Qoǵam • 15 Qarasha, 2019

Jıyrma Nazarbaev Zııatkerlik mektebi CIS halyqaralyq akkredıtasııasyn aldy

38 retkórsetildi

CIS-tiń shtab páteri Nıderlandydan Astanaǵa Petropavl jáne Qostanaı qalalaryndaǵy Nazarbaev Zııatkerlik mektepteriniń Council of International Schools  (Halyqaralyq mektepter keńesi) akkredıtasııasyn alǵany jóninde súıinshi habar jetti. Bul eki mektep akkredıtteý prosesin aıaqtady, endi barlyq jıyrma Nazarbaev Zııatkerlik mektebi joǵary bilim standarttaryn CIS moıyndaýymen rastady.

Halyqaralyq mektepter keńesi (CIS) – bilim salasyndaǵy sońǵy jańalyqtar men joǵarǵy standarttardy odan ári ilgeriletý úshin qurylǵan álemdegi eń tanymal uıym. Qazirgi ýaqytta beldi klýbqa kóptegen memleketterdiń flagmandyq mektepteri men oqý keshenderi múshe. Sonymen qatar uıym akkredıttelgen mektep túlekterin oqytýǵa múddeli álemniń úzdik 50 ýnıversıtetimen yntymaqtastyq ornatqan.

Ár Zııatkerlik mektepte CIS  táýelsiz sarapshylary «Mekteptiń mıssııa, ustanym jáne qundylyqtary», «Oqytý men oqý», «Basqarý jáne kóshbasshylyq», «Qyzmetkerler», «Oqýdyń qoljetimdiligi», «Mektep mádenıeti», «Resýrstarmen qamtamasyz etý» baǵyttary boıynsha aýqymdy saraptama júrgizdi.

Eń kóp sarapshylar AQSh, Avstralııa, Anglııa, Germanııa, Reseıden keldi. Olardyń barlyǵy muǵalimderdiń kásibı damýy, oqý prosesine ozyq álemdik tájirıbeni engizilýi, áleýmettik jobalardyń sátti júzege asýy, sonymen qatar ata-analarmen yntymaqtastyq jáne mektepterdegi dostyq ahýaldy joǵary baǵalady.

Táýelsiz sarapshylar Zııatkerlik mektepterdegi til saıasatynyń mańyzyn erekshe atap ótti. CIS mektepterin daıarlaý jáne baǵalaý bóliminiń basshysy Ed.Maher Pavlodar saparynan keıin NIS bilim berý baǵdarlamasy oqýshylardyń úshtildiliktiń álemdik kóshbasshysy bolýyna baǵyttalǵan dep moıyndady.

– Mektepte úsh tilde bilim alýǵa tamasha jaǵdaı jasalǵany bizdi tańqaldyrdy. Kóptildilik pen mýltımádenı damýdy qoldaý saıasatyn Zııatkerlik mektepter strategııasynda aıqyn kórýge bolady, eldiń bolashaq kóshbasshylary osynda bilim alýda, – dep málimdedi Kókshetaýǵa jasaǵan saparynan keıin sarapshylar tobynyń tóraǵasy Djeıms Shves.  

– Men kez – kelgen ýaqytta adamǵa kómektesýge daıyn, ashyq jáne aqjarqyn oqýshylarǵa qyzyǵa qaradym. Biz oqý prosesiniń uıymdastyrylý deńgeıine jáne synyptardyń jabdyqtalýyna joǵary baǵa berdik, –  dep atap ótti Taraz mektebinde bolǵan komıssııa tóraǵasy Patrısııa Mertın.

Búgin CIS  atqarýshy dırektory Djeın Larsson «2014 jyly «Nazarbaev Zııatkerlik mektepteri» DBBU ókilderimen alǵashqy kezdesýimizde qysqa merzimde akkredıtteý prosesin qanshalyqty aıaqtaı alady degen sııaqty kóptegen suraqtar boldy, sebebi CIS tájirıbesinde bundaı tájirıbe bolmaǵan. Endi artqa qaraılap, Nazarbaev Zııatkerlik mektepteri jobasy halyqaralyq bilim berý salasyndaǵy eń sátti jobalardyń biri ekenin jáne olar óz maqsatyna jetkenin  zor maqtanyshpen habarlaımyz.  20 Zııatkerlik mektep CIS  halyqaralyq akkredıtasııasyn aldy», dep málimdedi.

Zııatkerlik mektepterdiń jańa statýsy pedagogıkalyq ujym men oqýshylar úshin jańa múmkindikterge jol ashady. Nazarbaev Zııatkerlik mektepteri júıesiniń álemdik deńgeıdegi elıtalyq bilim berý uıymyna enýi búkil ulttyq bilim berý úshin mańyzdy oqıǵa boldy.

Sońǵy jańalyqtar

Kúlki kerýeni № 24

Rýhanııat • Keshe

Reıtıngte joǵarylady

Kásipqoı boks • Keshe

«Altyn saqa» úzdikteri anyqtaldy

Ulttyq sport • Keshe

Qazaq áni Nıý-Iorkte shyrqaldy

Rýhanııat • Keshe

Uqsas jańalyqtar