О́ndirisi óskeleń óńir

Premer-Mınıstr Asqar Mamın aldymen «Eýrazııalyq energetıkalyq korporasııasy» AQ Aqsý elektr stansasynda boldy. Stansa Eýrazııalyq top (ERG) quramyndaǵy elektr energııasy men kómir óndirýshilerdiń biri. Elimizde óndiriletin elektr qýatynyń 17 paıyzy, kómirdiń 20 paıyzy kásiporyn enshisinde. «EEK» AQ Aqsý elektr stansasyn, «Shyǵys» kómir kenishi men energetıkalyq jáne ken jab­­dyǵyn jóndeýmen aınalysa­tyn óndiristik jóndeý bólimshesin bi­riktiredi. 6 myńnan asa adam eńbek etýde. Kásiporyn 2001 jyl­dan beri stansadaǵy ener­gobloktardy jańǵyrtý ju­mys­taryn júrgizýde. Asqar Ma­mın stansadaǵy jańǵyrtýdan ót­ken, bıyl jeltoqsan aıynda paı­da­lanýǵa beriletin №5 energoblok qurylysymen tanys­ty. Energoblokty paıdalanýǵa bergen­nen keıin stansanyń qýaty 2 475 mVt-qa jetpek.

Budan keıin A.Mamın óńir­degi júıe quraýshy kelesi kásiporyn – «Qazhrom» TUK» AQ fılıaly Aqsý ferroqorytpa zaýytyn aralap, sehtardaǵy balqytý peshteriniń jańǵyrtý jumystarymen tanysty.

Jańǵyrtý jumystarynan keıin bul peshter 2024 jylǵa qaraı ferrohrom óndirisiniń kólemin 87 paıyzǵa arttyrýǵa múmkindik beredi. Bul oraıda elektr energııasyn tutyný kóle­mi 20 paıyzǵa tómendeıdi. Son­daı-aq Aqsý qalasynda saly­nyp jatqan ortalyq jylý qazan­dyǵy men balalar eko-tehno orta­lyǵyn aralap kórdi.

Aqsýdan keıin Úkimet basshysy oblys ortalyǵyndaǵy «Kom­panııa Neftehım LTD» JShS aralap kórdi. О́ndiris orny 2014 jylǵy jeltoqsan aıynda iske qosylǵan. Jylyna 20 myń tonna efır, 70 myń tonna polıpropılen óndirilse, 50 myńdaı polıpropılendi qap jasaldy.

Kásiporyn zamanaýı tehnologııalardy qoldanýda, sýdy únemdi paıdalaný úshin sýmen jabdyqtaý jáne aınalymdaǵy sýdy tazartatyn júıe salynǵan. Jalpy, kásiporynnyń qorshaǵan ortany qorǵaý jumystaryna 2018 jyly 23,372 mıllıon teńge kóleminde jumsalǵan.

Sondaı-aq Premer-Mı­nıstr «Qazaqtelekom» AQ-nyń «Derekterdi óńdeý ortalyǵyna bardy. Ortalyq derekterdi óń­deý­ge jáne saqtaýǵa arnalǵan ozyq úlgidegi serverlermen jab­dyqtalǵan. Osy jerde «Samu­ryq-Qazyna» UÁQ» AQ, «Qaz­atomónerkásip» UAK», «Qaz­Mu­naı­Gaz» UK», «Qazposhta», «Sátti Juldyz» jáne «Google», «Wargaming», «Genesis Mining» halyqaralyq korporasııalary elektrondy derekterin ornalastyryp, júıelep, rezervke saqtap qoıady.

Oblys ortalyǵyndaǵy «In­ves­tor­lar úıinde» óńirge ınves­tı­sııalar tartý jumystary tanys­tyryldy. Ortalyqta kásip­kerler «Bir tereze» qaǵıdaty boıyn­sha qyzmetter men keńester ala alady. Mysaly, «Kazakh Invest», «Pavlodar» AEA» basqa­rý­shy kompanııasynyń, «Atame­ken» óńirlik kásipkerler palata­sy­nyń, «QazAgroQarjy» AQ, «Agrarlyq nesıe korporasııa­sy», «Aýyl sharýashylyǵyn qar­jylaı qoldaý qory» jáne «Da­mý» kásipkerlikti damytý qorynyń» keńseleri bir alańda ju­mys isteıdi. Osy jerde Úkimet basshysyna Ekibastuz qalasynyń ındýstrııalyq aımaǵynda qýa­ty jylyna 35 myń tonnany qu­raı­tyn tehnıkalyq kremnıı óndirý zaýytyn salý barysy týraly baıan­daldy.

