16 Qarasha, 2019

Jetisýdan kelgen jeteý

210 retkórsetildi

Mundaı kezdesýler jıi-jıi ótýi kerek.

 

Keshe О́skemendegi Sársen Amanjolov atyndaǵy Shyǵys Qazaqstan memlekettik ýnıversıtetinde jetisýlyq jas aqyn-jazýshylarmen kezdesý ótti. Oblystyq balalar jáne jasóspirimder kitaphanasy uıymdastyrǵan sharaǵa telejúrgizýshi, jazýshy Esbolat Aıdabosyn, jýrnalıst Qozybaı Qurman, Máýlen Ánerbaı, Muhtar Kúmisbek, Medet Jumabaev, Azamat Nurmuhan syndy jas aqyndar men dástúrli ánshi, «Zaman-aı» termesiniń ánin jazǵan, sazger Álibı Bekaıdar qatysyp, oqyrmandardyń saýaldaryna jaýap berip, rýhanııat, ádebıet tóńiregindegi oılaryn ortaǵa saldy.

es

Kezdesýdiń betasharynda sóz alǵan belgili jýrnalıst Esbolat Aıdabosyn alty jasty Altaıǵa ózi bastap kelgenin aıtyp: «Biz negizi osyndaǵy áriptesimiz, «Shyǵys-Aqparat»  JShS dırektory Nurbek Beken bastaǵan qalam ustaǵan jigitterdiń usynysymen fýtboldan joldastyq kezdesý ótkizýge kelgenbiz. Sosyn qur dop teýip qana qoımaı, oraıy kelgende jetisýlyq talantty jas aqyndardyń shyǵarmashylyǵyn oqyrmandarǵa tanystyrýdyń artyǵy bolmas dep osy kezdesýge kelip qalǵan jaıymyz bar» deı kele О́skemenge kelgen bes aqynnyń kitaptary bıylǵy Jastar jyly aıasynda jaryq kórgenin jetkizdi.     

esbo

Kezdesý barysynda Jetisýdan kelgen jeteýdiń beseýi, ıaǵnı, Máýlen Ánerbaıdyń «Kún qyzy», Muhtar Kúmisbektiń «Alfavıttegi alty árip», Qozybaı Qurmannyń «Júrek maýsymdary», Azamat Nurmuhannyń «Alǵys», Medet Jumabaevtyń «Jumyr jerdegi jumaq bel» kitaptarynyń tusaýy kesildi. Jas aqyndardyń kitaptarynyń lentasyn Sársen Amanjolov atyndaǵy ShQMÝ rektory Muhtar Ádilbekuly men belgili aqyn Qalqaman Sarın qıyp, sát-sapar tiledi. «Bizdiń ýnıversıtette talantty jastar kóp. Olardy únemi qoldap otyramyz. Jetisýdiń jeri de, eli de tamasha. О́zim biraz jyl eńbek etkenmin. Taldyqorǵannan kelgen talantty jastarǵa tek sáttilik tileımiz» dedi rektor.

 esbol

Týǵan jerge týyn tigip, О́skemenge eńbek etýge kelgen aqyn Qalqaman Sarın búgingi kún osy óńirdiń ádebı-mádenı ómirindegi erekshe kún ekendigin atap ótip: «О́skemenge kelgenime kóp bolmasa da, shahardaǵy jastardyń ádebıetke, óleńge degen qushtarlyǵyn baıqadym. Jetisýlyq aqyndardyń birazyn tanımyn. Shyǵystaǵy oqyrmanmen tanysýǵa kelgen qadamdaryń qutty bolsyn! Kelesi joly jeteýińniń emes, árqaısyńnyń jeke-jeke keshterińdi ótkizetin kúnge jetkizsin. Mundaı kezdesýler jıi-jıi ótýi kerek. Ádebıetti osylaı nasıhattaý kerek. Basqa óńirdiń qyz-jigitteri osylaı kelip turýy kerek, Shyǵystyń talantty jastary basqa oblystardy aralaýy kerek. Buǵan eshqandaı da memlekettik baǵdarlamanyń qajeti joq. Bul ózimizge qajet» dedi.

О́SKEMEN    

 

 

Sońǵy jańalyqtar

Sý basý qaýpi joq

Qoǵam • Búgin, 07:40

MÁMS: qanatqaqty joba oń nátıjesin berdi

Medısına • Búgin, 07:34

Baspanaly bolyp, baqytqa bólendi

Baǵdarlamalar • Búgin, 07:32

Ábishtanýdyń áz álipbıi

Rýhanııat • Búgin, 07:20

Ajyramas dúnıeniń adamy...

Rýhanııat • Búgin, 07:17

Syrdaǵy dostyq merekesi

Aımaqtar • Keshe

Kúlki kerýeni № 19

Rýhanııat • Keshe

Uqsas jańalyqtar