Úkimet • 19 Qarasha, 2019

Jol qaýipsizdigi máseleleri talqylandy

9 retkórsetildi

Ishki ister mınıstri Erlan Turǵymbaev Indýstrııa jáne ınfraqurylymdyq damý mınıstrliginiń, Nur-Sultan qalasy ákimdiginiń jáne múddeli uıymdardyń ókilderimen elordada jol qozǵalysynyń qaýipsizdigin qamtamasyz etý boıynsha keńes ótkizdi.

Mınıstr atap ótkendeı, 8 qazanda Memleket basshysy Q.Toqaev Nur-Sultan qalasynyń áleýmettik-eko­nomıkalyq damý máseleleri jónin­de­gi keńeste jyl sońyna deıin joldar­da­ǵy jaraqattaný men kisi ólimin azaı­tý úshin elordada jol qozǵalysyn uıym­dastyrý deńgeıin arttyrý boıyn­sha júıeli sharalar qabyldaýdy tapsyr­dy.

Osy jyldyń 10 aıynda elordada 469 jol-kólik oqıǵasy tirkeldi, onda 29 adam qaza taýyp, 590 adam jaraqat aldy. Bul úlken alańdaýshylyq týdyrady. Osyǵan baılanysty IIM-de ótken keńes barysynda jol qozǵa­lysyn uıymdastyrý jáne onyń qaýip­sizdigin qamtamasyz etý boıynsha shetelderdiń iri megapolısteriniń oń tájirıbesi qaraldy, sondaı-aq elor­dada joldardyń ótkizý qabiletin arttyrý boıynsha birqatar shara usy­nyldy.

«Astana jedel qarqynmen damyp, avtomobıl sany ósip keledi, son­dyq­tan da jol qozǵalysyn uıym­das­­tyrý ádisterin ózgertý, kólik jáne jaıaý júrginshiler aǵyndaryn tıimdi basqarý qajet. Astanada jol qozǵalysy qaýipsizdigi máselelerin keshendi túrde, onyń ishinde joǵary tehnologııalardy qoldana otyryp, Jol qozǵalysyn uıymdastyrýdyń biryńǵaı ortalyǵyn qurý qajettiligi týyndap otyr», dep atap ótti Erlan Turǵymbaev.

Sondaı-aq keńeske qatysýshylar taksı-avtomobılderge arnalǵan tu­raq jelisin damytý, sonyń ishin­de avtobýs aıaldamalary, saýda-oıyn-saýyq ortalyqtary, sport ǵıma­rat­ta­ry, kórnekti oryndar jáne basqa da azamattar kóp jınalatyn oryndar máselesin talqylady.

Sonymen birge keńeste jol bel­gi­le­ri máseleleri qaraldy.

Erlan Turǵymbaev: «Jol tań­ba­syn paıdalaný merzimin arttyrý boıynsha talaptardy arttyrý qajet. Belgi táýliktiń jaryq kezinde jáne qarańǵy ýaqytynda jaqsy kórinýi tıis. Bul birinshi kezekte júrgizýshiler men jolaýshylardyń, sondaı-aq jaıaý júr­ginshilerdiń qaýipsizdigi máselesi», dedi.

Jaıaý júrginshiler úshin qaýipsiz jaǵ­­daı jasaý qajettiligi, sonyń ishin­de iri jaıaý júrginshiler ótkel­de­rine baǵdarsham ornatý, jerasty ótkel­de­riniń qurylysy týraly erekshe atap ótildi.

Keńes qorytyndysy boıynsha elor­dada jol jaǵdaıyn jaqsartý jáne jol qaýipsizdigin qamtamasyz etý­diń úzdik álemdik tájirıbesin engi­zýde qanatqaqty jobany júr­gi­zý bo­ıynsha keshendi usynys ázirleý tý­raly sheshim qabyldandy.

 

 

 

Sońǵy jańalyqtar

Basylym basshylary - Bernııaz KÚLEEV (1899-1923)

Basylym basshylary • Búgin, 14:55

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Táýelsizdik – tuǵyrym

Aımaqtar • 13 Jeltoqsan, 2019

Arhıv ǵımaratyna eskertkish taqta ornatyldy

Rýhanııat • 13 Jeltoqsan, 2019

Uqsas jańalyqtar