Ekonomıka • 19 Qarasha, 2019

Ǵylym men bıznesti ushtastyrǵan jıyn

12 retkórsetildi

Nur-Sultan qalasynda «Innovasııalardy yntalandyrý: ǵylym men bıznestiń ushtasýy» atty konferensııasy ótti. Ǵylymı jetistikterdi kommersııalandyrýdyń tabysty tájirıbelerin tanystyratyn sharaǵa «О́nimdi ınnovasııalardy yntalandyrý» jobasy aıasynda Bilim jáne ǵylym mınıstrligi men Dúnıejúzilik bank birlesip muryndyq boldy.

Konferensııada Qazaqstan ekonomıkasynyń údemeli damýyn júzege asyrý úshin bıznespen jemisti yntymaqtastyqtyń nátıjeleri tanystyryldy. Olardyń qatarynda «Bio Clean» kompanııasynyń kommersııalandyrý jónindegi mamany jáne «KazEcoSolutions» JShS bas dırektory Oljas Dúısenov usynǵan munaı lastaǵan topyraq pen sýdy tazartatyn Myco-Oil ınnovasııalyq bıopreparaty jobasy bar.

– Qazaqstanda munaı 100 jyldan astam ýaqyttan beri óndirilip kele jatqanyn, el aýmaǵyndaǵy munaımen jáne munaı óndirisi qaldyqtarynan lastanǵan jer kóp. Bizdiń mindetimiz – lastanǵan jer kólemin barynsha uqypty ári tıimdi tásilmen azaıtý. Bıologııalyq tazartýdan keıin nemese «bıoremedıasııadan» keıin lastanǵan topyraq agrobıosenozdar júıesine qaıtarylady, – deıdi O.Dúısenov.

Bıopreparat negizindegi tehnologııaǵa alǵash bolyp «Embimunaıgaz» AQ kompanııasy tapsyrys bergen. Sóıtip qysqa merzim ishinde 20 000 tonna munaı qaldyqtary men 4,2 ga jer tazartyldy. Al ótken jyly Nur-Sultan qalasynda «Nurly jol» vokzaly aýdanyndaǵy apat saldarynan avıakerosın tógilgen 50 000 tekshe metr topyraqty tazalaý jumysy tabysty júrgizildi. Qazir «Embimunaıgaz» AQ-nyń Balǵymbaev atyndaǵy ken orny men  Zabýrýne kenishiniń aýmaǵy tazartylyp jatyr.

«BioMix» kompanııasy belsendi mıkroorganızmder negizinde organıkalyq kólderdi bıologııalyq tazartý maqsatynda alǵashqy otandyq «BioMix7BLB» bıopreparatyn jurt nazaryna usyndy. «Water Energy» kompanııasy gıdrostansa men jylý generatoryna arnalǵan jańa tehnologııalaryn tanystyrdy. «EcoSave» kompanııasynyń ókilderi agroónimderdi qorǵaý tehnologııasyn otandyq agroónimderdi aýrýlardan saqtaıtyn, kókónis qoımalarynda uzaq saqtaý kezinde zııankesterden qorǵaıtyn ekologııalyq qaýipsiz bıopreparattary týraly baıandady.

Konferensııaǵa Bilim jáne ǵylym mınıstrliginiń, Sıfrlyq damý, ınnovasııa jáne aeroǵarysh ónerkásibi mınıstrliginiń ókilderi, Parlament Májilisiniń depýtattary, Qazaqstandaǵy Dúnıejúzilik banktiń ókilderi, Ǵylymdy kommersııalandyrý jónindegi halyqaralyq keńes jáne kvazımemlekettik sektor ókilderi qatysqanyn aıta keteıik. Jıynda ǵylym men bıznestiń tyǵyz seriktestiginiń ózekti máseleleri, sondaı-aq qazaqstandyq ǵylymı jetistikterdi damytýdyń mańyzdy faktorlarynyń biri retinde ınnovasııalardy yntalandyrýdy qoldaý máseleleri talqylandy.

Sońǵy jańalyqtar

Qazaq kúresi jańa kezeńge aıaq basty

Ulttyq sport • Búgin, 19:28

Basylym basshylary - Júsipbek AIMAÝYTOV (1889-1931)

Basylym basshylary • Búgin, 17:42

Elimizdiń basym bóligin tuman basady

Qazaqstan • Búgin, 17:01

Basylym basshylary - Smaǵul SÁDÝAQASOV (1900-1933)

Basylym basshylary • Búgin, 16:53

Almatyda Abaı klýby ashyldy

Rýhanııat • Búgin, 16:22

Basylym basshylary - Bernııaz KÚLEEV (1899-1923)

Basylym basshylary • Búgin, 14:55

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Uqsas jańalyqtar