Aımaqtar • 15 Qarasha, 2019

Erli-zaıyptylardyń erligi

356 retkórsetildi

Aýyldastary Vorobevtar otbasyn quttyqtaý úshin Voskresenov orta mektebine taıly-tuıaǵy qalmaı jınaldy.

Osy kúni mal ósirip, jurt qatarly qarapaıym ǵana tirshilik etip jatqan bul áýletke erekshe qurmet kórse­tildi. Bul ulyqtaýdyń jóni bólek. Saltanatty sha­ra­ǵa pedagogıkalyq quram, mektep oqýshylary, ákimdik, polısııa, tótenshe jaǵdaılar bólimderiniń qyzmetkerleri, qoǵamdyq uıym ókilderi qatysyp, Vladımır men Tatıanany ortaǵa shaqyrdy. Olardyń erliginen áp-sátte qulaqtanyp qalǵan jer­les­teri oryndarynan tu­ryp, dýyldata qol soq­ty. Bul ekeýi dál osylaı qo­shemet bolaryn kút­pe­­gen bilem, qyzaraqtap, óz­de­rin jaısyz sezindi. Aýyl­dyq okrýgtiń ákimi Vıktor Mıshenko alǵashqy sózdi aýdandyq tótenshe jaǵdaı­lar bóliminiń basshysy Amır Bekchentaevqa berdi. Azamattyq qorǵaý pol­kov­nı­gi oqys oqıǵa kezinde ba­tyl­dyq pen qaı­sar­­lyqtyń úlgi­sin kórset­keni úshin Vo­rob­ev­tar otbasyna zor al­ǵysyn aıtyp, Alǵys hat pen baǵaly syılyq tabys etti. Aıdyń-kúnniń amanynda bir áýletti qara jamyldyra jazdaǵan jaısyz jaǵdaıdyń qalaı bolǵanyn egjeı-tegjeıli baıandap berdi.

Sóıtse, eldi meken she­tinde turatyn Vladımır mal jaılap júrgende keshki ty­nyshtyqty qaq jar­ǵan ashy aıǵaıdy estıdi. Jú­re­gi áldebir sumdyqty sezgendeı daýys shyqqan jaqqa qaraı bar ekpinimen júgire jóneledi. Dóńnen kóterilip, eńiske qaraı yldılaǵanda árli-berli qol sermep, jany yshqynǵan kórshiniń qyzyn kóredi. О́zi jup-juqa muzdyń ústinde tur, tulymshaǵy jelbiregen onyń zar eńiregennen basqa qolynan keler dár­me­ni joq. Adamdardy kó­mek­ke shaqyraıyn dese, jas sábıdiń eńbegindeı byl­qyl­dap turǵan muz oıylyp ketip, ólim men ómir arasynda arpalysqan eki baýy­ryn qımaıdy. Baldyrǵandar qutqarshy degen­deı buǵan jalyna, jalbaryna qaraıdy. Oınap júrip kól jaǵasynan áýdem jer uzap ketkende áli qata qoımaǵan juqa muz shytynap ketken tárizdi. Vladımır birden muzdaı sýǵa qoıyp ketti. Esil-derti – perishte qanat balaqandardy qut­qa­rý. Qas-qaǵym sát! Endi sál keshikkende Lenıa men Jenıany qara sý jutyp qoıýy kádik edi. Úı sharýa­sy­men aınalysyp júrgen Tanıa da qos ókpesin qolyna alǵan kúıi osy jaqqa qus­taı ushqan. Olar sý ish­in­de ábden tońyp, qo­ryq­­qan­nan qaltyrap, kóp­ke deıin óz-ózderine kele alma­ǵan balalarǵa bil­gen­­derinshe medısınalyq kó­mek kórsetip, halyqtyq em qol­danǵan. Osy kezde al­ǵash­­qy dárigerlik kómek te kelip jetken.

Jýrnalısterdiń qıyn-qystaý sátte qandaı sezimde boldyńyz degen jattandy suraǵyna beıbit kúnniń batyry «Meniń jelkildep ósip kele jatqan úsh balam bar. Solar kóz aldyma elestedi. Olar áldebir qaterge kezikse ne bolar edi degen sýyq oı sur jylandaı sýmańdap ótti. Onyń ústine qos balaqaıdy da, olardyń ata-analaryn da jaqsy tanımyn. Osy sebepti qaıtsem de qutqarýǵa tıispin dep sheshtim. Meniń ornymda kez kelgen aýyldasym bolsa, kózsiz táýekelge bel býary kádik», dep jaýap berdi.

Mektep dırektorynyń min­­detin atqarýshy Larısa Andrıýhına shá­kir­ti Vo­lo­dıanyń jaqsy qyr­la­ryn, kópshil, qoǵamshyl mi­­nez­derin atap ótti. Je­ke kásipker Aleksandr Bog­da­nov otbasyna mıkro­tol­qyndy pesh tartý etti. Ýchaskelik polısııa ınspektory Aleksandr Rogachev qysyltaıań ýaqyttaǵy olardyń batyl is-áreketterin jas býynǵa úlgi etip, qaýip-qaterlerden saqtanyp jú­rý­ge shaqyrdy.

Kópshiliktiń biraýyzdy qoldaý­ym­en erli-zaıypty Vorobevtar Ishki ister mı­nıs­­trliginiń marapatyna usy­nylyp otyr.

 

Soltústik Qazaqstan oblysy,

Mamlıýt aýdany

 

Sońǵy jańalyqtar

Kúlki kerýeni № 24

Rýhanııat • Keshe

Reıtıngte joǵarylady

Kásipqoı boks • Keshe

«Altyn saqa» úzdikteri anyqtaldy

Ulttyq sport • Keshe

Qazaq áni Nıý-Iorkte shyrqaldy

Rýhanııat • Keshe

Uqsas jańalyqtar