana qoımaı, basqa adamdarǵa jumys jasaý múmkindigin beredi. Bul jappaı kásipkerlikti damytý quraldaryn qoldanýdyń oń áseri bar», dep atap ótti Jylqybaev, «Eńbek» memlekettik baǵdarlamasyna qatysýshylarmen kezdesýden keıin.

Jumys sapary barysynda vıse-mınıstr múgedekterdi ońaltý jáne beıimdeý ortalyǵynyń jumysymen tanysty», delingen habarlamada.

Sońǵy jańalyqtar

Kúlki kerýeni № 24

Rýhanııat • Keshe

Reıtıngte joǵarylady

Kásipqoı boks • Keshe

«Altyn saqa» úzdikteri anyqtaldy

Ulttyq sport • Keshe

Qazaq áni Nıý-Iorkte shyrqaldy

Rýhanııat • Keshe

Uqsas jańalyqtar