Qoǵam • 15 Qarasha, 2019

Dostyq úıindegi bıznes-forým

8 retkórsetildi

Elordadaǵy Dostyq úıinde Qazaqstan halqy Assambleıasy kásipkerler qaýymdastyǵynyń «Or­talyq Azııa men Eýro­pa­lyq Odaqtyń ynty­maqtastyǵy: Qazaqstan men Lıtva múmkindikteri» atty halyq­aralyq bıznes-forýmy ótti.

Forýmǵa Qazaqstan halqy Assambleıasy Tóraǵasynyń orynbasary – Prezıdent Ákim­­shiligi QHA Hatshylyǵynyń meń­ge­rýshisi Janseıit Túımebaev, Lıtvanyń Qa­zaqstandaǵy Respýblıkasynyń Tótenshe já­ne ókiletti elshisi Gıntaýtas Vasıýlıs, Pa­nevejıs qalasynyń meri Rıtıs Rachkaýskas, Nur-Sultan qalasy ınvestısııalar jáne kásipkerlikti damytý basqarmasynyń basshysy Erlan Bekmurzaev, Lıtvadan kelgen qurmetti qonaqtar, elordalyq kásipkerler men etnomádenı birlestikterdiń músheleri qatysty.

«Búgin Qazaqstan halqy Assambleıasynyń kásipkerler qaýymdastyǵy alǵash ret Qazaqstan men Lıtvanyń isker toptary arasynda ekijaqty forým ótkizip otyr. Qazirgi tańda bizdiń elderimiz jyldan-jylǵa damyp kele jatqan ortaq tarıhpen jáne eki­jaqty yntymaqtastyqpen nyǵaıtylǵan ty­ǵyz dostyq baılanystarǵa ıe. Qazaqstan men Lıtva arasynda saýda-ekonomıkalyq yn­tymaqtastyqtyń jaqsy bazasy bar. Lıt­va Qazaqstannyń EO elderindegi iri saýda seriktesteriniń ondyǵyna jáne álemdegi jıyrma iri seriktestiń ishine kiredi», dep atap ótti J.Túımebaev.

Baǵdarlama boıynsha Elbasy Nursultan Nazarbaevtyń qoǵamdyq kelisim men jalpyult­tyq birliktiń qazaqstandyq modeli men Qazaq­stan halqy Assambleıasynyń jumysy tanys­tyryldy. Sonymen birge qaladaǵy bız­nes-qu­rylymdar qaýymdastyqtary týraly aq­parattar málimdelip, áriptestik maqsatynda ózara tájirıbe almasyldy.

Sońǵy jańalyqtar

Kúlki kerýeni № 24

Rýhanııat • Keshe

Reıtıngte joǵarylady

Kásipqoı boks • Keshe

«Altyn saqa» úzdikteri anyqtaldy

Ulttyq sport • Keshe

Qazaq áni Nıý-Iorkte shyrqaldy

Rýhanııat • Keshe

Uqsas jańalyqtar