Aımaqtar • 19 Qarasha, 2019

Túrkistanda isker áıelder forýmy ótti

25 retkórsetildi

Túrkistan oblystyq kásipkerler palatasynyń Isker áıelder keńesi uıymdastyrǵan «Áıel jáne bıznes» taqyrybyndaǵy forýmǵa óńirdegi qalalar men aýdandardan 200-ge jýyq názik jandy bıznes ókilderi qatysty.

Qazirgi kúnge deıin áıelder basqaratyn orta jáne shaǵyn bıznestiń 43 paıyzy Túrkistan oblysyna tıesili. Al áıelder basqaratyn kásipkerliktiń sany 62 myńǵa jetken. Kásipkerlik qundylyqtardy qalyptastyrýdy qolǵa alǵan «Bastaý-bıznes» baǵdarlamasy boıynsha oqýdy aıaqtaǵan 5623 adamnyń 2700-i qyz-kelinshekter. Granttar men nesıelerdi jeńip alǵan áıel-kásipkerlerdiń sany 600-ge jetken. Al «Jas kásipker» baǵdarlamasy aıasynda arnaıy oqytýdan ótken 710 áıeldiń 400-i óz bıznesin bastaý men damytý úshin qarjylandyrýǵa qol jetkizgen. Bul derekter Túrkistan oblysynyń bıznes hanymdary bas qosqan forýmda keltirildi.

Is-sharany uıymdastyrýshylardyń aıtýynsha, basty maqsat – kásipker qyz-kelinshekterge máseleni talqylaý aımaǵyn qalyptastyrý jáne bıznestiń júıeli damýyna jol ashý. Forýmnyń jumysy jergilikti áıel-kásipkerlerdiń tól ónimderin halyqqa usynǵan kórmeden bastaldy. Olardyń qatarynda ekologııalyq taza kosmetıka, qolóner buıymdary, ulttyq kıimder men tátti taǵamdardyń túr-túri bar. Kelýshi qonaqtarǵa usynylǵan buıymdardy tek tamashalap qana qoımaı, unaǵanyn alýǵa da múmkindik jasaldy. Túrkistan oblysy Kásipkerler palatasynyń dırektory Dinmuhamed Ábsattarovtyń aıtýynsha, óńirde bıznespen aınalysýǵa nıetti áıelder sany kúnnen kúnge ósip, búkil salanyń damýyna septigin tıgizýde. «Búgingi forým –jańa kóptegen paıdaly jańalyqtar almasý úshin ashyq sóılesý alańy bola alady. Biz oblystyq kásipkerler palatasy áıelder qaýymyn barlyq jaǵynan qoldaýǵa daıynbyz, esigimiz barlyǵyna ashyq», dedi oblystyq palatanyń basshysy.

Forým aıasynda qatysýshylar óz bıznesteriniń shyńyna shyǵý jolynda jetken jetistikterimen, tájirıbelerimen bólisti. Mamandar taqyryptyq sheberlik saǵattaryn ótkizip, bıznes bastaýdyń jolynda kezdesetin túrli kedergiler men qandaı jaǵdaıda oǵan qarjy alýǵa bolatynyn túsindirdi. Al «Asyl Arman» korporasııasynyń basshysy Alma Arhabaeva óz tájirıbesimen bólisip, otbasylyq ómir men bıznesti qatar alyp júrýdiń joldaryn aıtyp berdi. Bir jylda atqarylǵan jumystarǵa esep berip ótken Túrkistan oblysy Isker áıelder keńesiniń tóraıymy Saltanat Tólegenovanyń aıtýynsha,  keńestiń quramynda 500 belsendi áıel bar. Kelesi jyly qaraı bul sandy 2 myńǵa kóbeıtýdi josparlanyp otyr.

Forým sońynda oblystyq kásipkerliktiń damýyna úles qosqan birqatar isker qyz-kelinshekter «Bıznes maqtanyshy», «Úzdik kásipker», «Áıel kásipkerligine qoldaý kórsetkeni úshin» nomınasııalary boıynsha marapattaldy.

Sońǵy jańalyqtar

Qazaq kúresi jańa kezeńge aıaq basty

Ulttyq sport • Búgin, 19:28

Basylym basshylary - Júsipbek AIMAÝYTOV (1889-1931)

Basylym basshylary • Búgin, 17:42

Elimizdiń basym bóligin tuman basady

Qazaqstan • Búgin, 17:01

Basylym basshylary - Smaǵul SÁDÝAQASOV (1900-1933)

Basylym basshylary • Búgin, 16:53

Almatyda Abaı klýby ashyldy

Rýhanııat • Búgin, 16:22

Basylym basshylary - Bernııaz KÚLEEV (1899-1923)

Basylym basshylary • Búgin, 14:55

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Uqsas jańalyqtar