«Beıimbet syrt kózge Keńes ıdeologııasyn jyrlaǵan sekildi bolǵanymen, al shyndyǵynda Bı-aǵanyń kóptegen shyǵarmalarynda astyrtyn, emeýrinmen berilgen tosyn jaılar kóp. Oıly oqyrman shyǵarmalaryn oqý ústinde ony birden ańǵara alady. Mysaly «Kúlpásh», «Aıt kúnderi» áńgimelerin qarańyz. «Kúlpáshta» búkil otbasy qyrylatyn bolǵan soń, áıel bar uıatty jıyp qoıyp, ashtyqtan qorǵaný úshin dáýletti baıǵa toqaldyqqa shyǵady. Biraq ol armany oryndalmaıdy. Osy shyǵarmasymen qazaq dalasyna kelgen alapat náýbettiń qaıǵy-qasiretin aıtady» dedi Aqylbek Qojauly.
I.Omarov atyndaǵy oblystyq qazaq drama teatrynyń ártisteri Beıimbet Maılınniń taǵdyry týraly aqıqattardy ashyq kórsetetin «Qalamger» spektaklinen úzindiler kórsetti. Stýdent jastar jazýshy shyǵarmashylyǵy týraly kóptegen suraqtar qoıdy.
Beıimbet shyǵarmashylyǵy týraly, jalpy jazýshynyń mereıjasyna oraı oblysta kóptegen mádenıet jáne bilim oshaqtarynda keshter, kezdesýler, jastar pikir almasýlary áli osylaı jalǵasýda.
