Darhan Qydyráli kezdesý barysynda bıyl el gazetiniń ǵasyrlyq mereıtoıy ekenin atap ótip, elimiz boıynsha atqarylyp jatqan sharalarǵa toqtaldy. Sonymen qatar bas basylymnyń 100 jyldyǵyna oraı arnaıy kitaptar shyqqanyn, ol materıaldardyń Orynbor, Máskeý jáne ózge de iri qalalardan tabylǵanyn aıtty. Kezdesý barysynda Darhan Qydyráli «Egemen Qazaqstan» gazetinde eńbek etken Elen Álimjan, Meırambek Tólepbergen, Kósemáli Sáttibaıuly, Oralhan Dáýit syndy ardager azamattardy «Egemen Qazaqstan gazetine 100 jyl» arnaıy tósbelgisimen marapattap, kýáligin tapsyrdy. О́z kezeginde ardager azamattar bas basylym basshysyna alǵys aıtyp, gazettiń 100 jyldyǵynyń laıyqty deńgeıde atalyp ótýine tilektestik bildirdi.
