Qoǵam • 15 Qarasha, 2019

Qazaq baspasóziniń piri atandyń

21 retkórsetildi

Táýelsiz tý kótergen «Egemenim...»,
Jarq etkizip jyrymdy bólep ediń.
Júz jasqa tolǵan shaqta ǵasyr asyp,
Júregim tolqymasyn nege meniń?!

Kún kúrkirep jaýardaı jańbyr jaqyn,
Aqynnyń bıiktetken taǵdyrly atyn!
Erterek «Egemende...» jarq etkendi,
Qazaqtyń uly aqyny – Ábdilda aqyn!

«Egemen...» – poezııamen bir bolatyn,
Shyqsa óleń halqyma pir qonatyn.
Qalıjan, Hamıt, Juban jarq ete qap,
Áńgime eki aı boıy jyr bolatyn.

«Egemen..!» tanylǵanmyn men senimen,
Poezııa júgin de eńserip em,
«Egemen...» eń áýeli «Ushqyn» atty,
О́leńniń naıza-qylysh semserimen!

Qýanyshqa qýanyp ah uratyn,
Asaý ózen aǵystaı atylatyn.
«Sosıalıstik Qazaqstan», «Egemende...»,
Qulashty keńge sermep Ǵafý aqyn!

Jyr jazyp kún amanda, tún amanda,
Jyr jaz dep aǵa gazet suraǵanda,
Qyzdardan Farıza bar, Marfýǵa bar,
«Egemen...» tól perzenti – Tum-aǵań da!

О́leńniń maıdanyna bári attandy,
Dúnıe jalt burylyp qarap qaldy!
«Sosıalıstik Qazaqstan», «Egemennen...»,
Qanshama jas aqyndar qanattandy!

Halqy úshin kúresterge saılandy,
Názik, keıde óleńimen aıbarly,
Qazaǵymnyń aqyndary, bári de,
«Egemenmen...» uly aqynǵa aınaldy!

О́leń oqyp ósti ǵoı bar balasy,
О́sken ǵoı folklordan al, babasy.
Poezııa injýi, jaýhar jyrlar,
Qazaqtyń ana tili – arǵy anasy!

Qazaqtyń gazetiniń piri atandyń,
Halqyma sáýlesin tók quba tańnyń!
Elim-halqym, ultym dep júzge kelgen,
Jasaı ber!
«Egemeni...» Uly Otannyń!!!

 

Shómishbaı Sarıev

Sońǵy jańalyqtar

Kúlki kerýeni № 24

Rýhanııat • Keshe

Reıtıngte joǵarylady

Kásipqoı boks • Keshe

«Altyn saqa» úzdikteri anyqtaldy

Ulttyq sport • Keshe

Qazaq áni Nıý-Iorkte shyrqaldy

Rýhanııat • Keshe

Uqsas jańalyqtar