Aımaqtar • 15 Qarasha, 2019

«Bir synaǵan jamandy...»

15 retkórsetildi

Elimizde memlekettik qyzmet saıasatyn júzege asyrý kezinde adaldyq máselesi eń mańyzdy ról atqarady. «Qazaqstan Respýblıkasynyń Memlekettik qyzmeti týraly» Zańǵa sáıkes sybaılas jemqorlyq qylmysyn jasaǵan adam memlekettik qyzmetke qabyldanbaıdy.

Eger memlekettik qyzmetshi qyzmet atqarý kezinde sybaılas jem­qorlyq quqyq buzýshylyq ja­sasa, onda onyń memlekettik qyz­meti toqtatylady. Bul – integrity check prın­sıpiniń iske asy­­rylýynyń dá­leli.

Alaıda, memlekettik qyzmet­shi­lerden bólek, azamattyq qyz­met­shiler bar. Olar Qazaqstan Res­pýblıkasynyń Eńbek kodek­sine sáıkes taǵaıyndaý tárti­bi­men ne konkýrs boıynsha aza­mat­­tyq qyzmetke kiredi.

– Buryn sybaılas jem­qor­­­lyq qylmysyn jasaǵan adam aza­mattyq qyzmette bas­qa­rý fýnk­sııalaryn oryn­daý­men baılanysty laýa­zym­­ǵa qa­byl­­danbaıdy. Iаǵnı, sharýashy­­lyq júr­gizý quqy­ǵyndaǵy mem­­le­ket­tik kásipo­ryn­dar­ǵa, ult­tyq basqarýshy holdıngterge, ult­tyq damý ınstıtýttaryna, ulttyq holdıngterge jáne ult­tyq kompanııalarǵa, sondaı-aq, olardyń enshiles uıymdaryna basqarý fýnksııalaryn oryndaýmen baılanysty laýazymǵa buryn sybaılas jemqorlyq qylmys jasaǵan adamdy ju­mys­qa ornalastyrýǵa jol be­ril­­­meıdi, – deıdi Sybaılas jem­­qorlyqqa qarsy is-qımyl agent­tiginiń Batys Qazaqstan oblysy boıynsha departamentiniń basshysy Rýstam Aqmyrzaev.

Osylaısha, 2018 jyly bu­r­yn sybaılas jemqorlyq qyl­mys jasaǵan adam basshylyq la­­ýa­zymǵa taǵaıyndaǵany úshin Aqjaıyq, Bókeı ordasy, Jánibek aýdandarynyń Bilim berý bólimderi basshylary men oblystyq Bilim berý basqarmasy basshysynyń burynǵy orynbasaryna (keıin oblystyq Bilim salasyndaǵy baqylaý departamenti basshysy bolǵan) ákimshilik aıyppul salynyp, qyzmetterinen shet­te­tildi.

Jaqynda departament qyz­met­kerleri júrgizgen sybaılas jemqorlyqqa qarsy monıtorıng buryn qylmys jasaǵan 11 adamnyń basshylyq laýazymda qyzmet atqaryp jatqanyn anyqtaǵan. Bul basshylardyń úsheýi sybaılas jemqorlyq bo­ıynsha jaýapqa tartylǵan eken. Eskirý merzimi ótýine baılanys­ty olardy taǵaıyndaǵan laýa­zymdy tulǵalardy ákimshilik jaýaptylyqqa tartý múmkin emes. Degenmen, mundaı fakti­ler­ge óte muqııat qaraý kerek dep sanaıdy Sybaılas jemqor­lyq­qa qarsy is-qımyl agenttigi depar­ta­menti.

Dál qazir oblysta bir orta mektep dırektorynyń ústinen para alý faktisi boıynsha sotqa deıingi tergeý bastalǵan. Sóıtse, ol dırektor buryn jym­qyrý faktisi boıynsha ja­ýap­­qa tartylǵan eken.

– Qaztalov aýdany Bogatyrev jalpy orta bilim beretin mekte­binde bolǵan jaǵdaı da alań­da­ý­shylyq týǵyzyp otyr, – deıdi Rýstam Aqmyrzaev.

Oqıǵa bylaı bolǵan: mektep dırektory osy bilim ordasyn támamdaǵaly jatqan 11 synyp oqýshysynyń UBT synaǵynan jaqsy nátıje kórsetýine yqpal etý úshin burynǵy mektep túlegi S.Faızýlınnen kómek suraǵan. Ol S.Faızýlınniń qylmystyq oıynan habarsyz bolyp, 1 mln teńge kóleminde aqsha berýge yqpal etken. Sonymen qatar mekteptiń eki túlegi «Altyn belgi» marapatyna ıe bol­ýy úshin UBT-da 100 balldan joǵa­ry upaı jınaýǵa kómek kór­se­týin surap, esepshotyna 200 000 teńge aqsha aýdarǵan.

Osylaısha, S.Faızýllın birne­she ret jasaǵan alaıaq­ty­ǵy úshin aıypty dep tanylyp, oǵan 3 jyl 6 aı merzimge bas bostandyǵyn shekteý jazasy taǵaıyndaldy.

Al mektep dırektory osy qylmystyq ister boıynsha kýá jáne S.D.Faızýlınniń aldap-arbaýynda bolǵan tulǵa retinde tanylǵan. Bul sheshimdi prokýratýra jáne sot oryndary tekserip, zańdy dep tapty.

– Degenmen mektep dırektory A.Aldekesheva ulttyq biryńǵaı testileý qatań tekserý arqyly júrgiziletinin qalaısha bilmedi? Nege ol alaıaqqa senip, aqsha berýge yqpal jasady? Zańsyz aqsha berýge yqpal etken mektep dırektoryna qoǵam sene me? Osy áreketterden keıin óńirimizde bilim sapasy joǵary­laıdy dep aıtýǵa bola ma? Bul suraqtarǵa Qaztalov aýdan­dyq Bilim berý bólimi jáne Batys Qazaqstan oblystyq Bilim basqarmasy basshylary jaýap berip, durys sheshim qabyldaıdy degen senimdemiz, – deıdi Sybaılas jemqor­lyqqa qarsy is-qımyl agent­ti­gi­niń Batys Qazaqstan oblysy boıynsha departamentiniń basshysy Rýstam Aqmyrzaev.

 

Batys Qazaqstan oblysy

 

Sońǵy jańalyqtar

Kúlki kerýeni № 24

Rýhanııat • Keshe

Reıtıngte joǵarylady

Kásipqoı boks • Keshe

«Altyn saqa» úzdikteri anyqtaldy

Ulttyq sport • Keshe

Qazaq áni Nıý-Iorkte shyrqaldy

Rýhanııat • Keshe

Uqsas jańalyqtar