Rýhanııat • 19 Qarasha, 2019

Aqynǵa arnalǵan kún

80 retkórsetildi

«Poezııa padıshasy» atanǵan Farıza aqyn kózi tirisinde-aq ańyzǵa aınalǵan tulǵa edi. О́r minezimen, laýlaǵan órtteı surapyl jyrlarymen, qaıratkerligimen, úlken-kishige birdeı qamqorlyǵymen halyqtyń júreginen oryn alǵan aqynnyń kózden ketse de, kóńilden ketpeı, jyldan-jylǵa jas urpaq sanasynda jattala berýi – zańdy qubylys. Farıza aqynnyń bıylǵy seksenjyldyq mereıtoıy da jer-jerde laıyqty túrde atalyp ótýde.

Kúni keshe el astanasy – Nur-Sultan qalasynda qala­lyq ákimdiktiń qoldaýymen, sońynan ergen úlken-kishi zııaly zamandastarynyń al­qaýymen bir kúnniń ishinde birneshe shara ótti. Sonyń biri – Nur-Sultan qalasyndaǵy EKSPO qalashyǵynyń ma­ńyn­daǵy úlken kóshelerdiń bi­rine Farıza Ońǵarsynovanyń atynyń berilýi. Aıtýly sha­raǵa qalalyq ákimshilik pen atyraýlyq bir top qonaq, elor­dalyq zııaly qaýym ókil­deri qatysty. Aqyn esimin ıe­lengen kósheniń lentasyn Nur-Sultan qalasy ákimi­niń oryn­basary Baqtııar Má­ken men aqynnyń uly Al­mas Ońǵarsynov qıdy. «Aqynnyń janynda birge júr­gen áriptesteri, qoǵam qaı­­rat­kerleri bári birlesip óz usy­nystaryn aıtty. Kóshe ataýyn 80 jyldyq mereıtoıy­na qatysty berip otyrmyz», degen qala ákiminiń orynbasary Farıza Ońǵarsynovanyń kózi tirisinde aqyndyǵymen, qaıratkerligimen tanylyp, kóp isterge uıytqy bolǵanyn málimdedi.

Farıza Ońǵarsynova atyn­­daǵy kóshe resmı túrde ashylǵan soń Atyraýdan kelgen qonaqtar men elordalyq zııaly qaýym Ulttyq pan­teonǵa baryp, aqynnyń beıi­tine gúl shoqtaryn qoıdy, basyna Quran baǵyshtady. Al tús kezinde Radisson Hotel Astana qonaqúıin­de aqynǵa arnap as berildi. Asty «Egemen Qazaqstan» gazetiniń basqarma tóraǵasy Darhan Qydyráli júrgizdi.

Tústen keıin Ulttyq akade­mııalyq kitaphanada Farıza Ońǵarsynovanyń «Shilde» («Pol­dnevnyı jar») atty qa­zaq jáne orys tilindegi kita­bynyń tanystyrylymy ótti. Atalǵan kitap Mádenıet jáne sport mınıstrligi Til saıa­sa­ty komıtetiniń arnaıy baǵ­dar­lamasy boıynsha jaryq kór­gen. Kesh barysynda ki­tap­ty orys tiline aqyn, áde­bıet­ta­nýshy, aýdarmashy Tatıana Fro­lovskaıanyń tár­ji­malaǵany belgili boldy. Bul týraly kitap­hanadaǵy kesh­ke arnaıy qonaq retinde qatysqan, kitaptyń jaryqqa shyǵýyna tikeleı atsa­lysqan Ádil Qoıtanov áńgimeledi.

