Qazaqstan • 19 Qarasha, 2019

Áskerı qyzmetshiler dabyl boıynsha is-qımyldardy pysyqtady

34 retkórsetildi

Áskerı bólimdi jaýyngerlik daıarlyqtyń joǵary deńgeıine keltirý algorıtmi Nur-Sultan qalasyndaǵy desanttyq-shabýyldaý brıgadasynda kórsetildi. Áskerı qyzmetshiler bólim kezekshisiniń is-qımylynan bastap jaýyngerlik tehnıkanyń shyǵýy jaıly is-qımyldy oryndady. Bul týraly Qorǵanys mınıstrliginiń baspasóz qyzmeti habarlady.

Áskerı qyzmetshiler Qorǵanys mınıstrine kezekshi bólimsheniń, bólim boıynsha kezekshiniń is-qımyldaryn, baqylaý tobynyń jumysyn uıymdastyrýdy, jeke quramǵa qarý-jaraq pen múlikti berýdi, qarý-jaraq pen áskerı tehnıkany qysqa merzimdi saqtaýdan alyp tastaý tártibin jáne jaýyngerlik tehnıkanyń turaǵynan shyǵýyn kórsetti.

Bólimshe tolyqtyrýdy qarsy alý pýnktiniń jumysy qalaı uıymdastyrylatynyn, jergilikti áskerı basqarý organdarymen ózara is-qımyldyń qalaı júrgiziletinin pysyqtady.

Esterińizge sala keteıik, 18-21 qarasha aralyǵynda Qorǵanys mınıstrliginde Qazaqstan Qarýly Kúshteriniń basshylyq quramymen oqý-ádistemelik oqý-jattyǵý jıyny ótkizilýde. Bul túrli pishindegi is-sharalardyń jıyntyǵy. Atap aıtqanda komandalyq-shtabtyq áskerı oıyn, nusqaýlyq-ádistemelik sabaqtar, dárister jáne taktıkalyq lezdemeler.

4

 

 

 

Sońǵy jańalyqtar

Jazyǵy joq kóktemniń

Ádebıet • Keshe

Uqsas jańalyqtar