Qazaqstan • 15 Qarasha, 2019

Qazaqstanǵa jańa áýe kompanııalar tartylady

67 retkórsetildi

Indýstrııa jáne ınfraqurylymdyq damý mınıstrligi «ashyq aspan» rejıminde Qazaqstanǵa jańa áýe kompanııalardy tartý boıynsha jumys júrgizýde. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady. 

2019 jyldyń 13-14 qarashasynda Qazaqstan Respýblıkasy men Birikken Arab Ámirlikteriniń avıasııalyq bılikteri kelissózder júrgizdi. Kelissózderge «Fly Dubai», «Emirates Airlines», «Etihad Airways», «Air Astana», «SCAT» áýe kompanııalarynyń, sondaı-aq Qaraǵandy jáne Almaty qalalarynyń áýejaılarynyń ókilderi qatysty.

Nátıjesinde eki eldiń taǵaıyndalǵan tasymaldaýshylaryna Qazaqstanda engizilgen 5-shi «áýe erkindigin» usynatyn «ashyq aspan» tártibi aıasynda turaqty reısti oryndaý úshin quqyqtyq baza bekitildi. Qol jetkizilgen ýaǵdalastyqtarǵa sáıkes, BAÁ-niń taǵaıyndalǵan tasymaldaýshylary Qazaqstannyń Nur-Sultan, Almaty, Shymkent, Aqtaý, Qaraǵandy, О́skemen, Pavlodar, Kókshetaý, Taraz, Petropavl, Semeı qalalarynan 5-shi «áýe erkindigin» usynatyn «ashyq aspan» tártibi aıasynda turaqty áýe tasymaldaryn oryndaýǵa quqyly.

Qolda bar aqparatqa sáıkes, ámirlik áýe kompanııalar Dýbaı-Aqtaý baǵyty boıynsha turaqty ushýlardy oryndaýdy josparlap otyr.  Sondaı-aq «Emirates Airlines» áýe kompanııasynda 2021 jyldan soń jańa A330 jáne A350 áýe kemelerin alǵannan keıin eki el arasynda tikeleı turaqty reısterdi ashý boıynsha josparlar bar.

Aıta ketý kerek, Memleket Basshysy Qasym-Jomart Toqaevtyń tapsyrmalaryn oryndaý maqsatynda 2019 jyldyń 1 qarashasynan bastap Nur-Sultan, Almaty, Shymkent, Aqtaý, Qaraǵandy, О́skemen, Pavlodar, Kókshetaý, Taraz, Petropavl, Semeı qalalarynyń áýejaılarynda reıster sanyna shekteýlerdi alyp tastaýdy jáne  sheteldik áýe kompanııalaryna 5-shi áýe erkindigin usynýdy kózdeıtin «ashyq aspan» rejımi engiziledi. «Ashyq aspan» rejımi odan ári uzartý múmkindigimen 3 jyl merzimge jaramdy.

Sońǵy jańalyqtar

Kúlki kerýeni № 24

Rýhanııat • Keshe

Reıtıngte joǵarylady

Kásipqoı boks • Keshe

«Altyn saqa» úzdikteri anyqtaldy

Ulttyq sport • Keshe

Qazaq áni Nıý-Iorkte shyrqaldy

Rýhanııat • Keshe

Uqsas jańalyqtar