Parlament • 15 Qarasha, 2019

Nurlan Nyǵmatýlın Hanoı ýnıversıtetindegi Abaı ortalyǵyna bardy

40 retkórsetildi

Májilis Tóraǵasy Nurlan Nyǵmatýlın Vetnamǵa resmı sapary barysynda Hanoı ýnıversıtetinde Abaı ortalyǵyna bardy, sonymen qatar, ustazdar jáne stýdentter qaýymymen kezdesti. Bul týraly Parlament Májilisiniń baspasóz qyzmeti habarlady.

Abaı atyndaǵy ǵylymı-mádenı ortalyǵy 2013 jyly ashylǵan. Búginde atalǵan ortalyqta uly oıshyldyń 175 jyldyq mereıtoıyna qyzý daıyndyq júrip jatyr.

Nurlan Nyǵmatýlın, eki eldiń mádenı-gýmanıtarlyq yntymaqtastyǵyna aıryqsha nazar aýdara kelip, danyshpan Abaıdyń mereıtoıyna daıyndyq sharalaryna toqtaldy.

Sondaı-aq ortalyqqa arnaıy ákelgen kitaptardy syıǵa tartty. Atalǵan ýnıversıtet bıyl qurylǵanyna 60 jyl tolatyn kóne oqý oryndarynyń biri. Kezdesýge jınalǵan ustazdar men stýdentter aldynda Nurlan Nyǵmatýlın táýelsiz Qazaqstannyń qalyptasý, damý kezeńderi boıynsha jetistikterge toqtala kelip, Vetnam eliniń ekonomıkalyq tabystaryna da kóńil bóldi. Ásirese, kezdesý barysynda qos memleket arasyndaǵy jan-jaqty ózara is-qımyldy tereńdetý áńgime ózegine aınaldy.

Stýdenttermen júzdesý kezinde sapaly bilim taqyrybyna sóz arnaǵan Májilis Tóraǵasy qazirgi «bilim ekonomıkasy» dáýirinde onyń mańyzdylyǵy arta túskenin atap aıtty.

Nurlan Nyǵmatýlın qazaqstandyq-vetnamdyq yqpaldastyqtyń áleýeti zor ekenin alǵa tarta kelip, kólik-logıstıka, jeńil jáne tamaq ónerkásibi, aýylsharýashylyǵy, sondaı-aq, týrızm salalarynynyń basymdyqtaryn atap ótti. Osy rette Palata Spıkeri bilim baǵytynda, kásipkerlik qurylymdary arasynda tyǵyz baılanys ornatýdyń mańyzdylyǵyna kóńil bóldi.

О́z kezeginde stýdentter Eýrazııalyq Ekonomıkalyq Odaq pen Vetnam arasyndaǵy erkin saýda aımaǵy týraly Kelisimniń Qazaqstan men Vetnam úshin tıimdi baǵyttary, elderimiz parlamentteriniń erekshelikteri týraly qyzyǵýshylyq tanytty.

Sonymen qatar bolashaqta suranysqa ıe mamandyqtar, depýtattar jumysynda áleýmettik jelilerdiń mańyzdylyǵy jóninde Májilis Tóraǵasynyń pikirine nazar aýdardy.

Sońǵy jańalyqtar

Kúlki kerýeni № 24

Rýhanııat • Keshe

Reıtıngte joǵarylady

Kásipqoı boks • Keshe

«Altyn saqa» úzdikteri anyqtaldy

Ulttyq sport • Keshe

Qazaq áni Nıý-Iorkte shyrqaldy

Rýhanııat • Keshe

Uqsas jańalyqtar