Oıqala oǵlany

Onyń qala mektepteriniń arasynda ótken ǵylymı jobalar saıysynda eń úzdik atanǵanyna esh tańǵalýǵa bol­­maıdy. Ulynyń teh­nı­­kaǵa degen erekshe ıkem­di­ligin baıqaǵan ata-ana­­sy úsh ja­synan bas­tap úıir­mege jaz­dyrtqan. So­dan lego oıynyna degen áýestiligi hobbıǵa ulasyp, keıin robottehnıkany tań­dap alǵan. О́zi turatyn me­kenjaı aýmaǵynda tarıhı mańyzǵa toly nysandardyń bar ekenin bilgen ol osy ta­­qy­rypty tereńirek ta­nyp, «le­go tilinde sóı­letýdi» uıǵar­ǵan.

«Qasymov meshiti eli­miz boıynsha tastan qalan­ǵan ári eń kóne ǵıba­dat­ha­nalardyń biri ekenin estip, nege ýaqyt úrdisine oraı jań­­ǵyrtpasqa degen oı keldi. Esil ózeni arqyly ótetin kópir, Zarechnyı kenti, qala jáne saıajaılarmen baılanystyra otyryp, keshendi túrde kórsetýge umtyldym. Izdenisim jaman shyqpaǵan sııaqty. Árıne, jetildiretin tustary bar. Ony ishim sezedi. Keleshekte budan da kúr­delendire tús­pekpin», deıdi № 14 mekteptiń oqýshysy.

Onyń «Oıqalalego ba­ǵyty» atty ǵylymı joba­sy «О́lketaný» atalymy boıynsha eń úzdik dep ta­nylǵan. Endigi oıy – oblys ortalyǵynyń shetkeri aýma­­ǵynda ornalasqan Oı­qa­la shaǵyn aýdanyna qa­tys­ty basqa da kórikti jer­lerdi beıneleý. Oǵan «Oı­qa­lanyń jeti kermeti» degen at ta taýyp qoıypty. Durys kú­tim joqtyǵynan túp­nusqasy saqt­almaǵan bolmasa qıraýdyń az-aq aldynda turǵan tarıhı ǵımarattardy burynǵy qal­pyna keltirý maq­satymen qa­jetti derek­terdi jınastyryp, aýdannyń shaǵyn kartasyn jasaýǵa ki­risip ketken.

Bul taqyryp Vanıanyń sy­nyptasy Evgenııa Razo­nae­vany da erekshe yn­tyqtyrypty. Osy se­bep­ti bolar, ǵylymı jo­basyn qatpar-qatpar tarıhyn ishine búkken kentti zert­teý­ge arnap, «Oıqala – meniń kishi Otanym» joba­syn usy­nypty. Jobany tań­daǵanǵa deıin Oıqala jaıly eshteńe bilmeıtinmin. Bir ǵana áý­lıe Petr men Pavel apos­tol­da­rynyń shirkeýiniń ózi nege tu­rady?» deıdi ol týǵan jer jaıly tolǵana sóılep.

Osy bilim ordasynda jas órenderdiń talabyna, talpynysyna qozǵaý salatyn, oılaryn ushtaıtyn, irgeli izdenisterge jeteleıtin úıir­meler turaqty ju­mys isteıdi. Solardyń biri «Oqý­shylardyń densaýlyǵyna yqpal etetin mektep» dep atalady. Biregeı joba eksperımentke negizdelgenimen, sala­matty ómir saltyn ornyq­ty­rý­daǵy mańyzy ólsheýsiz bolmaq. Mektep dırektory Antonına Sachkovanyń aıtýyna qaraǵanda, baǵdarlamany júzege asyrý barysynda sporttqa degen belsendilik, fızıkalyq júkteme, durys tamaqtaný, psıhologııalyq ahýal erekshe eskeriledi. Paı­­daly baǵyttardyń biri retinde artyq salmaqtan arylý jaıy da qarastyrylǵan.

Soltústik Qazaqstan oblysy