Investordyń málimetinshe, BAÁ Canarax JShS jylyna 35 myń tonna kremnıı óndi­retin bolady. Kásiporynda 380 tu­raqty jumys orny jáne qury­lys kezinde 150 jumys orny qu­rylady.

 – Biz Italııadan ákelinetin joǵary tehnologııalar men zamanaýı jabdyqtardy paıdalanatyn bolamyz, – dep atap ótti BAÁ ınvestorlary. – Bizdiń za­manaýı gaz tazalaý júıesi eýro­­palyq standarttar boıyn­sha jo­balanǵan. Sý jabyq kontýr­da aınalady jáne zaýyt sý­dy shyǵarýdyń nóldik júıesin qol­­daıdy. Zaýyt qatty qaldyq­tar­dy óndirmeıdi.

«Investorlar úıiniń» tór­aǵasy Aleksandr Babenkonyń aı­týyn­sha, oblys ortalyǵynda taǵy bir jańa zaýyt qurylysy bas­tal­maq. Jospar boıynsha jańa kásip­oryn 140 myń tonnaǵa deıin kókónis óńdep, 21 myń ton­na krahmal, 2,8 myń tonna pro­teın óndiretin bolady. О́ńir­de sýarmaly jerlerdiń kólemi aldaǵy jyldary 100 myń gek­tar­ǵa ulǵaıtylmaq.

Al «Asyl sý» sýlandyrýdyń óńir­lik baǵdarlamasyn júze­ge asyrýda qytaılyq ınvestor­lardyń kómegi qajet. Sondaı-aq Dalian Zhonghui Irrigation Equipment Co. Ltd jańbyrlatý mashı­nalaryn óndiretin zaýyt salý­dy usynady.

Kelesi kezekte Úkimet basshysy qurylysy aıaqtalyp qalǵan jańa onkoortalyqqa bardy.

Oblys ákimi Bolat Baqaýovtyń aıtýynsha, 227 oryndyq onko­lo­gııalyq ortalyq pen aýysymyna 100 adam qabyldaıtyn emhana bıyl jeltoqsan aıynyń so­ńynda ashylmaq. Munda 400-den astam joǵary bilikti maman jumys isteıdi. Nysan qury­ly­syn «Qurylys» JShS júrgizýde. Jobanyń quny – 7,2 mlrd teńge. Medısınalyq jabdyqtardy satyp alýǵa bıýdjetten 2,8 mlrd teńge bólingen.

Densaýlyq saqtaý mınıstri Eljan Birtanovtyń aıtýynsha, maqsat – obyr aýrýyn emdeýdegi jańa tehnologııalardy engizý. Obyrdyń túrlerin emdeý úshin hımııalyq preparattar ǵana emes, zamanaýı úlgidegi terapııa tańdalady. Jańa ortalyqta klı­­nıkalyq-dıagnostıkalyq zerthanalar, reanımasııa jáne qar­qyndy terapııa bólimshesi orna­lasady. Emhana bólim­she­leri­­niń dárigerlik kabınetteri sáý­lelik, ýltra-dybystyq já­ne magnıttik-rezonanstyq maz­­mun­daǵy qazirgi zamanǵy dıag­­nos­tıkalyq apparattarmen, eks­press-dıagnostıka úshin bıolo­gııalyq materıal­dardy endosko­pııalyq jáne analı­tı­kalyq zert­teýlermen jab­dyq­talady. Jańa on­kodıspanserdiń ashylýy óńir­de onkologııalyq aýrýlardy erte anyq­taýǵa, ólim-jitim kórset­ki­shi­niń tómendeýine múmkindik ber­mek.

Sondaı-aq Úkimet basshy­sy muz arenasyn, fýtbol jáne ja­byq jeńil atletıka manejderin, olımpıadalyq rezervke daıyndaý ortalyǵyn qamtıtyn «Sport-Sıtı» sport qalashyǵyn aralap kórdi. Aldaǵy jyldary «Sport Sıtı» mańynda jataqhana da salynbaq.

 Úkimet basshysynyń nazaryna Ýsolka ózenindegi akademııalyq eskek esý arnasynyń jobasy da usynyldy. Bul keshenderdiń qurylysyna demeýshiler qoldaý kórsetken. Bul rette fýtbol maneji, olımpıadalyq rezerv daıyndaý ortalyǵy jáne muz saraıyna 6 mlrd teńgege jýyq qarjy bólingen. Al jeńil atletıka maneji memleket-jekemenshik áriptestik aıasynda boı kótermek.

Pavlodar oblysy