Sport • 19 Qarasha, 2019

Azamat Nurpeıisovti eske alýǵa arnalǵan respýblıkalyq týrnır ótti

16 retkórsetildi

Petropavlda kapıtan qoıan-qoltyq urystan Azamat Nurpeıisovti eske alýǵa arnalǵan respýblıkalyq týrnır óz máresine jetti.

Joǵary áskerı jáne arnaıy oqý mekemeleriniń kýrsanttary men tyńdaýshylary arasyndaǵy qoıan-qoltyq urystan ótkiziletin bul týrnır osymen tórtinshi ret ótkizilip otyr. Petropavldaǵy IIM Áskerı ınstıtýtynyń bastyǵy, general-maıor Baýyrjan Abjanov onyń dástúrge aınalyp kele jatqanyn atap ótti.

Halyqaralyq dárejedegi sport sheberi, kapıtan Azamat Nurpeıisov - táýelsiz Qazaqstandaǵy erekshe esimderdiń biri. Ol Petropavl qalasynyń týmasy, Ulttyq ulannyń arnaıy bólinisinde qyzmet etip, sportpen qyzyǵa shuǵyldandy. 27 jasynda ol kıkboksıngten halyqaralyq dárejedegi sport sheberi boldy. 2009 jyly Italııada jáne 2013 jyly Túrkııada ótken Álem chempıonatynyń eki dúrkin kúmis júldegeri, 2011 jyly Irlandııada ótken Álem chempıonatynyń qola júldegeri, 2012 jyly Úndistanda Azııa chempıony, Qazaqstannyń birneshe dúrkin chempıony, qoıan-qoltyq urystan UU Qolbasshysynyń kýbogyna ótkizilgen halyqaralyq týrnırdiń jeńimpazy atandy. Aýyr syrqat chempıon ómirin qyrshynynan qıdy, alaıda ol aqtyq demi taýsylǵansha qyzmetin, sport pen ómirge qushtarlyǵynan sátke de aınyǵan emes. «Bir jyldan astam ýaqyt aýyr dertpen alysqan chempıon sporttaǵy jeńisti kúnderiniń alda ekenin jáne arnaıy bólinis sarbazy úshin negizgi jetistik sanalatyn - kúreń beret ıesi atanatynyn armandady», - dedi týrnırde sóz alǵan oblystyq Polısııa departamentiniń bastyǵy, polkovnık  Marat Tólebaev. «Syrqatyna moıymaı, erlik pen tózimdilik tanytqan Azamat Nurpeıisovtiń myqty rýhy quqyq qorǵaý organdarynyń qyzmetkerlerine úlgi bolyp qala bermek. Atalǵan týrnırge qatysý - polısııa qyzmetkerleri úshin úlken mártebe», dep sózin jalǵastyrdy ol.

«Jeńis» sport kesheni bazasynda bolǵan týrnırge 8 salmaq dárejesi boıynsha 7 qurama komandadan 60 sportshy kúsh synasty. Eki kúnge sozylǵan qyzý tartysta týrnır ıeleri – Qyzyljar Áskerı ınstıtýtynyń komandasy jeńimpaz atandy. Ekinshi júldeli oryndy – IIM Qaraǵandy akademııasynyń kýrsanttary ıelense, úshinshi oryndy - IIM Pavlodar qalasyndaǵy Oqý ortalyǵynyń sportshylary enshiledi.

Sońǵy jańalyqtar

Basylym basshylary - Bernııaz KÚLEEV (1899-1923)

Basylym basshylary • Búgin, 14:55

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Táýelsizdik – tuǵyrym

Aımaqtar • 13 Jeltoqsan, 2019

Arhıv ǵımaratyna eskertkish taqta ornatyldy

Rýhanııat • 13 Jeltoqsan, 2019

Uqsas jańalyqtar