Áserli keshte aqynnyń zamandastary men ini-baýyrlary estelikter aıtty. Sonyń ishinde fılologııa ǵylymdarynyń doktory, professor Myrzataı Joldasbekovtiń, jazýshy-dramatýrg Ermek Amanshaevtyń, aqyn, Memlekettik syılyqtyń laýreaty Tynyshtyqbek Áb­dikákimulynyń, ekonomı­ka ǵy­lymdarynyń doktory Ra­vıl Shyrdabaevtyń, ta­ny­mal pýblısıst, ssenarııst Ǵa­dilbek Shalahmetovtiń F­a­rıza aqyn jaıly tushymdy estelikteri ony ár qyrynan tanýǵa múmkindik berdi, aıaýly jan jóninde keshke qatysqan jańa býyn jastardyń pikir qalyptastyrýyna tolyǵymen jetti. Bul estelikter eń aldymen aqynnyń azamattyq us­tanymy, adamdyq kelbeti men qalam qýaty jóninde órbidi. «Meni «aǵa» deıtin. Syı­lap turatyn. Kóńili túsken kisini kóldeı peıilimen baýrap alatyn. Onyń sońynan ergen sińlilerine degen jan­ashyr­lyǵy erek boldy. 2008 jyly «Farıza jáne onyń aqyn sińlileri» degen kesh ótti. Bul kesh aldymen sol kez­­degi Prezıdenttik Máde­nıet ortalyǵynda, sońynan Kon­gress-holl saraıynda uıym­dastyryldy. Halyqtyń aqynǵa degen erekshe yqy­lasyn sonda kórdim», dedi Myr­­zataı Jol­dasbekov. Eko­­nomıka ǵy­lym­darynyń doktory Ravıl Shyrdabaev qoǵamnyń Farızany kóbinde aqyn retinde ǵana tanıtynyn, áıtse de aqynnyń jýrna­lıstıka, sonyń ishinde pýblısıstıka salasyndaǵy eń­begi de joǵary ekenine toq­taldy. Jazýshy-dramatýrg Ermek Amanshaev aqynnyń «Shabyt» festıvaliniń qa­zylar alqasynda kóp jyldar boıy turaqty túrde tóraıym bolǵanyn, daryndy jastarǵa erekshe qamqorlyq kórsetkenin birneshe mysalmen atap ótti. Keń peıildi aqynnyń at­qarýshy bılik tutqasynda otyr­ǵan azamattarǵa sózin ót­kize alatyn ótkir bolǵanyn da jetkizdi.

Kesh barysynda elordalyq jastar aqyn jyrlaryn jatqa oqydy. Olar óleńderdi jatqa oqýmen qatar arasynda gıtaramen, jandy daýysta dýet bolyp án shyrqap, kórermenderge kishigirim teatrlandyrylǵan kórinis usyndy.

Farıza aqynǵa arnalǵan sol kúngi kesh Jastar tea­tryn­­­da qoıylǵan «Fa­rı­za» spektaklimen qory­tyn­­dy­landy. Buǵan deıin Más­keý, Almaty teatrlaryn­da qoıylǵan «Farı­za» spek­tak­liniń elordadaǵy premerasyna ádettegideı halyq kóp jınaldy.

Sońǵy jańalyqtar

Ýrbanıstik ortalyqqa aınalýdyń bir tutqasy

Aımaqtar • 07 Jeltoqsan, 2019

Qaraǵandyda Antikor Ortalygy mekemesi ashyldy

Aımaqtar • 07 Jeltoqsan, 2019

Qazalyda retro-festıval ótti

Aımaqtar • 07 Jeltoqsan, 2019

Almatylyq dızaınerdiń Stokgolmde kórmesi ashyldy

Rýhanııat • 07 Jeltoqsan, 2019

Almatyda jas órenderdiń jarysy aıaqtaldy

Sport • 07 Jeltoqsan, 2019

Qarqaraly aýdanyna jańa ákim taǵaıyndaldy

Taǵaıyndaý • 07 Jeltoqsan, 2019

«El birligi – 2019» marapattaý saltanaty ótti

Rýhanııat • 07 Jeltoqsan, 2019

Asyq oıyny balalardy ómirlik tájirıbege baýlıdy

Rýhanııat • 07 Jeltoqsan, 2019

Kúlki kerýeni № 20

Rýhanııat • 06 Jeltoqsan, 2019

Uqsas jańalyqtar