Qoǵam • 15 Qarasha, 2019

Elorda ákimdigi jyl sońyna deıin 40 memlekettik qyzmetti avtomattandyrýdy josparlap otyr

32 retkórsetildi

Búgingi tańda elordalyq ákimdik 179 memlekettik qyzmet kórsetedi, onyń 56-y elektrondyq úkimet portaly arqyly tolyq avtomattandyrylǵan. Jyl sońyna deıin taǵy 40 memlekettik qyzmetti elektrondyq formatqa kóshirý josparlanyp otyr. Bul týraly «Adaldyq Alańy» jobalyq keńsesinde qala ákiminiń orynbasary Asqar Ámrın málimdedi, dep habarlady elorda ákimdiginiń resmı saıty.

Asqar Ámrın 2019 jyldyń 10 aıynda vedomstvo qyzmetiniń ashyqtyǵy men aıqyndylyǵy boıynsha ákimdik jumysynyń qorytyndylary týraly aıtyp berdi.

«2 jyl ishinde úderisterdi ońtaılandyrý boıynsha úlken jumys atqaryldy, sondaı-aq ákimshilik kedergilerdi joıdy jáne basqarýdy sıfrlandyrý jaǵyna belsendi túrde jyljyp kelemiz. Búgingi tańda elorda ákimdigi 179 memlekettik qyzmet kórsetedi, onyń 56-y egov.kz elektrondyq úkimet portaly arqyly avtomattandyryldy, sondaı-aq 57 ishinara egov.kz portal arqyly qoljetimdi jáne HQO arqyly qaıtalanady», – deıdi ákim orynbasary.

Onyń aıtýynsha osy jyldyń basynan beri elorda ákimdigi 3,5 mln elektrondyq formatta memlekettik qyzmet kórsetti, bul 2017 jyldyń kórsetkishterinen 5 ese joǵary.

«Osy baǵyttaǵy jumys jalǵasýda jáne kelesi jyldyń sońyna deıin taǵy 40 memlekettik qyzmetti avtomattandyrý josparlanyp otyr. Sondaı-aq, biz ákimdiktiń ashyqtyǵy boıynsha jumys isteımiz. Biz aýdandyq ákimdikterde ashylǵan «Open akimat» tásilin engize bastadyq jáne kommýnaldyq qyzmetter usyný boıynsha iQala ortalyqtary men áleýmettik sıpattaǵy qyzmetterdi usyný boıynsha «Januıa» ortalyǵy ashyldy», deıdi ákim orynbasary.

Ol sóz arasynda úderisterdi ońtaılandyrý jáne kedergilerdi joıý sheńberinde sybaılas jemqorlyq quqyq buzýshylyqtarǵa múmkindik beretin «tar moıyndy» taldap, izdedik. Mysaldardyń biri – qalalyq jelilerge qosylý qyzmetteri.

«Buryn bári ashyq emes, jabyq boldy. IQala ashylýymen biz kommýnaldyq qyzmetterdiń barlyq front-keńselerin biriktirdik jáne yńǵaıly keńseni ǵana emes, qyzmetterdi alý úshin ashyq alańdy da usyndyq. Sizderdi Nur-Sultan qalasy ákimdiginiń sybaılas jemqorlyqqa qarsy saıasatynda júrgizilip jatqan jumystar týraly habardar etip otyramyn», dep toqtaldy Asqar Ámrın.

Sońǵy jańalyqtar

Kúlki kerýeni № 24

Rýhanııat • Keshe

Reıtıngte joǵarylady

Kásipqoı boks • Keshe

«Altyn saqa» úzdikteri anyqtaldy

Ulttyq sport • Keshe

Qazaq áni Nıý-Iorkte shyrqaldy

Rýhanııat • Keshe

Uqsas jańalyqtar