Boks • 16 Qarasha, 2019

Boks: Almaty men Máskeýdiń jas órenderi teń tústi

47 retkórsetildi

«Almatydaǵy Máskeý kúnderi» mádenı baǵdarlama aıasynda Alataý baýraıyndaǵy ásem shaharda ornalasqan «Almaty Arena» sport kesheninde tamasha sporttyq shara uıymdastyryldy. Atap aıtsaq, bokstan joǵaryda atalǵan qos qalanyń jasóspirimder quramasy matchtyq kezdesý ótkizdi.

Aıtýly jarysta 2004-2005 jyldary týǵan balǵyn bylǵary qolǵap sheberleri baq synady. Olar 12 salmaq dárejesi boıynsha ótken saıysta myqtylardy anyqtady. Qatysýshy komandalardyń sapynda jas bolsa da, biraz belesti baǵyndyryp úlgergen saıypqyrandardyń az emes eken. Máselen, Máskeý quramasy óz jas erekshelikteri boıynsha Eýropa jáne Reseı birinshilikterinde júlde alǵan jas órenderden jasaqtaldy. Almaty komandasy da osal emes. Qaladaǵy №10  balalar men jasóspirimder sport mektebi túlekteriniń túrli deńgeıli dodalarda júlde alyp júrgenin jankúıerler jaqsy biledi. 

  • ­Osyndaı jarystar ótkizý eki jaqqa da tıimdi. О́ıtkeni, bir-birine uqsamaıtyn múlde bólek boks mektepteriniń túlekteri ózara kúsh synasý arqyly mol tájirıbe jııady. О́z artyqshylyqtaryn ańǵaryp, kemshilikterin baıqaıdy. Onyń ústine, bul ­– komandalyq báseke. Iаǵnı, sharshy alańǵa shyqqan árbir sportshy ıyǵyna qandaı jaýapkershiliktiń artylǵanyn anyq sezinedi. Eger ol utylsa, komandasynyń jalpy esepte jeńiske jetýine kesiri tıetinin jaqsy biledi. Sportshy sol sezim jáne sol rýhpen aıqas alańyna «bes qarýyn asynyp»shyǵady. Osy jaıttyń barlyǵy da jastardy jigerlendiredi. Namysyn qamshylaıdy. Bir sózben aıtsaq, bul ­­– úlken tájirıbe mektebi. Desek te biz osy bir ǵana sharamen shektelip qalmaýymyz kerek. Árbir jaqsy dástúri jalǵasyn tabýǵa tıis. Sondyqtan da men qala sportynyń basshysy retinde jýyrda Reseı astanasyna issaparǵa barýdy josparlap otyrmyn. Sol jaqta Máskeý qalasy sporty departamentiniń jetekshilerimen kezdesip, sporttyń birneshe túri boıynsha matchtyq kezdesýler ótkizýdi dástúrge aınaldyrýdy usynǵym keledi. Osyndaı básekelerdiń qos tarapqa da bereri kóp, ­– deıdi Almaty qalasy Sport basqarmasynyń bastyǵy Rústem Baıseıitov.

Al sharshy alańdaǵy saıystarǵa keler bolsaq, óz salmaq dárejelerinde almatylyq Meıirjan Kárbóz (46 kılo), Vladıslav Vaısel (48 keli), Nurǵalı Kengesbaev (52 kılo), Álı Kemenbaev (60 kılo), Abylaı Sman (63 kılo) jáne Erasyl Álıev (75 kılo) jeńiske jetse, máskeýlikter arasynan Anton Avdıenko (50 kılo), Borıs Eroshkın (54 kılo), Danıl Mova (57 kılo), Iаroslav Shıhov (66 kılo), Teımýr Tagıev (70 kılo) jáne Vadım Panovtyń (80 kılo) mereıi ústem boldy. Nátıjesinde bul matchtyq kezdesý teń aıaqtaldy. Esep – 6:6. 

Sóz oraıy kelgende, Almatyda ótken aıtýly jarystyń uıymdastyrylý deńgeıi joǵary bolǵanyn aıta ketýge tıispiz. Balǵyn bylǵary qolǵap sheberleriniń básekesin tamashalaý úshin Bolat Núrpeıisov, Borıs Shvırashvılı, Edýard Gabdýlov, Hamıt Baraev, Vıktor Demıanenko, Tursynǵalı Edilov, Bolat Mankenov, Kárimjan Ábdirahmanov, Serikjan Eshmaǵambetov syndy boks ardagerleri «Almaty Arenaǵa» arnaıy at basyn burdy.

 Sýretti túsirgen Serjan Jırenbaı  

Sońǵy jańalyqtar

Táýelsizdik – tuǵyrym

Aımaqtar • Búgin, 17:01

Arhıv ǵımaratyna eskertkish taqta ornatyldy

Rýhanııat • Búgin, 16:43

Jas otbasylar baspanaly boldy

Aımaqtar • Búgin, 16:16

Kúlki kerýeni № 25

Rýhanııat • Búgin, 12:49

Almatyda patrıottyq ánder keshi ótti

Rýhanııat • Búgin, 10:16

BQO-da jastar syılyǵy tabystaldy

Aımaqtar • Búgin, 10:01

Irgeli jobalar júzege asty

Qoǵam • Búgin, 07:47

Jastardy jete tanýǵa jol ashty

Qoǵam • Búgin, 07:46

Qoldaý ǵylymǵa qajet

Qoǵam • Búgin, 07:39

Pleı-off kezeńine shyqqandar belgili

Fýtbol • Búgin, 07:37

Apta úzdigi atandy

Hokkeı • Búgin, 07:35

«Altyn tobylǵy» ıegerleri anyqtaldy

Rýhanııat • Búgin, 07:33

Súıispenshiliktiń anasy – yqylas

Rýhanııat • Búgin, 07:26

О́nim men ósim eselendi

Aımaqtar • Búgin, 07:18

Tartymdylyq tereńdeı túspek

Aımaqtar • Búgin, 07:16

Úlken ómir jolynyń kezeńderi

Ekonomıka • Búgin, 07:13

Shardara GES-i tolyq jańǵyrady

Ekonomıka • Búgin, 07:05

Nagradalar tapsyryldy

Qoǵam • Búgin, 06:57

«Klassıktiń keshikken mahabbaty»

Kıno • Búgin, 06:51

Uqsas jańalyqtar