Qalany damytý qujaty daıyn

Alataý aıasyndaǵy ásem sha­har­dyń búgingi da­mý qarqyny men taıaý bolashaǵyna qatysty naq­ty tapsyrmalar bergen ákim B.Saǵyntaev qalany jaqsy ómir súrý sapasynyń standarttaryna sáı­kes­tendirýde kóptegen jumystar qolǵa alynýyn jiti nazarda ustap otyr. Ekologııany jaqsartý, qaýipsizdikti kúsheı­tý, áleýmettik, ınjenerlik, kó­­lik júıelerin jetildirý ýa­qyt­­ kúttirmeıdi. Halyq sa­ny­nyń ósýine baılanysty ınfra­qurylymǵa túsetin júkteme bar­­­­­lyq damýshy qalalarǵa tán úr­­dis deıtin bolsaq,  Almatyǵa da álem­dik megapolıster sııaqty ýrbanı­zasııa daǵdarysy tónip tur. Qalaǵa jumys izdep, bilim alýdy ári qalada turaqtap qalý­dy maq­sat etken kelýshiler sany jyl saıyn artyp keledi.

Sondyqtan da qala ákimi atap ótkendeı, Almaty aglo­mera­sııasy aýqymyndaǵy sheshim­der úshin pro­aktıvti josparlaý jáne jobalaý, smart-tásil­der asa qajet. Jańa jumys oryn­daryn ashý, áleýmettik ınfra­­qu­rylymdy damytý da qala jos­parynyń mańyzdy bóligi.

Almatyny damytýdyń uzaq merzimdi stra­tegııasynyń jobasy qazirgi kezde sarapshylar jáne qalyń jurtshylyqtyń qa­tysýymen ázirlenýde. Kúni keshe Qoǵam­dyq keńestiń músheleri jáne sarapshylar quramymen kez­desken qala  ákiminiń orynbasary E.Babaqumarov ákim tapsyr­masyna oraı «Almaty-2050» stra­tegııasynyń jobasyn tal­qylap, qala damýynyń basty basymdyqtaryn qamtıtyn ne­gizgi qujatta uzaq merzimdi maqsattardy anyqtaýda birles­ken kúsh-jiger qajet ekenin atap ótti. Qala damýynyń basty ba­sym­dyqtaryn qamtıtyn negizgi qu­jatty jetildirýde ońtaıly she­­shimder asa qajet.

Jıynda qalanyń Qoǵamdyq keńesiniń sarapshylary men ókilderi jahandyq jáne óńirlik básekelestik, ınfraqurylym men kólik, qoǵamdyq qaýipsizdik, den­saýlyq saqtaý men ekologııa, adamı kapıtaldy damytý sııaqty stra­tegııalyq damý baǵyttary boıynsha pikir almasty.

Qoǵamdyq keńes jıynynda saıa­­sattanýshy A.Sarym, Kazakhstan Growth Forum uıym­dastyrý komıtetiniń tóraǵasy E.Ábdirazaqov, qarjyger jáne kásibı energetık Á.Naýryzbaev, qoǵam belsendisi E.Nurpeıisov, monı­torıng jónindegi maman M.Aıt­janova, halyqty qo­nys­tandyrý salasyndaǵy sa­­rapshy A.Áljanova, kólik ınfraqurylymyn damytý sala­syndaǵy sarapshy E.Erza­kovıch, ekologııa jónindegi konsýltant J.Tákenov, «Qoǵamdyq máse­lelerdi taldaý ortalyǵy» QQ dırektory M.Mahmýtova, Ma­man­dyq tańdaý ortalyǵynyń bas­shysy J.Kárimov, Qoǵamdyq keńes múshesi B.Kısıkov, saıa­sat­tanýshy ári táýekelderdi baǵa­laý tobynyń dırektory D.Sát­paev, sarapshy T. Pochanov  óz usynystarymen bólisti.

Sarapshylar men alma­tylyqtardan kelip tús­ken usynystar jumys tobynyń otyrystarynda qara­lyp, qoǵam jáne iskerlik keńesterdiń talqysyna usynylatyn bolady.