Aımaqtar • 14 Qarasha, 2019

Shymkenttiń úlgili otbasylary anyqtaldy

184 retkórsetildi

Úshinshi megapolıste balalary qoǵamda eleýli jetistikke jetken, kóp balaly zeınetker otbasylar arasynda dástúrli «Úlgili otbasy» baıqaýy ótti. Bul týraly Shymkent qalasy ákimdiginiń baspasóz qyzmeti habarlady.

Baıqaý Elbasy N.Á.Nazarbaevtyń «Rýhanı jańǵyrý» baǵdarlamalyq maqalasyndaǵy ulttyq biregeılikti saqtaý takyryby aıasynda uıymdastyrylǵan. Shymkent qalalyq ardagerler keńesiniń uıymdastyrýymen, qalalyq ishki saıasat jáne din isteri basqarmasy, otbasy, balalar jáne jastar isteri jónindegi basqarma jáne sybaılas jemqorlyqqa karsy is-qımyl departamentiniń qoldaýymen besinshi ret ótkizilip otyr.

Shymkent qalalyq ardagerler keńesiniń tóraǵasy Isamýddın Rysbaevtyń aıtýynsha, otbasynyń mártebesin bıiktetý, qarttardy qurmetteýge baǵyttalǵan saıysqa ár aýdan óz úmitkerlerin usynǵan.

Jalpy, 8 otbasy óner kórsetti. Saıys úsh kezeńnen turdy. Otbasy músheleri aldymen jetistikterin kórmede usynsa, sahnada ózderin tanystyrdy. Saıys barysynda ónegeli otbasylar ónerlerimen qazaqtyń salt-dástúrinen kórinister kórsetti. Tusaýkeser, besik bóleý, betashar syndy dástúrlerimizdi jańǵyrtty. Odan bólek, salt-dástúrler boıynsha qoıylǵan saýaldarǵa jaýap berdi.

Shymkent qalalyq ardagerler keńesi tóraǵasynyń orynbasary Á.Aqmolda bastaǵan ádilqazylar alqasynyń sheshimimen 1-oryn Ýsmanovtar áýletine buıyrdy. Qarataýlyq otbasyǵa 300 myń teńge qarjylaı syıaqy berildi. 250 myń teńge men ekinshi oryndy enshilegen Júsipovter (Ál-Farabı aýdany) otbasy boldy. Eńbekshi aýdanynyń namysyn qorǵaǵan Rúsmenbetovter úshinshi oryndy (150 myń teńge) ıelendi. Al qalǵan otbasylar yntalandyrý syılyǵymen marapattaldy.

Sońǵy jańalyqtar

Kúlki kerýeni № 24

Rýhanııat • Keshe

Reıtıngte joǵarylady

Kásipqoı boks • Keshe

«Altyn saqa» úzdikteri anyqtaldy

Ulttyq sport • Keshe

Qazaq áni Nıý-Iorkte shyrqaldy

Rýhanııat • Keshe

Uqsas jańalyqtar