14 Qarasha, 2019

«Aıajan» esigin aıqara ashty

210 retkórsetildi

Elimizde bilim berý salasyna únemi basa nazar aýdarylyp keledi. Memleket basshysy Q.Toqaevtyń halyqqa Joldaýynda osy saladaǵy máselelerge birneshe márte nazar aýdaryp «Bilim berý sapasyn arttyrýǵa kúsh salamyz» degeni osy sózimizdiń aıqyn kórinisi.

Tuńǵysh Prezıdent-Elbasy N.Nazarbaev aıtqandaı, «Elimizdiń erteńi – búgingi jas urpaqtyń qolynda, al jas urpaqtyń taǵdyry – muǵalimderdiń qolynda». Elbasynyń bastamasymen bıylǵy jyl «Jastar jyly» dep jarııalanǵany málim. Osyǵan oraı 7 qarasha kúni Nur-Sultan qalasy bilimdi jańǵyrtý ortalyǵynyń  muryndyq bolýymen №18 «Aıajyn» balabaqshasynda qalalyq mektepke deıingi uıymdardyń jas mamandaryna arnalǵan «Jaqsydan úıren...» atty tárbıeshilerdiń ádistemelik birlestigi ótti.

Shara barysynda balabaqshanyń pegagogtar ujymy mekemege kelgen jas mamandardy kóterińki kóńil kúı syılaıtyn ásem áýenmen qarsy alyp, olarǵa gúl usyndy. Psıholog Saıa Qonysbaeva jas pedagogtardy «qyzyl kilem» ústinen ótkizdi, olardyń kókeıinde júrgen túrli saýaldarǵa jaýap berip, trenıng ótkizdi.

Balabaqsha meńgerýshisi Ásel Muhametjanova semınarǵa qatysýshylardyń aldynda sóz sóılep sharany ashyp berdi. Olarǵa qıyndyǵy men qyzyǵy mol ustazdyq jolda jarqyn jetistikter tiledi.

Jas pedagogtarǵa arnalǵan sheberlik topqa elordadaǵy Gýmanıtarlyq kolledj ben Eýrazııa Gýmanıtarlyq ınstıtýtynyń stýdentteri qatysty. Semınarǵa kelgen árbir pedagog óziniń pedagogıkalyq qorjynyna qandaı da bir paıdaly aqparat alsyn degen nıetpen balabaqsha pedagogtary ashyq uıymdastyrylǵan oqý qyzmetteri men sýret salýdyń qyr-syryn úıretip, sheberlik jumystaryn atqardy.

Balabaqshalar árbir jańa oqý jyly bastalǵan kezde oqytý-tárbıeleý jumystarynda qandaı da bir jańalyq engizýge qumar. «Aıajan» balabaqshasynda bıylǵy oqý jylynda «Intellektým kabıneti» ashylǵan bolatyn. Sol kabınetke keletin balalardyń qyzyǵýshylyǵy óte joǵary. Jas pedagogtarǵa mektepaldy daıarlyq «Jas dáýren» tobynyń jetekshisi Aqtoty Qapenova osy ıntellektým oıyndary boıynsha «Intellektým oıyndary arqyly balalardyń shyǵarmashylyǵyn damytý» taqyrybynda ashyq dáris ótkizdi.

«Samuryq» eresekter tobynyń tárbıeshisi de «Juldyzdy saǵat» atty oıynǵa negizdelgen shara uıymdastyryp, jas pedagogtardyń yqylasyna ıe boldy. Trábıeshi Gaýhar Shaıahmetovanyń «Kúzgi ormanǵa saıahat» atty ashyq oqytý jumysyn da balabaqshaǵa kelgen qonaqtar qyzyǵa tamashalady. Balabaqsha ujymynyń músheleri uıymdastyrǵan osy sharalardyń barlyǵyna SWOT taldaý júrgizilgenin aıta keteıik. №44 «Úrker» balabaqshasynyń ádiskeri Alma Abejanova, №22 «Álem» balabaqshasynyń pedagogy Nurlygúl Kúnjaqsına jáne №58 «О́rken» balabaqshasynyń tárbıeshisi Raıhan Jomeeva taldaý óte sátti shyqqanyn aıtyp, rızashylyqtaryn bildirdi.

Sonymen qatar №31 «Aq suńqar» balabaqshasynyń tárbıeshisi Nurjamal Rahmetova sýret salýdyń dástúrli emes túrlerinen jas mamandarǵa «Sıqyrly alaqan» dep atalatyn sheberlik top kórsetti. Onda jas mamandar maqtany boıap oıý salsa, endi bireýleri erler qyrynýǵa qoldanatyn kádýilgi kópirgish pen boıaýdy aralastyrý arqyly ádemi sýretterdi salyp kórsetti. Qoljetimdi materıaldardan sýrettiń barlyq túrin beınelep bergen pedagogqa jas mamandar alǵys bildirdi.

Gýmanıtarlyq kolledjdiń mektepke deıingi pedagogıka jáne ádistemelik oqytýshys, joǵarǵy sanatty pedagog Qapııa Qasymova kelgen qonaqtarǵa óz yqylasyn bildirip, semınardyń uıymdastyrylý barysy týraly pikirimen bólisti.

Sonymen qatar semınarǵa Nur-Sultan qalasynyń bilimdi jańǵyrtý ortalyǵynyń uıymdastyrýymen ótken «Eń úzdik jas maman» saıysynyń júldegeri Ásem Qanapıanova kelip, eńbek jolyn endi bastap jatqan jas mamandarǵa óziniń shyǵarmashylyǵy týraly baıandady. Sondaı-aq ol jas mamandarǵa esh nárseden taısalmaı, qıyndyqqa moıymaı, tańdaǵan mamandyqtary boıynsha talmaı eńbektený kerektigi týraly oıyn jetkizdi.

Nur-Sultan qalasy mektepke deıingi uıymdar tárbıeshileriniń Ádistemelik birlestik jetekshisi Gúlmıra Sársenbaeva balabaqshaǵa kelgen jas mamandarǵa rızashylyǵyn bildirip, trenıngter ótkizý otyryp jas pedagogtardyń quqyqtyq-normatıvtik bilimderiniń qandaı deńgeıde ekenin bilý jáne mektepke deıingi uıymǵa beıimdelýi týraly onlaın saýaldarǵa jaýap aldy.

Semınar sońynda qonaqtar osy kúni ótken sharalar týraly oı-pikirlerin «Izgi tilekpen...» albomyna jazdy. Endi biri «Kóńil aǵashqa» kóńil-kúılerin bildirdi.

Dámegúl BEIBITQYZY,

№18 «Aıajan» balabaqshasy

Sońǵy jańalyqtar

Kúlki kerýeni № 24

Rýhanııat • Keshe

Reıtıngte joǵarylady

Kásipqoı boks • Keshe

«Altyn saqa» úzdikteri anyqtaldy

Ulttyq sport • Keshe

Qazaq áni Nıý-Iorkte shyrqaldy

Rýhanııat • Keshe

Uqsas jańalyqtar