Prezıdent • 19 Qarasha, 2019

Prezıdent elordadaǵy travmatologııa jáne ortopedııa ǴZI jumysymen tanysty

37 retkórsetildi

Qasym-Jomart Toqaev ota jasaıtyn jáne reanımasııa bólimderin aralap kórip, medısınalyq mekemeniń ujymymen áńgimelesti. Bul týraly Aqordanyń baspasóz qyzmeti habarlady.

Prezıdentke ınstıtýt jumysynyń negizgi kórsetkishteri, sondaı-aq, medısına mekemesiniń ǵylymı-zertteý jobalary tanystyryldy.

Travmatologııa jáne ortopedııa ǵylymı-zertteý ınstıtýty – medısınanyń atalǵan salasy boıynsha ozyq tehnologııalardy ázirleýmen, jetildirýmen jáne engizýmen aınalysatyn Qazaqstandaǵy birden-bir ǵylymı-klınıkalyq jáne bilim berý ortalyǵy. Munda kún saıyn 50-den astam, al bir jylda 8 myńnan asa ota jasalady. Búginde medısınalyq ortalyqta 385 emdelýshige arnalǵan 14 klınıkalyq bólimshe jumys isteıdi. Osy bólimshelerdiń negizinde býyndarǵa endoprotez jasaý, artroskopııa jáne sporttyq jaraqattardy emdeý, omyrtqa patologııasyn túzetý sııaqty 3 respýblıkalyq ortalyq ashylǵan.

Mekeme qyzmetkerlerimen kezdesý barysynda Memleket basshysy ǵylymı-zertteý ınstıtýty janynan qosymsha 23,2 myń sharshy metrlik medısınalyq korpýs salýǵa sheshim qabyldaǵanyn aıtty. Prezıdenttiń pikirinshe, ǵylymı-zertteý ınstıtýtynyń eskirgen ǵımarattary zaman talabyna saı kelmeıdi.

– 2021 jyly bul jerde jańa ǵımarat boı kóteredi. Tıisti qarajat bólinedi. Qurylys jumystaryna 26 mıllıard teńge qajet. Munyń qomaqty soma bolǵanyna qaramastan, Úkimetke tıisti tapsyrma beremin, – dedi Qasym-Jomart Toqaev.

Jańa korpýsta 6 ota jasaıtyn zal, 300 oryndyq ońaltý ortalyǵy, oqý bólimderi, sondaı-aq, medısınalyq buıymdar shyǵaratyn shaǵyn zaýyt bolady. Ǵımarat paıdalanýǵa berilgennen keıin joǵary tehnologııalyq medısınalyq qyzmet kórsetý kólemi 45 paıyzǵa artady.

Instıtýt ujymy Prezıdentke memleket tarapynan kórsetilip jatqan qoldaý úshin alǵys aıtty. Memleket basshysy medısına qyzmetkerleriniń ıgilikti eńbegin joǵary baǵalap, olarǵa tabys tiledi.

Sońǵy jańalyqtar

Basylym basshylary - Bernııaz KÚLEEV (1899-1923)

Basylym basshylary • Búgin, 14:55

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Táýelsizdik – tuǵyrym

Aımaqtar • 13 Jeltoqsan, 2019

Arhıv ǵımaratyna eskertkish taqta ornatyldy

Rýhanııat • 13 Jeltoqsan, 2019

Uqsas jańalyqtar