Qazaqstan • 15 Qarasha, 2019

Jastar jyly: Innovasııa men shyǵarmashylyq úılesimi

52 retkórsetildi

15 qarasha 2019 jyl ál-Farabı atyndaǵy Qazaq ulttyq ýnıversıtetinde Qazaqstan Respýblıkasy Tuńǵysh Prezıdenti kúnine arnalǵan «Men jastarǵa senemin!» atty respýblıkalyq jastar forýmy bolyp ótti. Aýqymdy sharany  Bilim jáne ǵylym mınıstrligi, «Jandaný álemi» qory, «Jas Otan» jastar qanaty, Qazaqstan Jazýshylar Odaǵy, «Qazaq radıosynyń» qoldaýymen ál-Farabı atyndaǵy QazUÝ jáne Almaty qalasynyń ákimdigi uıymdastyrǵan.

Jyl aıaqtalýǵa jaqyn. Al 2019 jyl QR Tuńǵysh Prezıdenti – Elbasy bastamasymen Jastar jyly bolyp jarııalanǵany belgili. Jastar jyly – memlekettiń eleýli ári belsendi bóligi, zııatkerlik jáne shyǵarmashylyq áleýettiń ıesi – jas urpaqqa memlekettiń zor ári erekshe qamqorlyǵynyń kórinisi. Memleketimizdiń órkendeýi jastardyń qoǵam damýyna qandaı úles qosatyndyǵyna baılanysty. Árbir jas azamat ózine: «Men, elim úshin ne isteı alamyn?» - dep saýal qoıýy óte mańyzdy. Osy oraıda Qazaqstan Respýblıkasynyń Tuńǵysh Prezıdenti kúnine arnalǵan «Men jastarǵa senemin!» respýblıkalyq jastar forýmynyń basty maqsaty – ınnovasııa men shyǵarmashylyqty ushtastyrý arqyly patrıotızmdi damytý ekendigin basa atap ótken mańyzdy.

Forým ashylǵan kúni Prezıdenttiń tele-radıo kesheni daıyndaǵan belgili jýrnalıst Erlan Bekqojınniń turaqtylyq pen saıası-ekonomıkalyq damý jolynda memleketti basqarý tizginin senimmen tabystaǵan N.Nazarbaevtyń úlken saıasattaǵy róli men jeńisti qadamdaryn baıandaǵan derekti fılmi kórsetildi. Qazaqstandy orǵa jyǵatyn qaqtyǵystarǵa jol berilmedi. Saıası ınnovasııa jolymen bılik tizginin qolyna alǵan elimizdiń ekinshi Prezıdenti Q.Toqaev bolashaqqa batyl qadam basty. Bul jastardyń keleshekke degen senimin berik bekitti. Forýmǵa jıylǵan ár óńirdiń jastary fılmdi tamashalaı otyryp, el erteńi aldyndaǵy jaýapkershiligin tereń túsingendeı boldy.

Ál-Farabı atyndaǵy QazUÝ-de ótken forýmnyń ekinshi kúnine Premer-Mınıstrdiń orynbasary Berdibek Saparbaev qatysyp, Jastar jylynda atqarylǵan birqatar isterdi naqtylaı kórsetip, aralyq esebin berdi.

