Aımaqtar • 16 Qarasha, 2019

Mańǵystaýda 140 kásipker qaıtarymsyz qarajat alady

19 retkórsetildi

Mańǵystaýlyq kásipkerlerge 200 AEK, ıaǵnı 505 myń teńge kólemindegi qaıtarymsyz qarajat berý sharalary jalǵasýda. Bul týraly Mańǵystaý oblysy «Atameken» kásipkerler palatasy baspasóz hatshysy Jazıra Ábil habarlady.

2017-2021 jyldarǵa arnalǵan «Eńbek» nátıjeli jumyspen qamtýdy jáne jappaı kásipkerlikti damytý baǵdarlamasy boıynsha grant alý úshin komıssııa aldynda óz bıznes jobalaryn qorǵaýǵa kelgen adamdardyń qarasy kóp. О́ńirlik kásipkerler palatasynda eki kúnnen beri ótken is sharada 140 úmitker oza shyqty. Olardyń ishinen Beıneý aýdanyna-55, Munaılyǵa-32, Mańǵystaý aýdanyna-20, Jańaózendikterge-32, al aqtaýlyq bir turǵynǵa qaıtarymsyz qarjy buıyrdy. Sonymen qaıtarymsyz qarajat kimderge beriledi? Negizinen bul grant múgedekterge, kóp balaly analarǵa, jarymjan bala asyraýshylarǵa, jastarǵa jáne jumyssyzdarǵa arnalǵan. Úmitkerlerdiń deni túıe, jylqy, eshki sharýashylyǵy, tigin sehy, bódene ósirý, kondıter ónimderin daıyndaý, sulýlyq salonyn ashý sııaqty kásip túrlerin damytýdy qolaı kóredi.

Jańaózen qalasynyń turǵyny Laýra Aqnazarova eshki ósirýdi jón kóredi. Kóp balaly ana balalary syrqattana bergen soń úıine eshki satyp alyp, sonyń sútimen ımmýnıtetin kótertip, aýrýynan tez aıyqqanyn kózben kórdi. Halyqtyń densaýlyǵyn tabıǵı jolmen nyǵaıý maqsatynda osyny úlken kásipke aınaldyrǵan durys dep sanaıdy. «Asyl tuqymdy eshkiniń baǵasy 125 myń teńge turady eken. 505 myńǵa birneshe mal alyp, kásip bastaǵym keledi. Úıde ata-enem kómektesedi. Sóıtip bir múgedek adamdy jumyspen qamtamasyz etýdi uıǵaryp otyrmyn» deıdi ol.

Al, Beǵalı Ámirov kıim-keshekke tigiletin etıket óndirýdi josparlap otyr. «Qazir qoldan óz brend kıimderin shyǵaratyndar, kórpe-tósek, balalar kıimderi men sábı oraıtyn kórpeler tigetin sheberler kóbeıip keledi. Olar óz belgisi basylyp shyqqan etıket tigip, buıymdaryn satylymǵa qoısa óte oryndy bolar edi. Iri tigin fabrıkalarymen kelisimshartqa otyryp, olarǵa óz belgilerin tigip shyǵarýǵa daıynbyz. Qazir onyń bárin basqa oblystarǵa tapsyrys berip, uzaqtaı kútip júretinder bar. Osy máseleni oń sheshkim keledi»,- deıdi úmitker Beǵalı Seıfýllauly.

-Birneshe sala mamandarynan qurylǵan komıssııa múshelerine bıznes jobalardy tańdaýdyń mol múmkindigi boldy. Grant kásibin bastaımyn degen azamattarǵa qural-jabdyq, tehnıkalyq qamtý, mal satyp alý úshin beriledi. Qarajat alǵannan soń olardyń maqsatty jumsalýyn, kásibin júıeli túrde tekserip otyramyz. Bul qarajat jymqyryp, eshqandaı kásip ashpaıtyn adamdarǵa arnalmaǵan. Qarjy orynsyz jumsalǵanyn bilsek, keri qaraı óndirý sharalary júredi, dedi komıssııa tóraǵasy Murat Saýǵabaev.

Bul osy jylǵa bólingen grantqa úmitker sońǵy lek. Keler jyly qaıtarymsyz qarajat bólý jalǵasyn tabady.

Sońǵy jańalyqtar

Táýelsizdik – tuǵyrym

Aımaqtar • Búgin, 17:01

Arhıv ǵımaratyna eskertkish taqta ornatyldy

Rýhanııat • Búgin, 16:43

Jas otbasylar baspanaly boldy

Aımaqtar • Búgin, 16:16

Kúlki kerýeni № 25

Rýhanııat • Búgin, 12:49

Almatyda patrıottyq ánder keshi ótti

Rýhanııat • Búgin, 10:16

BQO-da jastar syılyǵy tabystaldy

Aımaqtar • Búgin, 10:01

Irgeli jobalar júzege asty

Qoǵam • Búgin, 07:47

Jastardy jete tanýǵa jol ashty

Qoǵam • Búgin, 07:46

Qoldaý ǵylymǵa qajet

Qoǵam • Búgin, 07:39

Pleı-off kezeńine shyqqandar belgili

Fýtbol • Búgin, 07:37

Apta úzdigi atandy

Hokkeı • Búgin, 07:35

«Altyn tobylǵy» ıegerleri anyqtaldy

Rýhanııat • Búgin, 07:33

Súıispenshiliktiń anasy – yqylas

Rýhanııat • Búgin, 07:26

О́nim men ósim eselendi

Aımaqtar • Búgin, 07:18

Tartymdylyq tereńdeı túspek

Aımaqtar • Búgin, 07:16

Úlken ómir jolynyń kezeńderi

Ekonomıka • Búgin, 07:13

Shardara GES-i tolyq jańǵyrady

Ekonomıka • Búgin, 07:05

Nagradalar tapsyryldy

Qoǵam • Búgin, 06:57

«Klassıktiń keshikken mahabbaty»

Kıno • Búgin, 06:51

Uqsas jańalyqtar