Parlament • 15 Qarasha, 2019

Ekijaqty baılanystyń keleshegi talqylandy

11 retkórsetildi

Qazaqstan Respýblıkasy Parlamenti Senatynyń Tóraǵasy Darıǵa Nazarbaeva Armenııa Respýblıkasy Ulttyq Jınalysynyń Tóraǵasy Ararat Mırzoıanmen kezdesti, dep habarlady Senattyń baspasóz qyzmeti.

Taraptar ekijaqty parla­ment­aralyq qatynastardy damy­týdyń keleshegin, sondaı-aq par­lamenttik uıymdar aıasyn­daǵy ózara is-qımyldy tal­qylady.

Darıǵa Nazarbaeva óz sózin­de Armenııa Qazaqstannyń Táýel­siz Memleketter Dostastyǵy men Eýrazııalyq ekonomıkalyq odaqtaǵy senimdi áriptesi bolyp tabylatynyn atap ótti. «Bizdiń memleketter arasyndaǵy qa­rym-qatynas búginde tolyq óza­ra túsinistik pen senim jaǵ­daıynda qarqyndy damýda. Biz ony saqtaı otyryp, halyqtar ıgiligi úshin odan ári damytamyz dep úmittenemin», dedi ol.

Qazaqstan Respýblıkasy Parlamenti Senatynyń basshysy, sondaı-aq TMD PAA, UQShU PA, Parlamentaralyq Odaq jáne EQYU PA aıasyndaǵy kópjaqty baılanystardy damytýdy mańyzdy dep sanaıdy.

Darıǵa Nazarbaeva Qazaqstan men Armenııa parlamentteri arasyndaǵy yntymaqtastyq tobyna erekshe nazar aýdardy jáne zań shyǵarý qyzmetinde tájirıbe almasý úshin onyń áleýetin tıimdi paıdalaný qajettigin atap ótti.

Armenııa Ulttyq Jınaly­synyń Tóraǵasy Ararat Mır­zoıan óz kezeginde Qazaqstan men Armenııa qatynastarynyń dos­tyq jáne odaqtastyq sıpatyna toqtala kelip, Arme­nııa­nyń Qazaqstanmen ekijaq­ty parlamentaralyq yntymaq­tastyqtyń qarqyndy damýyna mańyz beretinin aıtty.

Kezdesýden keıin Darıǵa Nazarbaeva bastaǵan Qazaqstan Respýblıkasy Parlamenti Sena­tynyń delegasııasy Armenııa Respýblıkasy Ulttyq Jınalysynyń parkindegi tór­aǵalar alleıasynda aǵash otyrǵyzýǵa qatysty. Darıǵa Nazarbaevanyń aıtýynsha, kóshetter bizdiń elderimiz ben halyqtarymyzdy baılanystyratyn dostyqty pash etedi.

Sońǵy jańalyqtar

Kúlki kerýeni № 24

Rýhanııat • Keshe

Reıtıngte joǵarylady

Kásipqoı boks • Keshe

«Altyn saqa» úzdikteri anyqtaldy

Ulttyq sport • Keshe

Qazaq áni Nıý-Iorkte shyrqaldy

Rýhanııat • Keshe

Uqsas jańalyqtar