«El úmiti» senim uıalatty

Jastar jyly aıasynda boıynda bilimi men biligi qatar órilgen qyz-jigitterdiń basyn qosqan marafonnyń basty maqsaty – talantty balalar men jas­tardy anyqtap, olarǵa naqty qol­daý kórsetý. Tabysty bolý, básekege qabi­lettilik, patrıotızm jáne bilimge qush­tarlyq ıdeıalaryn ózge jastarǵa úlgi etip usyný. «El úmiti» marafony eli­mizdiń jastaryn barynsha qalyń kóp­shilikke tanystyrýǵa tyrysady, olar­dyń ereksheligin, daryndylyǵyn, ǵy­lymı jáne kóshbasshylyq áleýetin úlgi retinde nasıhattap, barsha jas otandas­taryn Otan úshin erinbeı eńbek etýge shaqyrady.

Ońtústik aımaqtaǵy úsh oblys pen eki megapolıstiń bilim-biligi joǵary, talǵamy men talaby saı belsendi jas­tarynan quralǵan delegasııalardy Almaty jastary qurmetpen qarsy aldy. Jas bolsa da, jetistikke jetip úlgergen daryn­dy jastarǵa Tuńǵysh Prezıdent – Elbasy Qorynyń atqarýshy dırektory Áset Isekeshev pen Almaty qalasynyń ákimi Baqytjan Saǵyntaevtyń yqylasy da ala-bóten boldy.

«El jastarynyń eń kóp shoǵyr­lanǵan ortalyǵy Alma­ty­da «El úmiti» jobasy qaty­sý­shylaryn qarsy alý – biz úshin úlken qýanysh. Sizder, Qazaq­stannyń bolashaǵy, el úmi­tisizder. Sizderdiń jetistikterińiz – elimizdiń jetistigi. Búgingi marafonnyń Tuńǵysh Prezıdent kúni­ne arnalyp ótkizilip oty­rýy da kezdeısoq emes. О́ıt­ke­ni daryndy jastar men kósh­bas­shylarǵa qoldaý kórsetý, odan ári damytý Elbasymyz N.Nazarbaevtyń nazarynan eshqa­shan da tys qalǵan emes. «El úmiti» marafonynyń Elbasynyń qol­daýymen ıgi dástúrge aınalýy – osynyń jarqyn dáleli», dedi qala ákimi B.Saǵyntaev.

Almatyda 700 myńnan as­tam jas ómir súredi. Iаǵnı, qalanyń árbir úshinshi tur­ǵyny – jastar. Onyń 230 myń­nan astamy – stýdent. Olar Almatynyń 39 joǵary oqý ornynda, 80 orta bilim beretin kolledjde oqıdy. Bıyl Almatyda jumysshy jastarǵa arnalyp jalǵa beriletin 1050 páterdiń kilti tabystaldy. 2020 jyly memlekettiń bul baǵdarlamasyna Almaty qalasy ákimdigi qosymsha «Almaty jastary» atty óz baǵdarlamasyn usynyp, páter sanyn birte-birte taǵy da 1000-ǵa kóbeıtýdi kózdep otyr. Osylaısha jyl saıyn jastar úshin bólinetin páter sanyn 2000-ǵa jetkizý josparlanǵan. Jastardy jumyspen qamtý, olardyń kásibı qabiletin arttyrý, kásipkerlik bastamalaryn qoldaý – shahar ákimdiginiń basty maqsaty. Almatyǵa arman qýyp kelgen jastardyń úmitin úrlep, keleshegine senimmen qaraýyna óz tarapynan osylaısha qolushyn sozbaq. «El úmiti» marafony sol sebepti de Almaty úshin strategııalyq jaǵynan mańyzdy joba sanalady.

