Aımaqtar • 14 Qarasha, 2019

Mańǵystaýda qant dıabetine shaldyqqandar sany artqan

72 retkórsetildi

Bıyl qańtar-qazan aılarynda qant dıabetimen oblys boıynsha dıspanserlik esepte 9668 naýqas turǵan. Bul týraly medısınalyq saqtandyrý qory Mańǵystaý fılıaly habarlady.

Respýblıkalyq elektrondyq densaýlyq saqtaý ortalyǵynyń oblystyq fılıaly kórsetken derek boıynsha, bıyl Mańǵystaýda 10 aıda 9668 naýqas esepke turǵan. Bul 2018 jylǵy kórsetkishpen salystyrǵanda joǵary. Byltyr alǵashqy 10 aıda esepte turǵan naýqastardyń sany – 7116 bolǵan edi, dedi «Áleýmettik medısınalyq saqtandyrý qory» Mańǵystaý fılıalynyń bólim basshysy Aıgúl Dáden.

Oqyrmandarǵa qant dıabeti aýrýy jas talǵamaıtynyn eske salǵymyz keledi. Degenmen, qart adamdarda kóbirek kezdesedi. Sebebi, aǵzany qorektendiretin qan tamyrlarynyń, ásirese, uıqy bezine keletin tamyr­lardyń qan júrgizý qabiletiniń azaıýynan týyndaıdy. Kózdiń kórý qabileti joǵalýynyń basym paıyzy qant dıabeti saldarynan bolady. Qandaǵy qant deńgeıin rettemese naýqas ketoasıdoz, dıabetık tabany, júrek, aıaq aýrýyna ushyrap,aıaq-qolynan, janarynan aıyrylady.

2018 jyldan bastap qazaqstandyq mektepterde gazdalǵan tátti sýsyndar men shokolad satýǵa tyıym salyndy. Densaýlyq saqtaý mınıstri Eljan Birtanovtyń aıtýynsha, engizilgen jańa standarttar balalardyń zııandy taǵamdardy paıdalanýyn shektemek. Mınıstr jurtshylyqty oryn alǵan kemshilikter jaıynda Qoǵamdyq densaýlyq saqtaý komıtetine habarlaýǵa shaqyrdy.

Qazaqstanda qant dıabeti tegin emdeledi. Kepildendirilgen tegin medısınalyq kómek paketi sheńberinde dıabetke shaldyqqan pasıentterge 48 túrli dári men medısına buıymdary beriledi. Onyń ishinde shprıs, test-jolaqsha, glıýkometr, ınsýlın pompalary men 22 túrli ınsýlın de bar.

Aıta keteıik, jyl saıyn 14 qarasha álemde dúnıejúzilik qant dıabetimen kúres kúni atalyp ótedi.

Sońǵy jańalyqtar

Kúlki kerýeni № 24

Rýhanııat • Keshe

Reıtıngte joǵarylady

Kásipqoı boks • Keshe

«Altyn saqa» úzdikteri anyqtaldy

Ulttyq sport • Keshe

Qazaq áni Nıý-Iorkte shyrqaldy

Rýhanııat • Keshe

Uqsas jańalyqtar