Sport • 15 Qarasha, 2019

Ulttyq sporttyq júlde - 2019: Úmitkerlerge daýys berý bastaldy

35 retkórsetildi

Qazaqstan Ulttyq olımpıadalyq komıteti «Altyn Samǵaý - 2019» Ulttyq sporttyq júldesi úshin daýys berý bastalǵanyn habarlady.

Qazaqstan Ulttyq olımpıadalyq komıtetiniń prezıdenti Tımýr Qulybaevtyń bastamasymen bekitilgen sporttyq júlde bıyl «Qazaqstan» ortalyq konsert zalynda ótedi. Jyldaǵy dástúr boıynsha jankúıerler jyl úzdigin bıyl úshinshi ret anyqtamaq. 

«Qadirli jankúıerler! Sizderdi belsendi túrde daýys berýge shaqyramyz. О́ıtkeni, elimizdiń úzdik sportshysyn sizder anyqtaısyzdar. Byltyr bizdiń sportshylar myńdaǵan daýys jınady. Bul joly da solaı jalǵasady dep úmittenemiz. Árbir daýys sportshylar úshin mańyzdy ekenin aıtqymyz keledi. Úmitkerler jeńiske jetý úshin sizdiń daýsyńyz asa qajet» delingen habarlamada.

Daýys berý toǵyz atalym boıynsha júrgiziledi:

«Jazǵy sport túrleri boıynsha úzdik sportshy»

«Qysqy sport túrleri boıynsha úzdik sportshy»

«Úzdik jas sportshy»

«Jazǵy sport túrleri boıynsha úzdik jattyqtyrýshy»

«Qysqy sport túrleri boıynsha úzdik jattyqtyrýshy»

«Olımpıadalyq sport túrleri boıynsha úzdik ulttyq sport federasııasy»

«Úzdik sporttyq aımaq» (oblys jáne respýblıkalyq deńgeıdegi qalalar, sondaı-aq, elordadaǵy dene shynyqtyrý jáne sport basqarmasy)

«Jyl jańalyǵy»

«Jyldyń úzdik komandasy»

Olımpıadalyq sport túrleri maýsymynyń qorytyndysy boıynsha úmitkerler tizimi jasaqtaldy. Júldeni saltanatty túrde tabystaý keshi elimizge tanymal juldyzdardyń qatysýymen ótedi.

Atap aıtar bolsaq, «Ninety One» toby, NaZıma, «Moldanazar» toby, Say Mo, Qýandyq Rahym jáne ózge de ánshiler kesh qonaǵy bolmaq.  Saltanatty rásim 30 qarasha kúni 18.00-de elordadaǵy «Qazaqstan» Ortalyq konsert zalynda ótedi. 

Sońǵy jańalyqtar

Kúlki kerýeni № 24

Rýhanııat • Keshe

Reıtıngte joǵarylady

Kásipqoı boks • Keshe

«Altyn saqa» úzdikteri anyqtaldy

Ulttyq sport • Keshe

Qazaq áni Nıý-Iorkte shyrqaldy

Rýhanııat • Keshe

Uqsas jańalyqtar