Qazaqstannyń tuńǵysh Pre­zı­den­ti – Elbasy qorynyń atqa­rýshy dırektory Áset Isekeshevtiń sózi de daryndy jastardy demeýge baǵyttaldy. Elbasy N.Nazarbaev halyqtyń búgini men bolasha­ǵy­na qam­qor­lyq jasaýdy óz saıasa­ty­nyń negizgi máni dep sanaıtynyn atap ótti. Prezıdent Q.Toqaev ta osy baǵytta jemisti jumysty jalǵastyryp keledi. «El ómiri» bastamasy aıasynda kóptegen jańa joba qolǵa alyndy. Qurmetti jastar! Qazirgi jyldam ózgerip jatqan zaman myna sizderden, jastardan, myqty bolýdy talap etedi. Barlyq sala boıynsha ózgeris kún saıyn júrip jatyr. Biz sizderdi qoldaımyz. Búgingi marafon tek birinshi qadam, alda úlken jumys tur», dedi Á.Isekeshev. Onyń aıtýynsha, Dúnıejúzilik banktiń boljamyna sáıkes, aldaǵy on jylda búgingi mektepter men ýnıversıtetterde oqyp júrgen jastardyń jartysynan astamy áli ómirge kelmegen mamandyqtar boıynsha jumys isteıdi. Al 2050 jyldarǵa qaraı jańa baǵytta bilim alyp, tájirıbesi tolysqan osy jastar ıgeretin kásiptiń denin jasandy ıntellekt almastyrady. О́te jyldam ári qarqyndy ózgerip kele jatqan ýaqyt aǵyny jastardyń úzdiksiz bilim alýyn, erinbeı eńbektenýin, sergek bolýyn qajet etip otyr. О́mirge kelgen ár adamnyń boıynda qabilet bolady, tek onyń kózin ashyp, ushtaı bilýi mańyzdy.

Almatylyq Krıstına Bek­myrzaeva byltyr ǵana kúrdeli jón­deý júr­gizi­lip, múlde jańa sıpatqa ıe bolǵan Alma­ty­nyń jerasty ótkelderine, turǵyn úı qa­byrǵalaryna túrli mazmundaǵy sýretter salǵan avtorlardyń biri. Oǵan Ger­manııada jumys isteýge usynys túsken, biraq «Otan ottan da ystyq», shy­ǵar­ma­shylyq áleýetin týǵan jeriniń gúldenýine jumsaǵandy jón kóredi. Al Azamat Orazbek bolsa, múmkindiginiń shekteýli bolǵa­ny­na qaramastan, Qazaq­stan Respýblıkasynyń chempıony, para­lım­pıa­danyń birneshe dúrkin chempıony. О́zi áýesqoı ánshi. Eki balanyń ákesi. Ta­lantyn tabyspen ushtastyrǵan jas ká­sipker Nursultan Shveısarııa Menedjment ýnıversıtetinde bilim alyp ke­lip, týǵan jeri Túr­kistan obly­syn­da lımon men kıvı jemisin ósirýdi qolǵa alsa, Dıas Gollandııadan asyl tu­qymdy sıyr ákelip, óńirdi aıran, qa­tyq, ıogýrtpen qam­ta­masyz etip júr. Serikbol Danyshbaev Túrkistan qala­sy­na ar­nalǵan aqyldy baǵdarsham jasap shyǵarǵan. Kásibin bastamaı jatyp «Eger osy ispen aınalyssam, nátıjesi bola ma, joq pa?», «Muny kim alady?», «Qaıda aparyp ótkizemin?» dep kúdik-kúmánge kóbirek beriletin zamandastaryn­ bul jas­tardyń qol jetken tabysy sózsiz jiger­­len­diredi. Al bul marafonda eki kózi shoqtaı janyp, óz mamandyǵyn tabys kózine aınaldyra alǵan júzdegen talantty jastyń naqty jetistiginiń syry talaı qyz-jigitterdiń ózine degen senimin oıatyp, qulshynysyn arttyra tústi. Bári de «El úmiti» marafonynyń es­telik statýetkasymen marapattaldy.

Sondaı-aq jyl saıyn aýyl balalaryna arnalǵan «Myń bala» atty týrnır ótkizý qolǵa alynady. Nátıjesinde týrnırdiń jeńimpazdary elimizdiń úzdik mektepterinde oqýyn jal­ǵas­tyrady. Osy ıgilikti basta­ma­lar­dyń bárine Elbasy qory qoldaý kórsetedi.

Talantty ári jigerli jas­tar­dyń se­ni­min qalyp­tas­ty­rýda bul marafonnyń orny aıryqsha. Memleket tiregi, el úmiti – osyn­daı jastar. О́ziniń jetistikke jetý jolyn ózgemen bólisip, ózine ózi senip, batyl qadam jasaýyna, boıynda buǵyp jat­qan qabiletin júzege asyrýǵa, ózimen ózi júıeli jumys isteýge, jan-jaqty ári belsendi bolýǵa eshkim de kedergi emes. Tek óz taǵdyryńdy óziń qolyńa al. Al­dyńa batyl maqsat qoı. Qıyndyqtan qo­ryqpa. Memleket árqashan jastardy qoldaıdy.

ALMATY