«Osy forýmǵa qyzyǵýshylyq bildirip, qatysyp otyrǵan sizderge qarap, sizderdiń belsendi áreketterińiz ben jobalaryńyzdy kórip bizdiń boıymyzda da qosymsha kúsh, sergektik paıda bolady. О́ziniń týǵan eli, Otany – Qazaqstan irgesiniń qalyptasyp, damýy jastardan belsendilik pen jiger, qaırat pen talantty kútedi. Al  memleket pen Úkimettiń mindeti – sol jastardyń boıyndaǵy qabilet pen talanttyń qaınar kózin ashýǵa múmkindik, jaǵdaı qalyptastyrý. Elbasy N.Nazarbaevtyń tikeleı bastamasymen qolǵa alynǵan «Bolashaq» memlekettik baǵdarlamasynyń da, Nazarbaev zııatkerlik mektepteriniń maqsaty da qazaqstandyq qabiletti, talapty jastardyń halyqaralyq standarttarǵa saı laıyqty bilim alýyn qamtamasyz etý, jańa turpatty Qazaqstannyń zamanaýı kóshtegi ese jibermeıtin bilimdi jastarynyń qataryn qalyptastyrý bolatyn. Elbasy tapsyrmasyna sáıkes osy maqsatty júzege asyrý úshin Úkimet «Jol kartasyn» ázirlep, memleket bıýdjetinen 300 mlrd-qa jýyq teńge bólip otyr. Bul az qarjy emes. Bul qarjy jalpy ishki ónimniń 0,5 paıyzyn quraıdy. Sizderdiń tek bilim alyp qana qoımaı, óz bıznesińizdi ashyp, jeke kásibińizben aınalysýyńyz úshin Úkimet barlyq múmkindikti qarastyryp otyr. Elimizde júzege asyrylyp kele jatqan «Jas kásipker», «Jas maman», «Bastaý» degen jobalar osynyń aıǵaǵy. Men atap ótken memlekettik baǵdarlamalardyń bári de osy ıgilikti maqsatty júzege asyrý úshin qabyldanǵan. Al aldaǵy 2020 jyl Prezıdent Qasym-Jomart Toqaevtyń usynysymen «Eriktiler jyly» dep jarııalandy. Qazir mınıstrlikterdiń barlyǵy osy ataýly jyldyń jobasyn ázirleýmen aınalysyp jatyr. Al bul forým bıylǵy Jastar jylynda júrgizilip kele jatqan sharalar men jumystyń aralyq esebin berý bolyp tabylady. Jastar jylynda «Qazaqstannyń jastary úshin naqty ne isteldi?» degen suraqtyń esebi beriletin mundaı aýqymdy shara aldaǵy kúnderi Nur-Sultan qalasynda da ótpek jáne Jastar jylynyń keler jylǵa belgilenip otyrǵan Eriktiler jylymen sabaqtastyǵy sóz bolady. О́ıtkeni eriktiler qozǵalysynyń negizgi býyny da, ókili de ózderińizsizder», dedi Premer-mınıstrdiń orynbasary. 

Forým baǵdarlamasyna 2013 jyldan bastap dástúrli túrde «Qazaqstannyń ınnovasııalyq damýyna qosqan meniń naqty úlesim» atty úzdik stýdenttik ınnovasııalyq jobalar baıqaýy, «Men óz elimniń órkendeýi úshin ne isteı alamyn?» atty úzdik esse jazý, úzdik poetıkalyq shyǵarma jáne patrıottyq taqyryptaǵy ánder baıqaýy kirdi.

Respýblıkanyń túkpir-túkpirinen qatysqan myńdaǵan jastyń arasynda jarııalanǵan baıqaý jobalary kóp boldy.  Jyl saıyn uıymdastyrý komıtetine túsken jobalar men shyǵarmashylyq jumystar sanynyń artýy –  baıqaýdyń tanymaldylyǵy men qajettiliginiń dáleli. Forým el kóleminde jastardyń patrıottyq sezimin, azamattyq jaýapkershiligin jáne zııatkerlik-shyǵarmashylyq áleýetin damytýǵa baǵyttalǵan mańyzdy alańǵa aınaldy.

Jastar jyly - jastar bastamalaryn yntalandyrýǵa jáne qoldaýǵa jańasha serpin berdi. Forým qorjynyna parasattylyq qaǵıdattaryn stýdenttik ortada ilgeriletý boıynsha jobalar, sondaı-aq jumys isteıtin jastar ókilderiniń ıdeıalary qosyldy.

Bıyl uıymdastyrý alqasyna baıqaýǵa qatysý úshin elimizdiń barlyq aımaǵyndaǵy 100-den astam joǵary oqý ornynan 1,5 myńnan astam ótinish kelip tústi. Onyń ishinde jeke jobalar men shyǵarmalar, sonymen qatar, ujymdyq shyǵarmashylyq jumystar da bar. Bedeldi sarapshylardan, qoǵam qaıratkerlerinen, memlekettik qurylymdardyń, BAQ pen bıznes ókilderinen, ǵalymdardan mádenıet jáne óner qaıratkerlerinen quralǵan táýelsiz qazylar alqasy kelip túsken jumystar ishinen 620-dan astam úzdik jumysty tańdap aldy.

