Qazaqstan • 15 Qarasha, 2019

Senatorlar gazben qamtamasyz etý jelileri qurylysynyń barysymen tanysty

300 ret

kórsetildi

1 mın

oqý úshin

Parlament Senatynyń Ekonomıkalyq saıasat, ınnovasııalyq damý jáne kásipkerlik komıtetiniń músheleri Dáýren Ádilbekov pen Edil Mamytbekov elorda ákimi Altaı Kólginovtiń, energetıka mınıstriniń orynbasary Murat Júrebekov, sondaı-aq «Baıqońyr» jáne «Saryarqa» aýdandary ákimderiniń qatysýymen Nur-Sultan qalasy gazben qatamasyz etý jelileri qurylysynyń barysymen tanysty. Bul týraly Parlament Senatynyń baspasóz qyzmeti habarlady.

Egemen Qazaqstan

Senatorlar gazben qamtamasyz etý jelileri qurylysynyń barysymen tanysty

Qazaqstannyń Tuńǵysh Prezıdenti – Elbasy N.Á. Nazarbaev 2018 jylǵy 5 naýryzdaǵy «Prezıdenttiń bes áleýmettik bastamasy» atty Qazaqstan halqyna Úndeýinde elimizdi odan ári gazben qamtamasyz etý mindetin qoıǵan bolatyn.

Senatorlar atalǵan jobany iske qosý merzimderi, ony qarjylandyrý jáne turǵyn úılerde esepteýish quraldardy ornalastyrý jóninde birqatar suraqtar qoıdy. Qala ákiminiń aıtýynsha, gazdandyrý úsh kezeńmen júrgiziletin boldy. Qalany gazben qamtamasyz etý kelesi jylý maýsymynyń basyna josparlanyp otyr.

Senatorlarǵa sondaı-aq úılerde arnaıy esepteýish quraldaryn ornatý jobalyq-smetalyq qujatta kórsetilgendeı merdiger kompanııalardyń esebinen júrgiziletini aıtyldy. Gazben qamtý qalany lastaıtyn zııandy zattardyń kólemin 6 esege azaıtýǵa múmkindik beredi.