Parlament • 19 Qarasha, 2019

Senatta dene shynyqtyrý jáne sportty damytý máseleleri qaraldy

16 retkórsetildi

Parlament Senatynyń Áleýmettik-mádenı damý jáne ǵylym komıtetiniń keńeıtilgen otyrysynda «Qazaqstan Respýblıkasynyń keıbir zańnamalyq aktilerine dene shynyqtyrý jáne sport máseleleri boıynsha ózgerister men tolyqtyrýlar engizý týraly» zań jobasy qaraldy. Bul týraly Parlament Senatynyń baspasóz qyzmeti habarlady.

Zań jobasynyń maqsaty joǵary jetistikter sportynda dopıngti qoldanǵany úshin jaýapkershilikti kúsheıtý máseleleri boıynsha dene shynyqtyrý jáne sport salasynda qoldanystaǵy zańnamalaryn jetildirý, sondaı-aq sportta demeýshilikti quqyqtyq retteý bolyp tabylady.

  Zań jobasymen birqatar zańnamalyq aktilerge ózgertýler men tolyqtyrýlar engiziledi.

Bıýdjet kodeksine engiziletin túzetý Qazaqstan Respýblıkasynyń Ulttyq paralımpıada komıtetine dene shynyqtyrý jáne sport salasynda memlekettik tapsyrmany alýǵa jáne oǵan qatysýǵa quqyq berýdi kózdeıdi.

Ákimshilik quqyq buzýshylyq týraly kodeksine dopıngke qarsy qaǵıdalardy buzǵany úshin adamdardyń jaýapkershiligin kúsheıtý bóligine tolyqtyrýlar engiziledi. Osylaısha, sportshyǵa qatysty sportta tyıym salynǵan sýbstansııalardy jáne (nemese) tyıym salynǵan ádisterdi paıdalanǵan jattyqtyrýshynyń, jattyqtyrýshy-oqytýshynyń, sporttyq medısına jónindegi mamannyń jáne (nemese) dene shynyqtyrý jáne sport salasyndaǵy ózge de mamannyń dopıngke qarsy qaǵıdalardy buzǵany úshin jaýapkershiligi belgilenedi.

Zań jobasynyń mańyzdy jańalyǵy:

- Paralımpıadalyq oıyndardyń chempıondary men júldegerlerine olardyń qalaýy eskerile otyryp, tómengi qabattardan nemese lıftileri bar turǵyn úılerden, al Paralımpıadalyq oıyndardyń tirek-qozǵalys apparaty buzylǵan chempıondary men júldegerlerine ekinshi qabattan joǵary emes turǵyn úı-jaı tańdaý quqyǵyn berý;

- dene shynyqtyrý men sport salasynda demeýshilik kómek kórsetý saıasatyn iske asyratyn Biryńǵaı operator qurý bolyp tabylady. Biryńǵaı operator qyzmetiniń negizgi maqsaty dene shynyqtyrý jáne sportty turaqty damytýdy qamtamasyz etý bolyp tabylady.

Sondaı-aq, Zań jobasynyń negizgi maqsaty sýrdlımpıadalyq sport túrleri boıynsha múgedek sportshylar arasynda dene shynyqtyrý men sportty damytýǵa járdemdesý bolyp tabylatyn Ulttyq sýrdlımpıadalyq komıtettiń mártebesi men ókilettigin kúsheıtýdi kózdeıtin jańa «Ulttyq sýrdlımpıadalyq qozǵalys» babymen tolyqtyryldy.

Zań jobasyn talqylaý barysynda senator Dınar Nóketaeva zamanýı talaptarǵa sáıkes dene shynyqtyrý jónindegi standarttar men ádistemelerdi ózgertý qajettigi týraly másele kóterildi.

Senator Narıman Tóreǵalıev aýyldar men aýdandardaǵy sporttyń jaǵdaıy nashar ekenin atap ótti. «Aýyldarda sportty damytý úshin jyl saıyn respýblıkalyq bıýdjetten qarajat bólý qajet. Osy máseleni sheshý úshin qandaı sharalar qoldanylady?» - dep surady depýtat.

Qujat Palata qaraýyna berildi.

 

Sońǵy jańalyqtar

Ýrbanıstik ortalyqqa aınalýdyń bir tutqasy

Aımaqtar • 07 Jeltoqsan, 2019

Qaraǵandyda Antikor Ortalygy mekemesi ashyldy

Aımaqtar • 07 Jeltoqsan, 2019

Qazalyda retro-festıval ótti

Aımaqtar • 07 Jeltoqsan, 2019

Almatylyq dızaınerdiń Stokgolmde kórmesi ashyldy

Rýhanııat • 07 Jeltoqsan, 2019

Almatyda jas órenderdiń jarysy aıaqtaldy

Sport • 07 Jeltoqsan, 2019

Qarqaraly aýdanyna jańa ákim taǵaıyndaldy

Taǵaıyndaý • 07 Jeltoqsan, 2019

«El birligi – 2019» marapattaý saltanaty ótti

Rýhanııat • 07 Jeltoqsan, 2019

Asyq oıyny balalardy ómirlik tájirıbege baýlıdy

Rýhanııat • 07 Jeltoqsan, 2019

Kúlki kerýeni № 20

Rýhanııat • 06 Jeltoqsan, 2019

Uqsas jańalyqtar