Álem • 18 Qarasha, 2019

Aýǵan áıelderine arnalǵan baǵdarlama

22 retkórsetildi

«Berlemont» ǵımaratynda (Brıýssel) – Eýropalyq komıssııanyń ortalyq shtab-páterinde Qazaqstan men О́zbekstanda aýǵan áıelderin oqytý boıynsha Eýropalyq odaqtyń birlesken bilim berý baǵdarlamasyn iske qosý saltanatty rásimi ótti.

Is-sharaǵa Qazaqstan Syrtqy is­ter mınıstriniń orynbasary Roman Vasılenko, О́zbekstan Syrtqy ister mınıstri Abdýlazız Kamılov, Aýǵan­stannyń EO janyndaǵy elshisi Nazı­fýlla Salarzaı, Eýropa syrtqy is-áreketter qyzmetiniń basshylyǵy, Ha­lyq­aralyq damý jáne yntymaqtastyq jónindegi Eýrokomıssııanyń Bas dırektory, sondaı-aq BUU DB men BUU Áıelder uıymy ókilderi qatysty.

R.Vasılenko óz sózinde Aýǵanstandaǵy turaqtylyqty  nyǵaıtýǵa járdemdesý jáne Ortalyq Azııadaǵy óńirlik beıbit­shilik aımaǵyn qalyptastyrý Qazaq­stannyń syrtqy saıasatynyń mańyzdy basymdyqtarynyń biri bolyp tabylatynyn taǵy da rastady.

EO, Qazaqstan jáne О́zbekstannyń úshjaqty bilim berý baǵdarlamasy aýǵan áıelderiniń quqyqtary men múmkin­dikterin keńeıtýdi qoldaý arqyly osy maqsatqa qol jetkizýge yqpal etýi tıis.

Osy bastama aıasynda 2025 jylǵa deıin Qazaqstannyń joǵary oqý oryndarynda Aýǵanstannyń 40 stýdentin oqytý josparlanýda. Oqytý aýyl sharýashylyǵy, qoldanbaly statıstıka jáne taý-ken isi sııaqty mamandyqtar bo­ıynsha júzege asyrylady. Taǵy 10 qyz О́zbekstanda aýyl sharýashylyǵyn meńgeretin bolady.

R.Vasılenko EO-ǵa osy baǵdarlamany iske qosý jónindegi qazaqstandyq usy­nysty qoldaǵany úshin, atap aıt­qanda ony qarjylandyrýǵa 2 mln eýro bólgeni úshin alǵysyn bildirdi. Ol sondaı-aq BUU DB men BUU Áıelder uıymyna baǵdarlamanyń praktıkalyq ımplementasııasyn óz moınyna alǵany úshin rızashylyǵyn jetkizdi.

Onyń aıtýynsha, «baǵdarlama Orta­lyq Azııa elderiniń yntymaqtastyq pen ózara túsinistiktiń jańa kórinisi aıasynda óńirdiń ortaq damýy úshin tıimdi sheshimderdi birlesip usynyp jáne ony júzege asyra alatynynyń tamasha úlgisi bolyp tabylady». Sonymen qatar bul bastama Brıýssel men Ortalyq Azııa astanalarynyń Ortalyq Azııa boıynsha Eýroodaqtyń jańa Strategııa­syn is júzinde iske asyrý boıynsha tıim­di sheshimder usynýǵa daıyndyǵyn kórsetedi.

Qazaqstandyq dıplomat qyrkúıekte Nıý-Iorktegi BUU BA-nyń 74-shi sessııasynda sóılegen sózinde Prezıdent Qasym-Jomart Toqaev Almatyda óz qyz­metimen Ortalyq Azııany da, sondaı-aq Aýǵanstandy da qamtıtyn Turaqty damý maqsattary boıynsha О́ńirlik orta­lyq qurýdy usyndy. Búginde iske qosyl­ǵan baǵdarlama on jeti maq­sattyń alta­ýyn – sapaly bilim (4-maq­sat), genderlik teńdik (5-maqsat), la­ıyq­ty jumys jáne ekonomıkalyq ósý (8-maqsat), teńsizdikti azaıtý (10-maq­sat), beıbitshilik, ádil sot jáne tıimdi ınstıtýttar (16-maqsat) jáne turaqty damý múddesindegi áriptestikti (17-maqsat) qamtıdy.

«Biz aldaǵy ýaqytta bul baǵdarlama óziniń qundylyǵy men tabystylyǵyn dáleldeıdi dep úmittenemiz, bul, buryn josparlanǵandaı, ony keńeıtýge baǵyt­talǵan jumysty júrgizýge múmkindik beredi. Ol Eýrazııadaǵy, Ortalyq Azııa­daǵy, Eýropalyq odaqpen, ásirese Aýǵanstanmen yqpaldasa otyryp oǵan qa­tysty yntymaqtastyqtyń jańa te­tik­­teriniń prototıpine aınalady dep se­nemiz», dep málimdedi mınıstrdiń orynbasary.

A.Kamılov ta, R.Vasılenko da óz baıan­dama­larynda halyqaralyq qoǵam­das­tyqty Aýǵanstandy problema retin­de emes, jańa múmkindikter kózi retinde qa­ras­tyrýǵa shaqyrǵanyn atap ótken jón.

Is-shara aıasynda Eýropalyq syrtqy is-áreketter qyzmeti, BUU DB jáne basqa da qurylymdar atynan, sondaı-aq Aýǵan­stannyń EO janyndaǵy elshisi atynan sóılegen sózderinde osy baǵdar­lamanyń bastaýshysy bolyp, iske asyrǵany úshin Qazaqstan men О́zbekstan tarapyna jo­ǵary baǵa men alǵys sózder aıtyldy. Qazaq­stannyń 2017-2018 jyldary BUU Qaýip­sizdik Keńesine múshe bolǵan kezinde, ási­rese 2018 jylǵy qańtarda QK-degi tór­aǵa­lyǵy sheńberinde Aýǵanstandy tu­raq­tan­dyrýǵa qosqan úlesi erekshe atap ótildi.

Saltanatty shara aıasynda BUU Damý baǵdarlamasy aýǵan qyzdarynyń tarıhyn baıandaıtyn, sondaı-aq olardyń Qazaq­standa alatyn biliminiń aldaǵy ýaqyt­ta úlken múmkindikter ashatyny týraly suhbattaryn kórsetetin beıne-rolık usyndy.

 

 

 

Sońǵy jańalyqtar

Otbasylyq janjal sýısıdke ulasqan

Aımaqtar • Búgin, 21:16

Qyzyljarda 75 kóshe jóndeledi

Aımaqtar • Búgin, 20:30

Nur-Sultanda «Jeńis baǵy» ashyldy

Aımaqtar • Búgin, 19:40

Halyqqa qolaıly jaǵdaı jasalýy tıis

Aımaqtar • Búgin, 19:06

Mektebimen túletken qoshtasady túlekter

Aımaqtar • Búgin, 18:40

Qapshaǵaı qalasynyń ákimi aýysty

Aımaqtar • Búgin, 17:20

Jigittiń jaqsysy

Rýhanııat • Búgin, 16:21

Qylmystyq top qarajatty ofshorǵa aýdarǵan

Ekonomıka • Búgin, 15:50

Uqsas jańalyqtar