Ekonomıka • 15 Qarasha, 2019

Qazaqstanǵa sheteldik bankter keledi

1332 retkórsetildi

2020 jyldyń 16 jeltoqsanynan bastap sheteldik bankter Qazaqstanda óz fılıaldaryn asha alady, al bul nesıeniń paıyzdyq mólsherlemesin tómendetýge yqpal etpek. Bul týraly Ulttyq bank tóraǵasy Erbolat Dosaev aıtty.

«2020 jyldyń jeltoqsanynan sheteldik bankterge tikeleı fılıaldaryn ashýǵa ruqsat etiledi. Qundy qaǵazdar naryǵy boıynsha tikeleı fılıal ashýǵa tyıym salynǵan. Olar enshiles uıym qurý arqyly jumys isteýi tıis. Naryqqa qatysýshylar alańynyń keńeıýi tarıf pen komıssııalardyń azaıýyn, sharttardyń jaqsarýyn, bolashaqta paıyzdyq mólsherlemeniń tómendeýin bildiredi», dedi E.Dosaev.

UB tóraǵasynyń aıtýynsha, qazaqstandyq bankter sheteldik qarjy uıymdarymen básekege daıyn.

Dosaev kórshi Reseı men Qytaıdyń, Pákistannyń  iri bankteriniń fılıaldary elimizde burynnan jumys isteıtinin atap ótti. Mundaı sharttar elimizdiń Dúnıejúzilik saýda uıymyna (DSU) kirýi týraly kelisim-shartynda qarastyrylǵan. Fılıaldyń enshiles bankten aıyrmashylyǵy, ol bas ofıstiń barlyq resýrstaryna qoljetimdilik beredi, ıaǵnı sheteldik qaryz berýshiler shyǵyny kóp jobalardy qarjylandyrýdy qamtamasyz ete alady. 

О́tken jyly retteýshi bank ekinshi deńgeıdegi sheteldik bankterge barlyǵy bes talap qoıatynyn aıtqan. Qazaqstanda fılıal ashýǵa nıet bildirgen ıeger bank óziniń qadaǵalaýshy organynyń lısenzııasyna jáne $20 mlrd-tan kem emes somadaǵy aktıvterge ıe bolýǵa mindetti. Sonymen birge sheteldik bankterdiń fılıaldary ózderi ornalasqan elderdegi qarjy sektorynyń tıimdiligin arttyrady, sheteldik tikeleı ınvestısııalardyń tartylýyna, jańa tehnologııalardyń engizilýine septigin tıgizedi.

Mamandar  qarjy salasyndaǵy sheteldik iri oıynshylardyń kelýi ekitalaı ekenin aıtady.  Bankterdiń strategııasy jaǵrafııalyq ekspansııaǵa emes, aýyspaly naryq jaǵdaıyndaǵy damýǵa baǵyttalǵan. Qazirgi tańda olardyń kópshiliginiń negizgi maqsat – tuńǵıyqqa batyp ketpeı, tez ózgerip jatqan ahýaldar jaǵdaıynda ómirsheńdikti saqtap, tehnologııalar men ınnovasııalardy damytýda qarjylaı tehnıkalyq kompanııalardan qalyp qoımaý. Mysaly, qarjyger  Beısenbek Zııabekov  sheteldik bankter basqa elge kópten beri jumys istep kele jatqan korporatıvtik klıenttiń sońynan erip keletinin aıtady. Bul bankke de, klıentke de yńǵaıly. Osynyń artynan bankter bólshek bıznesti de damyta bastaıdy. 

«Qazirgi tańda naryqta jumys istep jatqan sheteldik bankterdiń jetkilikti deńgeıde tabysty damyp jatqanyn kórip otyrmyz, desek te olar qazaqstandyq uıymdarǵa qaraǵanda, neǵurlym joǵary nátıje kórsetip otyrǵan joq. Sheteldik fılıaldardyń ashylýynan básekelestikke tónip turǵan qaýip-qaterdi kórip otyrǵan joqpyz», deıdi Beısenbek Zııabekov.

Qarjyger Erlan Ibragım sheteldik bankter Qazaqstanǵa áldeqashan kirip alǵanyn  jáne olar lısenzııalaryna sáıkes jumys isteı alatynyn aıtady. Olar 2019 jyldan bastap  DSU-men aradaǵy kelisimder kúshine engennen keıin bank fılıaldary resýrstardy teńgemen beretin múmkindikke ıe bolady.

«Ázirge  tikeleı qaýipti  kórip otyrǵan joqpyn. Bizdiń Halyk Bank jáne Kaspi sııaqty iri oıynshylarymyzdyń ózderi halyqaralyq naryqqa shyǵyp jatyr.  Sheteldik bankter áldeqashan kelgen. Shynyn aıtsam, DSU biz úshin úlken syn emes.  Bank qyzmetterin ósirý men olardy dáripteýde eleýli áleýettiń bolýyna baılanysty Qazaqstan naryǵy sheteldik bankterge úlken qyzyǵýshylyq týdyrýda. Qazaqstan Respýblıkasynyń DSU-ǵa ıntegrasııalanýynyń jalǵasýy munda sheteldik bankterge óz fılıaldarynyń jelisi arqyly tikeleı jumys isteýge múmkindikter ashady, bul olardyń qyzyǵýshylyǵyn týdyryp otyr», deıdi Erlan Ibragım.   

Sarapshylar  bank sektory alǵashqy sátten bastap ózgeredi dep úmittenýge bolmaıtynyn aıtyp otyr.  Jáne sheteldik bankterge qandaı da bir artyqshylyqtar berilmeıdi. Muny Ulttyq bank anyq aıtyp otyr. «Sheteldik bankke teńge túrindegi depozıttik baza qajet bolady. Ol úshin aldymen naryqtan teńge jınaý qajet, tek sodan keıin, nesıe berýge bolady. Dollar zaımdaryn berý máselesi áli sheshimin tapqan joq. Bul másele Ulttyq bankti shyndap oılandyrý tıis», deıdi Erlan Ibragım.

Sońǵy jańalyqtar

Kúlki kerýeni № 24

Rýhanııat • Keshe

Reıtıngte joǵarylady

Kásipqoı boks • Keshe

«Altyn saqa» úzdikteri anyqtaldy

Ulttyq sport • Keshe

Qazaq áni Nıý-Iorkte shyrqaldy

Rýhanııat • Keshe

Uqsas jańalyqtar