Álem • 15 Qarasha, 2019

Eń qymbat ulttyq brendter

47 retkórsetildi

Brand Financ kompanııasy jyl saıynǵy dástúr boıynsha 100 ul­t­tyq brendtiń reıtıngin jasady. Bul týraly Ranking.kz habarla­dy. 100 ulttyq brendtiń tiziminde Qazaqstan 44-orynǵa taban tiredi.

Brand Financ kompanııasy sarapshylarynyń aıtýynsha, eldiń brendi onyń halyqaralyq abyroı-bedeline yqpal etedi, búgini men bolashaǵyn kórsetedi. Sol memlekettiń áleýmettik-eko­nomıkalyq jaǵdaıyn, álemdik ekonomıkada básekege qanshalyqty qabiletti ekenin de bilýge bolady.

Sonymen, bıyl damýshy el­der­diń ulttyq brendiniń ósim qar­­qyny damyǵan elderden jo­ǵary ekeni baıqalady. Damý­shy elderde bul kórsetkish 13,9 pa­ıyz bolsa, damyǵan elderde bar-joǵy 0,4 paıyz shamasynda.

Reıtıngtiń kósh basynda jyldaǵydaı AQSh, Qytaı, Ger­manııa úshtigi tur. AQSh brendiniń quny 27,8 trln dollar bolsa, Qytaı brendi 19,5 trln dol­larǵa baǵalandy. Germanııa brendiniń baǵasy – 4,9 trln dollar. Úzdik bestikti Japonııa (4,5 trln dollar) men Ulybrıtanııa (3,9 trln dollar) túıindeıdi. TOP-10 ulttyq brend tizimine Fransııa, Úndistan, Kanada, Ońtústik Koreıa jáne Italııa engenin aıta ketý kerek.

Qazaqstan bıyl álemdegi eń qymbat ulttyq brendterdiń tiziminde byltyrǵy 51-orynnan 7 satyǵa kóterilip, 44-orynǵa turaqtady. Buǵan deıin bizdiń el bul reıtıngte munshalyqty kóterilip kórmegen. Portýgalııa, Rýmynııa, Vengrııa, Slovakııa syn­dy Eýropanyń birqatar el­i biz­den tómengi satyǵa or­na­la­syp­ty. Ulttyq brend qunynyń kóterilý qarqyny boıynsha da elimiz 8-orynda tur.

Ulttyq brendterdi esepteýde ne­gizinen ekonomıkalyq, de­mo­gra­fııalyq jáne saıası fak­tor­larǵa basymdyq beriledi. In­ves­t­ı­sııa kórsetkishteri, týrıster­ge tar­tymdylyǵy  da nazarǵa alynady.

Sońǵy jańalyqtar

Kúlki kerýeni № 24

Rýhanııat • Keshe

Reıtıngte joǵarylady

Kásipqoı boks • Keshe

«Altyn saqa» úzdikteri anyqtaldy

Ulttyq sport • Keshe

Qazaq áni Nıý-Iorkte shyrqaldy

Rýhanııat • Keshe

Uqsas jańalyqtar