О́zbek etnosynyń mádenı kúni atalyp ótti

Is-sharaǵa oblystyq Qazaq­stan halqy Assambleıasy hat­shylyǵynyń meńgerýshisi L.Tóreshova, etnomádenı bir­les­­tik basshylary men bel­sendileri, eńbek arda­gerleri, stýdent jastar qatysty.

Etnos kúni aıasynda Dos­tyq úıiniń foıesinde ózbek halqynyń salt-dástúri men ádet-ǵurpyn, mádenıetin sý­ret­teıtin ulttyq áshekeı bu­ıymdarynan, órnekti ydys-aıaqtarynan, turmysta paı­dalanylatyn zattarynan, ulttyq naqyshtaǵy kıimde­rinen kórme ázirlendi.

Sonymen qatar Shymkent qalalyq ózbek drama teatr­y ónerpazdarynyń arnaıy me­rekelik konserti usynyldy. Merekelik konsert barysynda L.Tóreshova óńirdiń damýyna súbeli úles qosyp júrgen ózbek etnomádenı birlestiginiń birqatar belsendisin Alǵys hatpen marapattady. «О́z eńbekqorlyǵymen Syr eliniń damýyna súbeli úles qosyp kele jatqan tarıhy tamyrlas eki halyqtyń dostyǵy ejelden beriktigin buzǵan emes. Búgingi merekelik konsertte biz ózbek aǵaıyndarymyzdyń ónerden bólek, mádenıetinen syr shertetin ulttyq naqysh­taǵy qolóner kórmesin ta­ma­shaladyq. О́nerpazdardyń ónerine tánti boldyq. Osy sát­ti paıdalana otyryp, Qahar Alımovıch basqaryp otyrǵan ob­lystyq ózbek etnomádenı bir­les­tiginiń belsendi múshe­lerine alǵysymdy bildirgim keledi», dedi ol.

Konsertte Shymkent qala­synan kelgen ózbek etno­synyń án-bı ujymdary óner kór­setip, ulttyq aspaptaryn­da túrli kompozısııalar oryndady.