Bılet quny stadıondaǵy sektorlarǵa baılanysty 4000 – 55 000 myń teńge aralyǵynda birneshe sanatqa bólingen.
Oıyn bıletterin «Astana» fýtbol klýbynyń resmı saıty fcastana.kz jáne ticketon.kz saıtynan satyp alýǵa bolady. Odan bólek, oıynǵa úsh kún qalǵanda «Astana Arena» stadıonynyń kassalary ashylady.
Aıta keteıik, atalmysh oıynǵa «Astana» Prezıdenttik kásibı sport klýby qurylymyna enetin sport mektepterindegi, akademııalary men ortalyqtaryndaǵy 1500-ge jýyq tárbıelenýshige bılet tegin beriledi.
Budan bólek, 6 jasqa deıingi balalar matchqa tegin kiredi, biraq olarǵa arnaıy oryn qarastyrylmaıdy. Arbamen keletin jankúıerler NW jáne NE arnaıy jabdyqtalǵan sektorlarynda oıyndy tegin tamashalaı alady.
Eýropa lıgasy aıasyndaǵy oıyndarǵa bılet qunyn «Astana» fýtbol klýby ÝEFA reglamentin eskere otyryp, sondaı-aq klýbtyń qarjylyq múddesine qaraı bekitedi.
Eýropa lıgasy matchtaryna bir adamǵa bes bıletten artyq satylmaıdy. Mundaı shekteý alypsatarlardyń baǵany sharyqtatyp, bıletti qaıta satpaýy úshin qoıylǵan.