Forýmnyń birinshi kúninde taqyryptyq alańdarda konkýrstyq jumystar usynylyp, jeńiske basty úmitkerler anyqtaldy. Irikteýge qoıylǵan talaptar óte joǵary boldy: sheshimderdiń alýandyǵy, shyǵarmashylyq kózqaras, tujyrymdamalyq jáne eń bastysy, adamdar men jalpy el úshin kútiletin naqty paıda. Kelip túsken jobalyq ıdeıalar deńgeıiniń joǵarylyǵy men sapasyn atap ótken jón. Bul Qazaqstannyń jańa býynynyń talantyn kórsetedi.

Forýmnyń saltanatty marapattaý rásimine vıse-premer B.Saparbaev, Sybaılas jemqorlyqqa qarsy is-qımyl agenttiginiń Tóraǵasy A.Shpekbaev, Bilim jáne ǵylym mınıstri A.Aımaǵambetov, Aqparat jáne qoǵamdyq damý mınıstri D.Abaev, Almaty qalasy ákiminiń orynbasary E.Babaqumarov, QazUÝ rektory, akademık Ǵ.Mutanov, tanymal qoǵam jáne memleket qaıratkerleri, stýdentter jáne elimizdiń ár óńirinde qyzmet etetin jastar qatysty.

Baıqaý jeńimpazdary men júldegerleri dıplomdarmen jáne baǵaly syılyqtarmen marapattalady. Birinshi oryn ıegerlerine ál-Farabı atyndaǵy QazUÝ-da bir jyl tegin oqý granty berildi, úmitkerlerdiń shyǵarmashylyq jumystary aldaǵy ýaqytta arnaıy jınaqta jaryq kóredi.

Sońǵy jańalyqtar

Uly dala eliniń eń ulyq merekesi

Qazaqstan • Búgin, 13:28

Basylym basshylary - Muhtar ÁÝEZOV (11.1921-12-1921)

Basylym basshylary • Búgin, 13:06

Qarshadaı qyzdyń qaısarlyǵy...

Rýhanııat • Búgin, 12:55

Almatylyq qarııalarǵa arnalǵan kesh ótti

Rýhanııat • Búgin, 12:47

Ábish Kekilbaevty eske alý keshi ótti

Rýhanııat • Búgin, 11:05

Ýspen aýdany dástúrli ánshilerdi shaqyrdy

Rýhanııat • Búgin, 09:10

Tulǵaǵa taǵzym jasaldy

Rýhanııat • Búgin, 08:49

«Báıterek» basyndaǵy qaýyshý

Qoǵam • Búgin, 08:45

Jalpy esepte úzdik úshtiktemiz

Sport • Búgin, 08:44

«Astana» maýsymdy aıaqtady

Fýtbol • Búgin, 08:40

Baǵyndyrǵan belester baıyptaldy

Aımaqtar • Búgin, 08:37

Taýar tasý jıiligine shekteý bolmaıdy

Ekonomıka • Búgin, 08:33

Jeltoqsan... Erkindik... Azattyq

Qoǵam • Búgin, 08:21

Azattyq jolyndaǵy tarıhı qadam

Rýhanııat • Búgin, 08:17

Qazaq elin álem tanydy

Álem • Búgin, 08:15

Qıyn sátte de birge bolǵanbyz!

Qazaqstan • Búgin, 08:12

Táýelsizdik hám túrki jurty

Qazaqstan • Búgin, 08:03

El abyroıyn asyrǵan jahandyq bastamalar

Qazaqstan • Búgin, 08:01

40 páterdiń kiltin tapsyrdy

Aımaqtar • Búgin, 07:58

Túrkııada toılandy

Qazaqstan • Búgin, 07:57

Ekonomıka qarqyndy ósýde

Ekonomıka • Búgin, 07:51

Mereke qarsańyndaǵy mereıli sát

Qoǵam • Búgin, 07:48

Memlekettik nagradalar tapsyrdy

Parlament • Búgin, 07:44

Almatyda Abaı klýby ashyldy

Rýhanııat • Keshe

Uqsas jańalyqtar