– Qazaqstan Úkimeti men Azııa damý banki arasyndaǵy yntymaqtastyqty damytýǵa qosqan úlesińiz úshin rızashylyq bildiremiz. Banktiń el ekonomıkasynyń órkendeýine atsalysýy óte mańyzdy. Biz muny joǵary baǵalaımyz, – dedi Prezıdent.
Azııa damý bankiniń prezıdenti Memleket basshysynyń Qazaqstan halqyna arnaǵan Joldaýymen tanys ekenin jetkizip, atalǵan strategııalyq qujattyń negizgi bólimderine, ásirese, onyń áleýmettik mańyzyna oń baǵasyn berdi. Onyń aıtýynsha, Joldaýdyń maqsaty men mindeti Azııa damý bankiniń damý basymdyqtarymen úılesedi.
– Siz Joldaýyńyzda adamdardyń turmys sapasyn jaqsartýǵa jáne muǵalimderdiń jalaqysyn arttyrýǵa zor kóńil bóldińiz. Bul – adam kapıtaly damýynyń mańyzdy bóligi. Biz bul baǵyttaǵy jumystardy árqashan qoldaımyz, – dedi Takehıko Nakao.
